’ಅಪ್ಪೆ ಟೀಚರ್’ ತಂಡದಿಂಡ ಕನ್ನಡ ಸಿನೆಮಾ ’ಮಾಲ್ಗುಡಿ ಡೇಸ್’

•   Fri, Feb 08 2019 05:37:29 PM



• ಮಂಗಳೂರು ಫೆ8(SB): 'ಅಪ್ಪೆ ಟೀಚರ್’ ಚಿತ್ರದ ಮೂಲಕ ಕೋಸ್ಟಲ್ ವುಡಿನಲ್ಲಿ ಹೊಸ ಸಂಚಲನ ಮೂಡಿಸಿದ ಯುವ ನಿರ್ದೇಶಕ ಕಿಶೋರ್ ಮೂಡುಬಿದ್ರಿ ಹಾಗೂ ತಂಡವು ಸ್ಯಾಂಡಲ್ ವುಡ್ಡಿನಲ್ಲಿ ತಮ್ಮ ಅದೃಶ್ಟ ಪರೀಕ್ಷಿಸಲು ಮುಂದಾಗಿದೆ. ’ಮಾಲ್ಗುಡಿ ಡೇಸ್’ ಎಂದು ಹೆಸರಿಟ್ಟ ಚಿತ್ರದಲ್ಲಿ ಚಿನ್ನಾರಿ ಮುತ್ತ ಖ್ಯಾತಿಯ ವಿಜಯ ರಾಘವೇಂದ್ರ ನಾಯಕ ನಟರಾಗಿ ಕಾಣಿಸಲಿದ್ದಾರೆ. ಕೆ. ರತ್ನಾಕರ್ ರವರ ನಿರ್ಮಾಪಕತ್ವದಲ್ಲಿ ಸೆಟ್ಟೇರಲಿರುವ ಈ ಚಿತ್ರದ ಪೋಸ್ಟರ್ ಬಿಡುಗಡೆ ಕಾರ್ಯಕ್ರಮವು ಪುನೀತ್ ರಾಜ್ ಕುಮಾರ್ ರವರಿಂದ ಈಗಾಗಲೇ ನಡೆದಿದ್ದು ಚಿತ್ರೀಕರಣದ ಪೂರ್ವ ತಯಾರಿ ಭರದಿಂದ ಸಾಗುತ್ತಿದೆ.

  

   

  
  ನಿರ್ದೇಶನದೊಂದಿಗೆ ಚಿತ್ರಕ್ಕೆ ಕಥೆ,ಚಿತ್ರಕಥೆ ಹಾಗೂ ಸಂಭಾಷಣೆಯನ್ನು ಕಿಶೋರ್ ಮೂಡ್ ಬಿದ್ರೆ ರಚಿಸಿದ್ದು ಚಿತ್ರದ ನಾಯಕಿ ಹಾಗೂ ಇತರ ಪಾತ್ರಗಳ ಹುಡುಕಾಟ ಆರಂಭಿಸಿದ್ದಾರೆ. ಚಿತ್ರದಲ್ಲಿ ಹೊಸ ಹಾಗೂ ಪ್ರತಿಭಾವಂತ ಪ್ರತಿಭೆಗಳಿಗೆ ಅವಕಾಶ ನೀಡುವ ಉದ್ದೇಶದಿಂದ ಪ್ರತಿಭಾ ನೊಂದಣಿಗೆ ಮುಕ್ತ ಆಹ್ವಾನ ನೀಡಿದ್ದಾರೆ.