ದುಪಟ್ಟಾದಿಂದ ಹೊಟ್ಟೆ ಕವರ್ ಮಾಡಿದ ಕತ್ರಿನಾ-ನಟಿ ಗರ್ಭಿಣಿ ಎಂದ ಅಭಿಮಾನಿಗಳು

•   Sun, May 15 2022 01:01:47 PM



• ಮುಂಬೈ, ಮೇ 15 (DaijiworldNews/DB): ತಾರಾ ಜೋಡಿಗಳು ಏನೇ ಮಾಡಿದರೂ ಸುದ್ದಿಯಾಗುತ್ತಲೇ ಇರುತ್ತಾರೆ. ಮದುವೆ ಮುಂಚೆ, ಮದುವೆಯಾದ ನಂತರವೂ ಅವರ ಬಗ್ಗೆ ಗಾಸಿಪ್‌ಗಳು, ಗಾಳಿ ಸುದ್ದಿಗಳು ಓಡಾಡುತ್ತಲೇ ಇರುತ್ತವೆ. ಹೊಸ ಜೋಡಿ ಕತ್ರಿನಾ ಕೈಫ್-ವಿಕ್ಕಿ ಕೌಶಲ ವಿಷಯದಲ್ಲೂ ಹೀಗೇ ಆಗಿದೆ. ಕತ್ರಿನಾ ಹೊಟ್ಟೆ ಕವರ್‍ ಆಗುವ ದುಪಟ್ಟಾ ಧರಿಸಿದ್ದಕ್ಕೆ ಆಕೆ ಗರ್ಭಿಣಿಯಾಗಿದ್ದಾರೆಂಬ ಸುದ್ದಿ ಸದ್ಯ ಎಲ್ಲೆಡೆ ಹರಿದಾಡುತ್ತಿದೆ.

  ಇತ್ತೀಚೆಗೆ ಮುಂಬೈ ಏರ್‌ಪೋರ್ಟ್‌ಗೆ ಸಲ್ವಾರ್ ಕುರ್ತಾ ಧರಿಸಿ ಆಗಮಿಸಿದ್ದ ಕತ್ರಿನಾ ದುಪಟ್ಟಾದಲ್ಲಿ ತಮ್ಮ ಹೊಟ್ಟೆಯನ್ನು ಮುಚ್ಚಿಕೊಂಡಿದ್ದರು. ಹೊಟ್ಟೆ ಕಾಣದಂತೆ ದುಪಟ್ಟಾ ಹಾಕಿರುವುದನ್ನು ನೋಡಿದ ಅಭಿಮಾನಿಗಳು ಕತ್ರಿನಾ-ವಿಕ್ಕಿ ಶೀಘ್ರ ಶುಭ ಸುದ್ದಿ ನೀಡಲಿದ್ದಾರೆ ಎಂದೇ ಅಂದಾಜಿಸಿದ್ದಾರೆ. ಕತ್ರಿನಾ ಗರ್ಭಿಣಿಯಾಗಿರುವ ಕಾರಣಕ್ಕಾಗಿ ದುಪಟ್ಟಾದಿಂದ ಹೊಟ್ಟೆ ಮುಚ್ಚಿಕೊಂಡು ಓಡಾಡುತ್ತಿದ್ದಾರೆಂಬ ಊಹಾಪೋಹಗಳು ಅಭಿಮಾನಿಗಳ ಕಡೆಯಿಂದ ಬರತೊಡಗಿವೆ. ಆದರೆ, ಸದ್ಯ ಕತ್ರಿನಾ ಗರ್ಭಿಣಿಯಲ್ಲ ಎಂಬ ವಿಚಾರವನ್ನು ಆಕೆ ಸದ್ಯ ನಟನೆಯಲ್ಲಿ ತೊಡಗಿಸಿಕೊಂಡಿರುವ ಚಿತ್ರತಂಡವೇ ಸ್ಪಷ್ಟಪಡಿಸಿ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದೆ. ಹೌದು. ಸದ್ಯ ಕತ್ರಿನಾ ಚಿತ್ರಗಳಲ್ಲಿ ಬ್ಯುಸಿ ಇದ್ದು, ನಟನೆಯತ್ತ ಹೆಚ್ಚಿನ ಗಮನ ನೀಡುತ್ತಿದ್ದಾರೆ. ಅವರೀಗ ಗರ್ಭಿಣಿಯಲ್ಲ. ಹರಿದಾಡುತ್ತಿರುವ ಸುದ್ದಿಗಳು ಸತ್ಯವಲ್ಲ ಎಂಬುದಾಗಿ ಚಿತ್ರತಂಡ ಸ್ಪಷ್ಟಪಡಿಸಿದೆ.

  ಕಳೆದ ಡಿಸೆಂಬರ್‌ನಲ್ಲಿ ಅದ್ದೂರಿಯಾಗಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಕತ್ರಿನಾ-ವಿಕ್ಕಿ ಜೋಡಿ ಪ್ರಸ್ತುತ ನ್ಯೂಯಾರ್ಕ್‌ನಲ್ಲಿದ್ದಾರೆ. ಅಲ್ಲಿಂದಲೇ ಕೆಲವು ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಅಪ್‌ಲೋಡ್ ಮಾಡುತ್ತಿದ್ದಾರೆ.