ಸರ್ಜಾ ಕುಟುಂಬಕ್ಕೆ ಶೀಘ್ರ ಹೊಸ ಸದಸ್ಯನ ಆಗಮನ-ಸಿಹಿಶುದ್ದಿ ಕೇಳಿ ಅಭಿಮಾನಿಗಳು ಖುಷ್

•   Sat, Sep 03 2022 04:44:03 PM



• ಬೆಂಗಳೂರು, ಸೆ 03 (DaijiworldNews/DB): ಸರ್ಜಾ ಕುಟುಂಬಕ್ಕೆ ಶೀಘ್ರವೇ ಹೊಸ ಸದಸ್ಯನ ಆಗಮನವಾಗಲಿದೆ. ನಟ ಧ್ರುವ ಸರ್ಜಾ ಒತ್ನಿ ಪ್ರೇರಣಾ ಗರ್ಭಿಣಿಯಾಗಿದ್ದು, ಇಬ್ಬರೂ ತಾವು ತಂದೆ-ತಾಯಿಯಾಗುತ್ತಿದ್ದೇವೆಂದು ಘೋಷಿಸಿಕೊಂಡಿದ್ದಾರೆ.

  ಧ್ರುವ ಸರ್ಜಾ ಮತ್ತು ಪತ್ನಿ ಪ್ರೇರಣಾ ಬೇಬಿ ಬಂಪ್ ಫೋಟೋ ಶೂಟ್ ಮಾಡಿಸಿಕೊಂಡು ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಸರ್ಜಾ ಕುಟುಂಬಕ್ಕೆ ನೂತನ ಸದಸ್ಯನ ಆಗಮನದ ಸುದ್ದಿ ತಿಳಿದು ಅಭಿಮಾನಿಗಳು ಫುಲ್ ಖುಷ್ ಆಗಿದ್ದಾರೆ. ಪತ್ನಿ ಪ್ರೇರಣಾ ಜೊತೆಗೆ ಧ್ರುವ ಸರ್ಜಾ ಅವರು ಮಗುವಿನ ಆಲ್ಟ್ರಾ ಸೌಂಡ್ ಚಿತ್ರವನ್ನು ಹಿಡಿದು ಫೋಟೋಕ್ಕೆ ಪೋಸ್ ಕೊಟ್ಟಿದ್ದಾರೆ. ಅಲ್ಲದೆ, ಚಿತ್ರಗಳ ಕೊಲಾಜ್ ವೀಡಿಯೋವನ್ನು ಕೂಡಾ ಹಂಚಿಕೊಂಡಿದ್ದು, ಜೀವನದ ಹೊಸ ಹಂತಕ್ಕೆ ನಾವು ಹೋಗುತ್ತಿದ್ದೇವೆ. ದಿವ್ಯವಾದ ಹಂತ ಇದಾಗಿದ್ದು, ಶೀಘ್ರ ಪುಟ್ಟ ಕಂದಮ್ಮ ನಮ್ಮ ಮಡಿಲು ಸೇರಲಿದ್ದಾನೆ. ಜೈ ಆಂಜನೇಯ ಎಂದು ಬರೆದುಕೊಂಡಿದ್ದಾರೆ.

  2019ರ ನವೆಂಬರ್‌ನಲ್ಲಿ ಧ್ರುವ ಸರ್ಜಾ ಹಾಗೂ ಪ್ರೇರಣಾ ಸರ್ಜಾ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಇದೀಗ ಮದುವೆಯಾಗಿ ಮೂರು ವರ್ಷವಾಗುತ್ತಿರುವಾಗ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ.

  ಸದ್ಯ ಧ್ರುವ ಸರ್ಜಾ ನಟನೆಯ 'ಮಾರ್ಟಿನ್' ಸಿನಿಮಾದ ಚಿತ್ರೀಕರಣ ನಡೆಯುತ್ತಿದೆ. ಇದಾದ ಬಳಿಕ ಪ್ರೇಮ್ ಜೊತೆಗಿನ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.