ಕಂಗನಾ ರಣಾವತ್ ಕೈ ಹಿಡಿಯದ 'ಧಾಕಡ್'

•   Sat, May 21 2022 06:39:50 PM



• ಮುಂಬೈ, ಮೇ 21 (DaijiworldNews/MS): ಧಾಕಡ್ ಸಿನಿಮಾದ ಬಗ್ಗೆ ಕಂಗನಾ ರಣಾವತ್ ಬಹುದೊಡ್ಡ ನಿರೀಕ್ಷೆ ಇಟ್ಟುಕೊಂಡಿದ್ದೆಲ್ಲವೂ ಉಲ್ಟಾ ಹೊಡೆದಿದೆ. ಮೊದಲ ದಿನವೇ ಕೋಟಿ ಕೋಟಿ ಬಾಚಲಿದೆ ಮೊದಲ ದಿನವೇ ಕೋಟಿ ಕೋಟಿ ಬಾಚಲಿದೆ ಎಂಬ ಅಂದಾಜಿಸಲಾಗಿದ್ದ ‘ಧಾಕಡ್’ ಸಿನಿಮಾ ಬಾಕ್ಸ್ ಆಫೀಸಿನಲ್ಲಿ ಸದ್ದು ಮಾಡದೇ ಸುಮ್ಮನಾಗಿದೆ.

  ಧಾಕಡ್ ಸಿನಿಮಾ ಅದ್ಭುತವಾಗಿ ಮೂಡಿ ಬಂದಿದೆ ಎನ್ನುವ ಕಾರಣಕ್ಕಾಗಿಯೇ ಕಂಗನಾ ತಮ್ಮೆಲ್ಲಾ ಕೆಲಸ ಬದಿಗಿರಿಸಿ ಹಲವು ದಿನಗಳನ್ನು ಈ ಚಿತ್ರದ ಪ್ರಚಾರಕ್ಕಾಗಿ ಮೀಸಲಿಟ್ಟಿದ್ದರು. ಬಹುತೇಕ ಕಡೆ ಹೋಗಿ ಸಿನಿಮಾದ ಪ್ರಚಾರ ಮಾಡಿದರು. ಆದರೆ ಸಿನಿಮಾ ನೋಡಿದ ಜನ ಯಾಕೋ ಧಾಕಡ್ ಕಡೆ ಒಲವು ತೋರಲಿಲ್ಲ.

  ಕಂಗನಾರಣಾವತ್ ರ ನಟನೆ ಸಿನಿಮಾ ಮಕಾಡೆ ಮಲಗುವುದರಿಂದ ಕಾಪಾಡಿದೆ. ಕೆಟ್ಟ ಚಿತ್ರಕತೆ ಹಾಗೂ ಕತೆ, ಕಂಗನಾ ಅಂತಹಾ ನಟಿಗೂ ಸಹ ತನ್ನ ಪ್ರತಿಭೆ ಪ್ರದರ್ಶಿಸಲು ಹೆಚ್ಚಿನ ಅವಕಾಶ ಕೊಟ್ಟಿಲ್ಲ ಎನ್ನುವುದು ಸಿನಿಪ್ರಿಯರ ಅಂಬೋಣ.