ಪ್ರಕೃತಿಯ ಮಡಿಲಲ್ಲಿ ನಟಿ ಜಾನ್ವಿ ಕಪೂರ್‌ ಫೋಟೋಶೂಟ್

•   Wed, Jun 01 2022 03:14:14 PM



• ಮುಂಬೈ, ಜೂ 01 (DaijiworldNews/DB): ನಟ-ನಟಿಯರಲ್ಲಿ ಬಹುತೇಕರು ಸಾಮಾಜಿಕ ಜಾಲತಾಣಗಳಲ್ಲಿ ತುಂಬಾ ಕ್ರಿಯಾಶೀಲರಾಗಿರುತ್ತಾರೆ. ಅದರಲ್ಲೂ ಇನ್‌ಸ್ಟಾಗ್ರಾಂನಲ್ಲಿ ದಿನಂಪ್ರತಿ ತಮ್ಮ ಹೊಸ ಹೊಸ ಫೋಟೋಗಳನ್ನು ಶೇರ್‌ ಮಾಡುತ್ತಲೇ ಇರುತ್ತಾರೆ. ನಟಿ ಜಾನ್ವಿ ಕಪೂರ್‌ ಅವರು ಇತ್ತೀಚೆಗೆ ಶೇರ್‌ ಮಾಡಿದ ಫೋಟೋಗಳಂತೂ ಅಭಿಮಾನಿಗಳಿಗೆ ಸಖತ್‌ ಖುಷಿ ನೀಡಿದೆ.

  ಜಾನ್ವಿ ಕಪೂರ್‌ ಅವರು ಪ್ರಕೃತಿಯ ಮಡಿಲಲ್ಲಿ ತೆಗೆದಿರುವ ಹತ್ತಾರು ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್‌ ಮಾಡಿದ್ದಾರೆ. ಹಸಿರಿನ ನಡುವೆ ಗಿಡಮರ, ಕಂಗೊಳಿಸುತ್ತಿರುವ ಹೂವಿನ ನಡುವೆ ಸಖತ್ ಫೋಟೋಶೂಟ್‌ ಮಾಡಿಸಿಕೊಂಡಿದ್ದಾರೆ. ಕಡು ನೀಲಿ ಬಣ್ಣದ ಜೀನ್ಸ್‌, ತಿಳಿ ನೀಲಿ ಬಣ್ಣದ ಉದ್ದ ತೋಳಿನ ಜಾಕೆಟ್‌ ಮಾದರಿಯ ಟಾಪ್‌ ಧರಿಸಿರುವ ಜಾನ್ವಿ ಪ್ರಕೃತಿಯ ಮಡಿಲಲ್ಲಿ ತುಂಬಾ ಚೆನ್ನಾಗಿ ಕಾಣುತ್ತಿದ್ದಾರೆ.

  ಪ್ರಕೃತಿಯ ಮಡಿಲಲ್ಲಿ ಕ್ಲಿಕ್ಕಿಸಿರುವ ಫೋಟೋಗಳನ್ನು ಯಾವ ಸ್ಥಳದಲ್ಲಿ ತೆಗೆಯಲಾಗಿದೆ ಎಂಬುದನ್ನು ಜಾನ್ವಿ ಹೇಳಿಲ್ಲ. ಆದರೆ ಪಿಕ್‌ನಿಕ್‌ ತೆರಳಿದಾಗ ಅಥವಾ ಯಾವುದೋ ಹಳ್ಳಿಗೆ ಹೋಗಿದ್ದಾಗ ತೆಗೆದ ಫೋಟೋದಂತೆ ಭಾಸವಾಗುತ್ತಿದೆ. ಹಿಂಬದಿಯ ಪರಿಸರವನ್ನು ನೋಡಿದರೆ ಹಳ್ಳಿಯ ಸೀನರಿಯಂತೆ ಕಾಣುತ್ತಿದೆ. ಅಭಿಮಾನಿಗಳಿಗೂ ನೆಚ್ಚಿನ ನಟಿಯ ಫೋಟೋ ಮೆಚ್ಚುಗೆಯಾಗಿದ್ದು, ಹಲವರು ಕಮೆಂಟ್‌ಗಳನ್ನು ಮಾಡಿದ್ದಾರೆ.