ಉಪೇಂದ್ರ ಜನ್ಮದಿನಕ್ಕೆ ಪ್ಯಾನ್ ಇಂಡಿಯಾ 'ಕಬ್ಜ' ಸಿನಿಮಾದ ಟೀಸರ್ ಬಿಡುಗಡೆ

•   Mon, Sep 12 2022 04:28:59 PM



• ಬೆಂಗಳೂರು, ಸೆ 12 (DaijiworldNews/HR): ಬಹು ನಿರೀಕ್ಷಿತ ಕಬ್ಜ ಸಿನಿಮಾದ ಟೀಸರ್ ಸೆಪ್ಟೆಂಬರ್ 17ರಂದು ಬಿಡುಗಡೆಯಾಗಲಿದ್ದು, ಈ ಮೂಲಕ ಸೆಪ್ಟೆಂಬರ್​ 18ರಂದು ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿರುವ ನಟ, ನಿರ್ದೇಶಕ ಉಪೇಂದ್ರ ಅವರಿಗೆ ಸಿನಿಮಾ ತಂಡ ಗಿಫ್ಟ್ ನೀಡಿದಂತಾಗಲಿದೆ.

  ಆರ್​. ಚಂದ್ರು ನಿರ್ದೇಶನದ 'ಕಬ್ಜ' ಚಿತ್ರ ಅಭಿಮಾನಿಗಳಲ್ಲಿ ನಿರೀಕ್ಷೆ ಮೂಡಿಸಿದ್ದು, ಉಪೇಂದ್ರ ಅವರ ಹುಟ್ಟುಹಬ್ಬದ ಪ್ರಯುಕ್ತ ಟೀಸರ್​ ರಿಲೀಸ್​ ಮಾಡಲು ತಂಡ ನಿರ್ಧರಿಸಿದೆ.

  ಇನ್ನು ಈ ಸಿನಿಮಾದಲ್ಲಿ ಉಪೇಂದ್ರ ಜೊತೆ ಕಿಚ್ಚ ಸುದೀಪ್​ ಕೂಡ ನಟಿಸುತ್ತಿರುವುದು ವಿಶೇಷವಾಗಿದ್ದು, ಖ್ಯಾತ ನಟಿ ಶ್ರೀಯಾ ಶರಣ್ ಅವರು ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ.