ಸ್ಟಾರ್ ನಟಿಯ ತಂಗಿಯೊಂದಿಗೆ ಆರ್ಯನ್ ಖಾನ್ ಡೇಟಿಂಗ್?

•   Thu, Sep 01 2022 03:09:38 PM



• ಮುಂಬೈ, ಸೆ 01 (DaijiworldNews/DB): ಡ್ರಗ್ಸ್‌ ಪ್ರಕರಣದಿಂದಾಗಿ ಭಾರೀ ಸುದ್ದಿಯಲ್ಲಿದ್ದ ಶಾರುಖ್‌ ಖಾನ್ ಪುತ್ರ ಇದೀಗ ಮತ್ತೆ ಸುದ್ದಿಯಲ್ಲಿದ್ದಾರೆ. ಆದರೆ ಈ ಬಾರಿ ಡ್ರಗ್ಸ್ ವಿಚಾರವಲ್ಲ, ಬದಲಾಗಿ ಆರ್ಯನ್ ಖ್ಯಾತ ನಟಿಯೊಬ್ಬರ ತಂಗಿಯೊಂದಿಗೆ ಡೇಟಿಂಗ್ ನಡೆಸುತ್ತಿದ್ದಾರೆ ಎಂಬ ಕಾರಣಕ್ಕಾಗಿ.

  ಹೌದು, ನಟಿ ಕತ್ರಿನಾ ಕೈಫ್ ಅವರ ಕಿರಿಯ ಸಹೋದರಿ ಇಸಾಬೆಲ್ಲ ಕೈಫ್ ಅವರೊಂದಿಗೆ ಆರ್ಯನ್ ಖಾನ್ ಡೇಟಿಂಗ್‌ನಲ್ಲಿದ್ದಾರೆ ಎನ್ನಲಾಗುತ್ತಿದೆ. ಇದಕ್ಕೆ ಪುಷ್ಠಿ ನೀಡುವಂತೆ ಇಬ್ಬರು ಒಟ್ಟಿಗಿರುವ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಆದರೆ ಇದು ಕೇವಲ ವದಂತಿ ಎಂದು ಇಬ್ಬರೂ ಹೇಳಿರುವುದಾಗಿಯೂ ವರದಿಯಾಗಿದೆ. ಈ ನಡುವ ಸ್ಟಾರ್ ನಟನೊಬ್ಬನ ಪುತ್ರಿಯೊಂದಿಗೆ ಆರ್ಯನ್ ಖಾನ್ ಪ್ರೀತಿಯಲ್ಲಿ ಬಿದ್ದಿದ್ದಾರೆಂದೂ ಹೇಳಲಾಗುತ್ತಿದೆ.

  ಇತ್ತೀಚೆಗಷ್ಟೇ ನಟಿ ಶ್ರುತಿ ಚೌಹಾಣ್ ಹುಟ್ಟುಹಬ್ಬ ಪಾರ್ಟಿಯಲ್ಲಿ ಆರ್ಯನ್ ಖಾನ್, ಕಿರುತೆರೆ ನಟ ಕರಣ್ ಟಕ್ಕರ್‍ ಸೇರಿದಂತೆ ಹಲವರು ಭಾಗವಹಿಸಿದ್ದರು. ಈ ಪಾರ್ಟಿಯಲ್ಲಿ ಇಸಾಬೆಲ್ಲ ಕೈಫ್ ಕೂಡಾ ಭಾಗವಹಿಸಿದ್ದರು.

  ಕಳೆದ ವರ್ಷಾಂತ್ಯದ ವೇಳೆಗೆ ದ್ರಗ್ಸ್ ಪ್ರಕರಣದಲ್ಲಿ ಆರ್ಯನ್ ಖಾನ್‌ರನ್ನು ಎನ್‌ಸಿಬಿ ಬಂಧಿಸಿತ್ತು. ಬಳಿಕ ಇದು ನಿಯಮ ಉಲ್ಲಂಘನೆಯ ಬಂಧನ ಎಂದು ಚಾರ್ಜ್‌ಶೀಟ್‌ನಿಂದ ಆರ್ಯನ್ ಹೆಸರನ್ನು ಕೈಬಿಡಲಾಗಿತ್ತು. ಸದ್ಯ ಸಾಮಾನ್ಯ ಜೀವನಕ್ಕೆ ಮರಳಿರುವ ಆರ್ಯನ್ ಖಾನ್ ವೆಬ್‌ ಸರಣಿಯೊಂದನ್ನು ನಿರ್ದೇಶಿಸುವ ಸಿದ್ದತೆ ನಡೆಸುತ್ತಿದ್ದಾರೆ ಎಂದು ತಿಳಿದು ಬಂದಿದೆ.