ಹೃತಿಕ್ ಮತ್ತು ಸೈಫ್ ಅಭಿನಯದ ‘ವಿಕ್ರಮ್ ವೇದಾ’ ಚಿತ್ರದ ಟ್ರೇಲರ್‌ ಬಿಡುಗಡೆ

•   Thu, Sep 08 2022 05:13:26 PM



• ಮುಂಬೈ, ಸೆ 08 (DaijiworldNews/MS): ಹೃತಿಕ್ ರೋಷನ್ ಮತ್ತು ಸೈಫ್ ಅಲಿ ಖಾನ್ ಅಭಿನಯದ ‘ವಿಕ್ರಮ್ ವೇದಾ’ ಚಿತ್ರದ ಟ್ರೇಲರ್‌ ಗುರುವಾರ ಬಿಡುಗಡೆಯಾಗಿದೆ.

  2017 ರಲ್ಲಿ ಬಿಡುಗಡೆಯಾಗಿರುವ ತಮಿಳು ಹಿಟ್ ಚಿತ್ರಗಳಲ್ಲಿ ವಿಕ್ರಮ್ -ವೇದಾ ಒಂದಾಗಿದೆ. ಮಾಧವನ್ ಹಾಗೂ ಸೇತುಪತಿ ತಮ್ಮದೆ ಅದ್ಭುತ ನಟನಾ ಶೈಲಿಯಿಂದ ಜನರ ಮನಸ್ಸನ್ನು ಗೆದ್ದಿದ್ದರು.

  ಬಾಲಿವುಡ್ ನ ವಿಕ್ರಮ್ ವೇದಾ ಕ್ರೈಮ್‌ ಥ್ರಿಲ್ಲರ್‌ ಚಿತ್ರದಲ್ಲಿ ಪ್ರೇಕ್ಷಕರೌ ನಿರೀಕ್ಷಿಸಬಹುದಾದ ಎಲ್ಲ ಅಂಶಗಳನ್ನೂ ಈ ಟ್ರೇಲರ್‌ ಒಳಗೊಂಡಿದ್ದು, ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿದೆ. ಆ್ಯಕ್ಷನ್‌ ಸೀಕ್ವೆನ್ಸ್‌ಗಳು, ಹೊಡೆದಾಟದ ದೃಶ್ಯಗಳು ಟ್ರೇಲರ್‌ಗೆ ಮೆರುಗು ನೀಡಿವೆ.

  ಸೈಫ್ ಹಾಗೂ ಹೃತಿಕ್ ಮುಖಾಮುಖಿಯಾಗಿರುವ ದೃಶ್ಯಗಳು ರೋಮಾಂಚನಕಾರಿಯಾಗಿ ಮೂಡಿಬಂದಿವೆ. ಸೈಫ್ ಅಲಿ ಖಾನ್ ವಿಕ್ರಂ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರೆ ವೇದಾ ಪಾತ್ರದಲ್ಲಿ ಹೃತಿಕ್ ರೋಷನ್ ಅಭಿನಯಿಸಿದ್ದಾರೆ. ಮೂಲ ತಮಿಳಿನಲ್ಲಿ ಮಾಧವನ್ ವಿಕ್ರಂ ಆಗಿ ಹಾಗೂ ವಿಜಯ್ ಸೇತುಪತಿ, ವೇದಾ ಆಗಿ ಅಭಿನಯಿಸಿದ್ದರು.