ಸೋನಾಕ್ಷಿ ಸಿನ್ಹಾ ಜೊತೆ ಪ್ರೀತಿಯಾಗಿದೆ ಎಂದ ಜಹೀರ್ ಇಕ್ಬಾಲ್ - ಈ ವರ್ಷಾಂತ್ಯ ಮದುವೆ?

•   Tue, Jun 07 2022 03:04:27 PM



• ಮುಂಬೈ,ಜೂ 07(DaijiworldNews/MS): ಸಲ್ಮಾನ್ ಖಾನ್ ಅವರ ನೋಟ್ಬುಕ್ ಚಿತ್ರದಿಂದ ಬಾಲಿವುಡ್ ಗೆ ಪ್ರವೇಶಿಸಿರುವ ನಟ ಜಹೀರ್ ಇಕ್ಬಾಲ್ ಹಾಗೂ ದಬಾಂಗ್ ನಟಿ ಸೋನಾಕ್ಷಿ ಸಿನ್ಹಾಇವರಿಬ್ಬರು ಹಲವು ವರ್ಷಗಳಿಂದ ಡೇಟಿಂಗ್ ನಲ್ಲಿದ್ದಾರೆ ಎನ್ನುವುದು ಗುಟ್ಟಾಗಿ ಉಳಿದಿಲ್ಲ. ಆದರೆ ಇಬ್ಬರೂ ಕೂಡಾ ಅಧಿಕೃತವಾಗಿ ಎಲ್ಲೂ ತಮ್ಮ ಸಂಬಂಧದ ಬಗ್ಗೆ ಹೇಳಿಕೊಂಡಿರಲಿಲ್ಲ. ಇದೀಗ ಅಂತಿಮವಾಗಿ ತಮ್ಮ ಸಂಬಂಧವನ್ನು ಅಧಿಕೃತಗೊಳಿಸಿದ್ದಾರೆ.

  ನಟ ಜಹೀರ್ ಇಕ್ಬಾಲ್ ಸೋನಾಕ್ಷಿ ಸಿನ್ಹಾ ಗೆ ಹುಟ್ಟುಹಬ್ಬ ಶುಭಾಷಯ ತಿಳಿಸಿ ಇನ್‌ಸ್ಟಾಗ್ರಾಮ್‌ ಮೂಲಕ ಗಿಣಿಮೂಗ ಸುಂದರಿಯೊಂದಿಗಿನ ತಮ್ಮ ಪ್ರೀತಿಯನ್ನು ಘೋಷಿಸಿಕೊಂಡಿದ್ದಾರೆ. ಫನ್ನಿ ಅನಿಸುವಂತಹ ವೀಡಿಯೊಂದನ್ನು ಶೇರ್ ಮಾಡಿ ಸೋನಾಕ್ಷಿಗೆ ತಡವಾಗಿ ಜನ್ಮದಿನದ ಶುಭಾಶಯಗಳನ್ನು ಕೋರಿ, ಲವರ್ ಬಾಯ್ ಆಗಿರುವ ತಾನು ಸೋನಾಕ್ಷಿಯನ್ನು ಹೇಗೆ ಪ್ರೀತಿಸುತ್ತಾರೆ ಎಂಬುದನ್ನು ಬರೆದುಕೊಂಡಿದ್ದಾರೆ.

  "ಹುಟ್ಟುಹಬ್ಬದ ಶುಭಾಶಯಗಳು Sonzzz ನನ್ನನ್ನು ಕೊಲ್ಲದಿದ್ದಕ್ಕಾಗಿ ಧನ್ಯವಾದಗಳು ಐ ಲವ್ ಯೂ ...ಇಲ್ಲಿದೆ ಹೆಚ್ಚಿನ ಆಹಾರ, ವಿಮಾನಗಳು, ಪ್ರೀತಿ ಮತ್ತು ನಗು ಈ ವಿಡಿಯೋ ನಾವು ಪರಸ್ಪರ ಅರ್ಥಮಾಡಿಕೊಂಡಿರುವ ಸಂಪೂರ್ಣ ಸಮಯವನ್ನು ಒಟ್ಟುಗೂಡಿಸುತ್ತದೆ" ಎಂದು ಬರೆದುಕೊಂಡಿದ್ದಾರೆ.

  ಇತ್ತೀಚೆಗೆ ಸೋನಾಕ್ಷಿ ಪೋಸ್ಟ್ ಮಾಡಿರುವ ಫೋಟೋದಲ್ಲಿ ಅವರು ಬೆರಳಗಿಗೆ ವಜ್ರದುಂಗುರ ಹಾಕಿರುವ ಮತ್ತು ಆ ಬೆರಳುಗಳನ್ನು ಮತ್ತೊಂದು ಕೈ ಹಿಡಿದಿರುವ ಹಾಗೂ ಸೋನಾಕ್ಷಿ ಇನ್ನ್ಯಾರದೋ ವ್ಯಕ್ತಿಯ ತೋಳಿಗೆ ಆಸರೆ ಆಗಿರುವ ಸನ್ನಿವೇಶಗಳಿವೆ. ಹಾಗಾಗಿ ಸೋನಾಕ್ಷಿ ಸದ್ದಿಲ್ಲದೇ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರಾ ಅನ್ನುವ ಪ್ರಶ್ನೆ ಅವರ ಅಭಿಮಾನಿಗಳನ್ನು ಕಾಡಿತ್ತು.