ಚಾರ್ಲಿ ಮೆಚ್ಚಿದ ರಜನೀಕಾಂತ್‌-ರಕ್ಷಿತ್ ಶೆಟ್ಟಿಗೆ ಕರೆ ಮಾಡಿದ ಸೂಪರ್‌ ಸ್ಟಾರ್

•   Wed, Jun 22 2022 04:40:35 PM



• ಬೆಂಗಳೂರು, ಜೂ 22 (DaijiworldNews/DB): '777 ಚಾರ್ಲಿ'ಗೆ ಸೂಪರ್ ಸ್ಟಾರ್‌ ರಜನೀಕಾಂತ್ ಅವರಿಂದ ಮೆಚ್ಚುಗೆ ವ್ಯಕ್ತವಾಗಿದೆ. ಹೌದು ಇದನ್ನು ಸ್ವತಃ ಚಾರ್ಲಿ ನಟ ರಕ್ಷಿತ್ ಶೆಟ್ಟಿ ಅವರೇ ಟ್ವೀಟ್ ಮಾಡಿ ಹೇಳಿದ್ದಾರೆ.

  ಮನುಷ್ಯ ಮತ್ತು ಶ್ವಾನಗಳ ನಡುವಿನ ಸಂಬಂಧ, ಪ್ರೀತಿಯನ್ನು ವ್ಯಕ್ತಪಡಿಸುವ ಉತ್ತಮ ಕಥಾಹಂದರವಿರುವ ಚಿತ್ರ 777 ಚಾರ್ಲಿ. ಈಗಾಗಲೇ ಈ ಚಿತ್ರವನ್ನು ಅಭಿಮಾನಿಗಳು ಮಾತ್ರವಲ್ಲದೆ, ದೊಡ್ಡ ದೊಡ್ಡ ಸ್ಟಾರ್ ನಟ, ನಟಿಯರು, ಕರ್ನಾಟಕದ ಮುಖ್ಯಮಂತ್ರಿ, ಸಚಿವರು, ಶಾಸಕರುಗಳು ಸೇರಿದಂತೆ ಹಲವರು ವೀಕ್ಷಿಸಿ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ. ಆದರೆ ಇದೀಗ, ಸೂಪರ್ ಸ್ಟಾರ್ ರಜನೀಕಾಂತ್ ಅವರು ಚಿತ್ರ ವೀಕ್ಷಿಸಿ ಚಾರ್ಲಿಯನ್ನು ಮೆಚ್ಚಿಕೊಂಡಿರುವುದು ಹೊಸ ಸುದ್ದಿ.

  ಚಾರ್ಲಿ ವೀಕ್ಷಿಸಿದ ರಜನೀಕಾಂತ್ ಅವರು ರಕ್ಷಿತ್ ಶೆಟ್ಟಿ ಅವರಿಗೆ ಕರೆ ಮಾಡಿ ಚಿತ್ರದ ಬಗ್ಗೆ ಮೆಚ್ಚುಗೆ ಮಾತುಗಳನ್ನಾಡಿರುವ ಕುರಿತು ರಕ್ಷಿತ್ ಶೆಟ್ಟಿ ಅವರು ಟ್ವೀಟ್ ಮಾಡಿ ತಿಳಿಸಿದ್ದಾರೆ. ’ದಿನದ ಅದ್ಭುತ ಆರಂಭ!’ ಎಂಬುದಾಗಿ ಬರೆದುಕೊಂಡಿರುವ ಅವರು, ನಿನ್ನೆ ರಾತ್ರಿ ಚಿತ್ರವನ್ನು ವೀಕ್ಷಿಸಿದ ಬಳಿಕ ಬೆಳಗ್ಗೆ ರಜನೀಕಾಂತ್ ಸರ್‌ ನನಗೆ ಕರೆ ಮಾಡಿ ಚಿತ್ರದ ಬಗ್ಗೆ ವಿಸ್ಮಯ ವ್ಯಕ್ತಪಡಿಸಿದ್ದಾರೆ. ಮೇಕಿಂಗ್, ಕಥೆ, ವಿನ್ಯಾಸಗಳ ಬಗ್ಗೆ ಮೆಚ್ಚುಗೆ ಸೂಚಿಸಿ ಸುದೀರ್ಘ ಸಮಯ ಮಾತನಾಡಿದರು. ಕ್ಲೈಮಾಕ್ಸ್‌ ಬಗ್ಗೆ ತುಂಬಾ ಮೆಚ್ಚುಗೆ ಸೂಚಿಸಿದರು ಎಂದು ರಕ್ಷಿತ್ ಶೆಟ್ಟಿ ಬರೆದುಕೊಂಡಿದ್ದಾರೆ.

  What an amazing start to the day!☺
  
  Received a call from Rajinikanth sir. He watched #777Charlie last night and has been in awe of the film. He spoke highly of the making quality, the deeper designs of the film, and especially expressed his admiration for the climax and….

  — Rakshit Shetty (@rakshitshetty) June 22, 2022