ತನ್ನ ಖಾಸಗಿ ವಿಡಿಯೋ ಲೀಕ್​ ಕುರಿತು ಅಸಲಿಯತ್ತು ಬಿಚ್ಚಿಟ್ಟ ಸೋನು ಶ್ರೀನಿವಾಸ್​ ಗೌಡ

•   Mon, Aug 08 2022 05:38:36 PM



• ಬೆಂಗಳೂರು, ಆ 08 (DaijiworldNews/HR): ಟಿಕ್ ಟಾಕ್ ಸ್ವಾರ್ ಸೋನು ಶ್ರೀನಿವಾಸ್​ ಗೌಡಗೆ ಈ ಬಾರಿಯ ‘ಬಿಗ್​​ ಬಾಸ್​ ಕನ್ನಡ ಒಟಿಟಿ’ ಅವಕಾಶ ಲಭಿಸಿದ್ದು, ತನ್ನ ಖಾಸಗಿ ವಿಡಿಯೋ ಲೀಕ್​ ಕುರಿತಾಗಿ ಅಸಲಿ ವಿಚಾರವನ್ನು ಬಿಚ್ಚಿಟ್ಟಿದ್ದಾರೆ.

  ತಮ್ಮ ಖಾಸಗಿ ವಿಡಿಯೋ ಲೀಕ್​ ಆಗಿದ್ದಕ್ಕೆ ಕಾರಣ ಏನು ಎಂಬುದನ್ನು ಅವರು ವಿವರಿಸಿ ಕಣ್ಣೀರು ಹಾಕಿದ್ದಾರೆ.

  ಸೋನು ಶ್ರೀನಿವಾಸ್​ ಗೌಡ ಒಬ್ಬ ಹುಡುಗನನ್ನು ಲವ್​ ಮಾಡುತ್ತಿದ್ದದ್ದು, ಇಬ್ಬರ ನಡುವಿನ ವಿಡಿಯೋ ಕಾಲ್​ ರೆಕಾರ್ಡ್​ ಸಿಕ್ಕಾಪಟ್ಟೆ ವೈರಲ್​ ಆಗಿತ್ತು. ಮದುವೆ ಆಗುತ್ತೇವಲ್ಲ ಅಂತ ನಂಬಿಕೆಯಿಂದ ನಾನು ವಿಡಿಯೋ ಕಾಲ್​ ಮಾಡಿದೆ. ಅದನ್ನು ಅವನು ರೆಕಾರ್ಡ್​ ಮಾಡಿಕೊಂಡು ಬಳಿಕ ಆ ವಿಡಿಯೋ ಇಟ್ಟುಕೊಂಡು ಬ್ಲಾಕ್​ ಮೇಲ್​ ಮಾಡುತ್ತಿದ್ದು, ಕೊನೆಗೆ ಅದನ್ನು ವೈರಲ್ ಮಾಡಿದ್ದಾನೆ.

  ಇನ್ನು ಅದೇ ರೀತಿಯ ಮತ್ತೊಂದು ವಿಡಿಯೋ ಇದೆ ಅದನ್ನು ಯಾವಾಗ ವೈರಲ್ ಮಾಡುತ್ತಾನೆ ಎಂದು ಗೊತ್ತಿಲ್ಲ ಎಂದುಕೊಂಡು ಕಣ್ಣೀರು ಹಾಕಿದ್ದಾರೆ.