Entertainment
ಪಾಪರಾಜಿಗಳ ವಿರುದ್ದ ಕೂಗಾಡಿದ ತಾಪ್ಸಿ ಪನ್ನು - ವಿಡಿಯೋ ವೈರಲ್
- Tue, Aug 09 2022 04:20:08 PM
-
ಮುಂಬೈ, ಆ 09 (DaijiworldNews/HR): ನಟ, ನಟಿಯರ ಫೋಟೋ ಮತ್ತು ವಿಡಿಯೋ ಸೆರೆ ಹಿಡಿಯುವ ಸಲುವಾಗಿ ಪಾಪರಾಜಿಗಳು ಯಾವಾಗಲು ಕಿತ್ತಾಟ ನಡೆಸುತ್ತಾರೆ. ಇದರಿಂದ ಸೆಲೆಬ್ರಿಟಿಗಳಿಗೆ ಕಿರಿಕಿರಿ ಉಂಟಾಗುವುದು ಸಹಜ. ಅದರಂತೆ ನಟಿ ತಾಪ್ಸಿ ಪನ್ನು ಅವರಿಗೆ ಅದೇ ರೀತಿ ಆಗಿ ಕೂಗಾಡಿದ ವಿಡಿಯೋ ವೈರಲ್ ಆಗಿದೆ.
ಪವೇಲ್ ಗುಲಾಟಿ ಮತ್ತು ತಾಪ್ಸಿ ಪನ್ನು ಜೊತೆಯಾಗಿ ನಟಿಸಿರುವ ‘ದೋಬಾರಾ’ ಸಿನಿಮಾ ಬಿಡುಗಡೆಗೆ ಸಿದ್ಧವಾಗಿದೆ.
ತಾಪ್ಸಿ ಅಭಿನಯದ 'ದೋಬಾರಾ' ಸಿನಿಮಾ ಆಗಸ್ಟ್ 19ರಂದು ತೆರೆಕಾಣಲಿದ್ದು, ಅದರ ಪ್ರಚಾರದ ಸಲುವಾಗಿ ಅವರು ಅನೇಕ ಕಡೆಗಳಿಗೆ ತೆರಳಿ ಅಭಿಮಾನಿಗಳನ್ನು ಭೇಟಿ ಮಾಡುತ್ತಿದ್ದಾರೆ.
ಇನ್ನು ಇವೆಂಟ್ ನಡೆಯುವ ಸ್ಥಳಕ್ಕೆ ತಾಪ್ಸಿ ಪನ್ನು ಆಗಮಿಸುತ್ತಿದ್ದಂತೆಯೇ ಅವರ ಫೋಟೋಗಳನ್ನು ಸೆರೆ ಹಿಡಿಯಲು ಪಾಪರಾಜಿಗಳು ಮುಗಿಬಿದ್ದಿದ್ದು, ಅವರಿಗೆ ತಾಪ್ಸಿ ಪೋಸ್ ನೀಡಲಿಲ್ಲ. ಅದಾಗಲೇ ಕಾರ್ಯಕ್ರಮಕ್ಕೆ ತಡವಾಗಿದ್ದರಿಂದ ನೇರವಾಗಿ ಅವರು ವೇದಿಕೆ ಕಡೆಗೆ ಹೋಗಲು ಮುಂದಾಗಿದ್ದು,ಈ ವೇಳೆ ಅವರನ್ನು ಪಾಪರಾಜಿಗಳು ಸುತ್ತಿವರಿದು ಪೋಸ್ ನೀಡಲೇಬೇಕು ಎಂದು ಪಟ್ಟು ಹಿಡಿದರು. ಇದರಿಂದ ತಾಪ್ಸಿಗೆ ಸಿಟ್ಟು ಬಂದು ಗರಂ ಆಗಿರುವ ವಿಡೀಯೋ ವೈರಲ್ ಆಗಿದೆ.
ಚಾನಲ್ ಫಾಲೋ ಮಾಡಿ
