ಮಂಗಳೂರು: 'ಗೋಕುಲ ಬಾಲಕನೇ ಕೃಷ್ಣ' ಸ್ಯಾಕ್ಸೋಫೋನ್ ವರ್ಶನ್ ಕವರ್ ಸಾಂಗ್ ಬಿಡುಗಡೆ

•   Thu, Aug 18 2022 04:59:19 PM



• ಮಂಗಳೂರು, ಆ 18 (DaijiworldNews/DB): ಶ್ರೀ ಕೃಷ್ಣ ಜನ್ಮಾಷ್ಟಮಿಯಂದು 'ಗೋಕುಲ ಬಾಲಕನೇ ಕೃಷ್ಣ' ಸ್ಯಾಕ್ಸೋಫೋನ್ ವರ್ಶನ್ ಕವರ್ ಸಾಂಗ್ ಶ್ರೀ ವಿ ಕ್ರಿಯೇಶನ್ಸ್‌ ಯೂಟ್ಯೂಬ್ ಚಾನೆಲ್‌ನಲ್ಲಿ ಬಿಡುಗಡೆಗೊಂಡಿದೆ.

  ಎಂ. ವೇಣುಗೋಪಾಲ್ ಪುತ್ತೂರು ಅವರ ಸ್ಯಾಕ್ಸೋಫೋನ್ ವಾದನದಲ್ಲಿ ಹಿನ್ನೆಲೆ ಗಾಯಕಿ ಕೃತಿಕಾ ಅಖಿಲ್ ಅವರ ಧ್ವನಿಯಲ್ಲಿ ಗೀತೆ ಅದ್ಭುತವಾಗಿ ಮೂಡಿ ಬಂದಿದೆ. ಗೀತೆಯ ಧ್ವನಿ ಮುದ್ರಣ ಮತ್ತು ಮಾಸ್ಟರಿಂಗ್‌ನ್ನು ಮಂಗಳೂರು ಕ್ಯಾಡ್ ಮೀಡಿಯಾದ ಶಿನೋಯ್ ವಿ. ಜೋಸೆಫ್ ನಿರ್ವಹಿಸಿದ್ದಾರೆ. ರಾಧೆಯಾಗಿ ಭರತನಾಟ್ಯ ಕಲಾವಿದೆ ವಿದುಷಿ ಸಹನಾ ರೈ ಕುಂದಾಪುರ ಮತ್ತು ಕೃಷ್ಣನಾಗಿ ಭರತನಾಟ್ಯ ಕಲಾವಿದೆ ವಿದುಷಿ ರಾಜೇಶ್ವರಿ ಪ್ರಭು ನಟಿಸಿದ್ದಾರೆ. ಸಂದೇಶ್, ಜಿತೇಶ್, ಸನತ್ ಅವರ ಛಾಯಾಗ್ರಹಣ, ಶ್ರೀ ವಿ. ಕ್ರಿಯೇಶನ್ಸ್‌ನ ವಿಕ್ರಮ್ ನಾಯಕ್ ಅವರ ಸಂಕಲನ ಗೀತೆಗಿದೆ. ಪಜ್ಜೆ ಡಿಸೈನ್ಸ್‌ನ ಶಶಿ ಆಚಾರ್ ಕನ್ಯಾನ ಪ್ರಚಾರ ಕಲೆ ನೇತೃತ್ವ ವಹಿಸಿದ್ದಾರೆ.

  ಹಸಿರು ವನಸಿರಿಯ ನಡುವೆ ಗೋವುಗಳ ಮಧ್ಯೆ ಕೃಷ್ಣ-ರಾಧೆಯರ ನರ್ತನ ಸೊಗಸಾಗಿ ಮೂಡಿ ಬಂದಿದೆ.