ಅವಳಿ ಮಕ್ಕಳ ಜೊತೆಯಲ್ಲಿ ಮಾದಕ ಬೆಡಗಿ ಸನ್ನಿ ಲಿಯೋನ್

•   Fri, Feb 01 2019 04:49:15 PM



• ನವದೆಹಲಿ,ಫೆ 01 (MSP): ಬಾಲಿವುಡ್ ಮಾದಕ ಬೆಡಗಿ ಸನ್ನಿ ಲಿಯೋನ್ ತನ್ನಿಬ್ಬರು ಮುದ್ದಾದ ಅವಳಿ ಮಕ್ಕಳೊಂದಿಗೆ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿದ್ದು, ಸನ್ನಿ ಹಾಗೂ ಮಕ್ಕಳ ಜತೆ ಫೋಟೋಗಳು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.

  

  ಸನ್ನಿ ಲಿಯೋನ್ ಹಾಗೂ ಅವರ ಪತಿ ಡೇವಿಡ್ ವೆಬರ್ ಕಳೆದ ವರ್ಷ ಜೂನ್ ನಲ್ಲಿ ನಿಶಾ ಕೌರ್ ಎಂಬ ಬಾಲಕಿಯನ್ನು ದತ್ತು ಪಡೆದುಕೊಂಡಿದ್ದರು. ಆ ಬಳಿಕ ಬಾಡಿಗೆ ತಾಯಿಯ ಮೂಲಕ ಅವಳಿ ಮಕ್ಕಳಿಗೆ ಜನ್ಮ ನೀಡಿದ್ದರು. ಇದೀಗ ಸನ್ನಿ ತನ್ನ ಟ್ವಿನ್ಸ್ ಮಕ್ಕಳಾದ ಆಶೇರ್ ಸಿಂಗ್ ವೆಬರ್ ಮತ್ತು ನೋಹಾ ಸಿಂಗ್ ವೆಬರ್ ಜೊತೆ ಏರ್‌ಪೋರ್ಟ್‌ ಗೆ ಆಗಮಿಸಿದ್ದಾರೆ. ಈ ಇಬ್ಬರು ಮಕ್ಕಳಲ್ಲಿ ಒಂದು ಮಗುವನ್ನು ಸನ್ನಿ ಎತ್ತಿಕೊಂಡಿದ್ದರೆ, ಮತ್ತೊಂದು ಮಗುವನ್ನು ಕೆಲಸದಾಕೆ ಎತ್ತಿಕೊಂಡಿದ್ದರು.

  ಇದೀಗ ಏರ್‌ಪೋರ್ಟ್‌ನಲ್ಲಿ ಅವರು ಅವಳಿ ಮಕ್ಕಳೊಂದಿಗೆ ಇರುವ ಪೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಸದ್ಯ ಸನ್ನಿ ಲಿಯೋನ್ ಈಗ ತಮಿಳಿನ ‘ವೀರಮಹಾದೇವಿ’ ಎಂಬ ಐತಿಹಾಸಿಕ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.