ಬುಲೆಟ್ ಏರಿ ಲಾಂಗ್ ರೈಡ್ ಹೊರಟ ನಾಲ್ವರು ನಟಿಯರು- 'ಧಕ್ ಧಕ್​' ಫಸ್ಟ್​ ಲುಕ್‌ಗೆ ಅಭಿಮಾನಿಗಳು ಫಿದಾ

•   Mon, May 16 2022 05:00:28 PM



• ಮುಂಬೈ, ಮೇ 16 (DaijiworldNews/DB): 'ಧಕ್ ಧಕ್​' ಸಿನಿಮಾದ ಫಸ್ಟ್​ ಲುಕ್ ಅನಾವರಣಗೊಂಡಿದೆ. ನಾಲ್ವರು ನಟಿಯರು ಒಟ್ಟಾಗಿ ನಟಿಸುತ್ತಿರುವುದೇ ಈ ಚಿತ್ರದ ವಿಶೇಷ.

   

  ನಟಿ ರತ್ನಾ ಪಾಟಕ್ ಶಾ, ದಿಯಾ ಮಿರ್ಜಾ, ಫಾತಿಮಾ ಸನಾ ಶೇಖ್ ಹಾಗೂ ಸಂಜನಾ ಸಂಘಿ ಒಟ್ಟಿಗೆ ಈ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದು, ಬುಲೆಟ್ ಬೈಕ್ ಏರಿ ಸುದೀರ್ಘ ಪ್ರಯಾಣಕ್ಕೆ ರೆಡೆಯಾಗಿದ್ದಾರೆ. ಏಕೆಂದರೆ ಈ ಚಿತ್ರದ ಕಥಾಹಂದರವೇ ಬೈಕ್‌ರೈಡ್ ಮೇಲೆ ಸಾಗಿದೆ. ಅದಕ್ಕಾಗಿಯೇ ಚಿತ್ರಕ್ಕೆ 'ಧಕ್​ ಧಕ್’ ಎಂಬ ಶೀರ್ಷಿಕೆ ಕೊಡಲಾಗಿದೆ.

  ಸದ್ಯ ಚಿತ್ರದ ಪೋಸ್ಟರ್ ಗಮನ ಸೆಳೆಯುತ್ತಿದ್ದು, ಮಹಿಳಾ ಮಣಿಗಳಂತೂ ಸಖತ್ ಥ್ರಿಲ್ ಆಗಿದ್ದಾರೆ. ಗುಡ್ಡಗಾಡು ಪ್ರದೇಶದಲ್ಲಿ ಹೀರೋಯಿನ್‌ಗಳು ಸಾಗುವ ಬೈಕ್ ರೈಡ್ ನೋಡುವಾಗ ಪ್ರತಿ ಹೆಣ್ಣು ಮಕ್ಕಳಿಗೂ ತಾನೊಮ್ಮೆ ಹೋಗಬೇಕೆಂಬ ಹಂಬಲ ಉಂಟಾಗುವಂತಿದೆ ಚಿತ್ರದ ಫಸ್ಟ್ ಲುಕ್.

  ತಮ್ಮನ್ನು ತಾವೇ ಅನ್ವೇಷಿಸಿಕೊಳ್ಳುವ ಸಲುವಾಗಿ ಈ ನಾಲ್ವರು ಮಹಿಳೆಯರು ಬೈಕ್ ರೈಡ್ ಹೋಗುತ್ತಾರೆ. ಫಾತಿಮಾ ಟಾಪ್​ ಮತ್ತು ಶಾರ್ಟ್ಸ್​ ಧರಿಸಿದ್ದರೆ, ರತ್ನಾ ಸಲ್ವಾರ್​ ಸ್ಯೂಟ್, ಸಂಜನಾ ಡೆನಿಮ್, ದಿಯಾ ಹಿಜಾಬ್ ಧರಿಸಿ ಚಿತ್ರದಲ್ಲಿ ಮಿಂಚಲಿದ್ದಾರೆ. ಒಬ್ಬೊಬ್ಬರದ್ದೂ ಒಂದೊಂದು ಮನಸ್ಥಿತಿಯಾಗಿದ್ದು, ಒಟ್ಟಿಗೂ ರೈಡ್ ಹೋಗುವಾಗ ಎಂತಹ ವಾತಾವರಣವಿರಬಹುದು ಎಂಬುದು ಕುತೂಹಲ. ತಾಪ್ಸೀ ಪನ್ನು ಅವರೂ ಸಿನಿಮಾ ನಿರ್ಮಾಪಕರಲ್ಲಿ ಒಬ್ಬರು. ತಾಪ್ಸೀ ಜತೆಗೆ ಪ್ರಂಜಲ್, ಆಯುಷ್ ಮಹೇಶ್ವರಿ ಇದ್ದಾರೆ. ತರುಣ್ ದುಡೇಜಾ ನಿರ್ದೇಶನವಿದೆ. 2023ರಲ್ಲಿ ಚಿತ್ರ ಬಿಡುಗಡೆಯಾಗಲಿದ್ದು, ಫಸ್ಟ್ ಲುಕ್ ನೋಡಿಯೇ ಅಭಿಮಾನಿಗಳು ಚಿತ್ರದ ಬಿಡುಗಡೆಗಾಗಿ ದಿನ ಎಣಿಸುತ್ತಿದ್ದಾರೆ.

  Viacom18 Studios teams up with Taapsee Pannu's Outsiders Films for #DhakDhak
  
  Join the ride of a lifetime with Dhak Dhak, as four women ride to the highest motorable pass in the world on an exciting journey of self discovery!@fattysanashaikh #RatnaPathak @deespeak pic.twitter.com/4Fp4zGN4JY

  — Ramesh Bala (@rameshlaus) May 16, 2022