ಕಿಶೋರ್‌ಕುಮಾರ್‌ ಮನೆಯನ್ನು ರೆಸ್ಟೋರೆಂಟ್ ಮಾಡಲಿದ್ದಾರೆ ವಿರುಷ್ಕಾ ದಂಪತಿ

•   Sun, Sep 04 2022 03:55:46 PM



• ಮುಂಬೈ, ಸೆ 04 (DaijiworldNews/DB): ಭಾರತೀಯ ಕ್ರಿಕೆಟ್ ತಂಡದ ಮಾಜಿ ನಾಯಕ ವಿರಾಟ್ ಕೊಹ್ಲಿ ಮತ್ತು ನಟಿ ಅನುಷ್ಕಾ ಶರ್ಮಾ ದಂಪತಿ ಒಂದಲ್ಲ ಒಂದು ವಿಚಾರಕ್ಕೆ ಸುದ್ದಿಯಾಗುತ್ತಲೇ ಇರುತ್ತಾರೆ. ಇದೀಗ ಹೊಸ ರೆಸ್ಟೋರೆಂಟ್ ಆರಂಭಕ್ಕೆ ಈ ಜೋಡಿ ಮುಂದಾಗಿದೆ.

  ಹೌದು ಫಾರ್ಮ್ ಹೌಸ್‌ ಜೊತೆಗೆ ರೆಸ್ಟೋರೆಂಟ್‌ ನಿರ್ಮಾಣಕ್ಕಾಗಿ ಈ ಜೋಡಿ ಜಾಗ ಖರೀದಿ ಮಾಡಿದ್ದಾರೆಂಬ ಸುದ್ದಿ ಹರಿದಾಡುತ್ತಿದೆ. ಆದರೆ ಮುಖ್ಯ ವಿಷಯ ಏನೆಂದರೆ ಗಾಯಕ ಕಿಶೋರ್‌ಕುಮಾರ್‌ ಅವರ ಮನೆಯನ್ನೇ ವಿರುಷ್ಕಾ ದಂಪತಿ ರೆಸ್ಟೋರೆಂಟ್ ಆಗಿ ಬದಲಾಯಿಸುತ್ತಿರುವುದು. ಹೌದು. ಈ ಮನೆಯಲ್ಲಿ ರೆಸ್ಟೋರೆಂಟ್ ಶಾಖೆ ತೆರೆಯುವುದು ವಿರುಷ್ಕಾ ಕನಸಂತೆ. ಇದಕ್ಕಾಗಿ ಯೋಜನೆ ಶೀಘ್ರ ಅಂತಿಮಗೊಳ್ಳಲಿದೆ ಎಂದು ಕಿಶೋರ್ ಕುಮಾರ್ ಕುಟುಂಬಿಕರು ಹೇಳಿದ್ದಾರೆ.

  ಈಗಾಗಲೇ ಗಣೇಶೋತ್ಸವ ದಿನದಂದು ಈ ಜೋಡಿ ಅಲಿಬಾಫ್‌ನಲ್ಲಿ 19.24 ಕೋಟಿ ರೂ. ಮೌಲ್ಯದ ಫಾರ್ಮ್ ಹೌಸ್‌ ಖರೀದಿ ಮಾಡಿದ್ದಾರೆ. ಎಂಟು ಎಕರೆ ವಿಸ್ತೀರ್ಣವನ್ನು ಈ ಫಾರ್ಮ್ ಹೌಸ್‌ ಹೊಂದಿದೆ. ವಿಶೇಷವೆಂದರೆ ಇದರ ಪಕ್ಕದಲ್ಲೇ ಕಳೆದ ತಿಂಗಳು ದೀಪಿಕಾ ಪಡುಕೋಣೆ ಮತ್ತು ರಣ್ವೀರ್ ಸಿಂಗ್ ಅವರು ಫಾರ್ಮ್ ಹೌಸ್‌ ಖರೀದಿಸಿ ಕಳೆದ ತಿಂಗಳು ಗೃಹ ಪ್ರವೇಶ ಮಾಡಿದ್ದರು. ಬಾಲಿವುಡ್‌ ಸೂಪರ್‌ಸ್ಟಾರ್‌ ಶಾರುಖ್ ಖಾನ್‌ - ಗೌರಿ ಖಾನ್‌ ದಂಪತಿ ಕೂಡ ಅಲಿಬಾಘ್‌ನಲ್ಲಿ ಫಾರ್ಮ್‌ ಹೌಸ್‌ ಹೊಂದಿದ್ದಾರೆ.