'ನಟ ಸಾರ್ವಭೌಮ'ನ ಪೋಸ್ಟರ್ ಗೆ ಬಿಯರ್ ಅಭಿಷೇಕ: ನಟ ಪುನಿತ್ ರಾಜ್ ಆಕ್ಷೇಪ

•   Sat, Feb 09 2019 12:36:02 PM



• ಬೆಂಗಳೂರು, ಫೆ ೦09(SM): ನೆಚ್ಚಿನ ನಟನ ಚಿತ್ರ ಬಿಡುಗಡೆಯಾದಾಗ, ಆ ಚಿತ್ರದ ಪೋಸ್ಟರ್ ಗೆ ಬೃಹತ್ ಹೂವಿನ ಹಾರ ಹಾಕುವುದು, ಹೂವಿನ ಅಭಿಷೇಕ ಮಾಡುವುದು, ಹಾಲಿನ ಅಭಿಷೇಕ ಮಾಡುವುದು ಸಾಮಾನ್ಯವಾಗಿರುತ್ತದೆ. ಆದರೆ, ಪುನಿತ್ ಅಭಿಮಾನಿಯೊಬ್ಬ ಎಲ್ಲಕ್ಕಿಂತ ಒಂದು ಹೆಜ್ಜೆ ಮುಂದಕ್ಕಿಟ್ಟಿದ್ದಾರೆ. 'ನಟ ಸಾರ್ವಭೌಮ'ನ ಪೋಸ್ಟರ್ ಗೆ ಬಿಯರ್ ಅಭಿಷೇಕ ಮಾಡಿದ್ದಾನೆ.

  

  ಫೆಬ್ರವರಿ 7ರ ಶುಕ್ರವಾರದಂದು ತೆರೆಮೇಲೆ ಬಂದ 'ನಟ ಸಾರ್ವಭೌಮ' ಚಿತ್ರದ ಪೋಸ್ಟರ್ ಗೆ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಭಿಮಾಣಿಯೊಬ್ಬ ಬಿಯರ್ ಅಭಿಷೇಕ ಮಾಡಿದ್ದ. ಅದು ಬೆಂಗಳೂರಿನ ಮೆಜೆಸ್ಟಿಕ್ ನ ಚಿತ್ರಮಂದಿರದಲ್ಲೇ. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲೂ ವೈರಲ್ ಆಗಿ ಚರ್ಚೆಗೆ ಗ್ರಾಸವಾಗಿತ್ತು. ಇದೀಗ ಇದೇ ವಿಷಯಕ್ಕೆ ಸಂಬಂಧಪಟ್ಟಂತೆ ಪುನೀತ್ ರಾಜ್ ಕುಮಾರ್ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

  ''ಅಭಿಮಾನಿಗಳಿಗ ಗೌರವ ಖಂಡಿತ ಸ್ವೀಕರಿಸುತ್ತೇವೆ. ಆದರೆ ಬಿಯರ್ ಅಭಿಷೇಕ ಮಾಡುವುದು ಬೇಡ. ಚಿತ್ರವೊಂದರಲ್ಲಿ ನಾವು ಯಾವೆಲ್ಲ ಕಸರತ್ತುಗಳನ್ನು ಮಾಡುತ್ತೇವೆ. ಅವುಗಳನ್ನು ನಿಜ ಜೀವನದಲ್ಲಿ ಮಾಡಲು ಸಾಧ್ಯವಿಲ್ಲ. ಸಮಾಜಕ್ಕೆ ನೀಡುವ ಒಳ್ಳೆಯ ಸಂದೇಶಗಳನ್ನು ಮಾತ್ರ ಸ್ವೀಕರಿಸಿ. ಉಳಿದವುಗಳ ಮೂಲಕ ಒಳ್ಳೆಯ ಸನ್ನಿವೇಶಗಳನ್ನು ಉಂಟುಮಾಡಿ'' ಎಂದು ತಮ್ಮ ಅಭಿಮಾನಿಗಳಲ್ಲಿ ಪುನೀತ್ ರಾಜ್ ಕುಮಾರ್ ವಿನಂತಿಸಿಕೊಂಡಿದ್ದಾರೆ.