ಶಿಲ್ಪಾ ಶೆಟ್ಟಿ ಜೊತೆ ಕಾರು ಏರಿದ ಅಭಿಮಾನಿ!

•   Sun, Apr 17 2022 04:58:45 PM



• ಮುಂಬೈ, ಏ 17 (DaijiworldNews/DB): ಸೆಲೆಬ್ರಿಟಿಗಳನ್ನು ಕಂಡರೆ ಸಾಕು, ಅಭಿಮಾನಿಗಳು ಹುಚ್ಚೆದ್ದು ಸಂಭ್ರಮಿಸುತ್ತಾರೆ. ಆದರೆ ಶಿಲ್ಪಾ ಶೆಟ್ಟಿಯವರ ಅಭಿಮಾನಿಯೋರ್ವ ಒಂದು ಹೆಜ್ಜೆ ಮುಂದೆ ಹೋಗಿದ್ದು, ಶಿಲ್ಪಾ ಶೆಟ್ಟಿಯವರ ಕಾರನ್ನೇ ಏರಿದ್ದಾನೆ!

  ಅಭಿಮಾನಿಗಳೊಂದಿಗೆ ಶಿಲ್ಪಾ ಶೆಟ್ಟಿ ಮೊದಲಿನಿಂದಲೂ ಒಳ್ಳೆಯ ಸಂಬಂಧವನ್ನು ಇಟ್ಟುಕೊಂಡಿದ್ದಾರೆ. ಅದಕ್ಕೇ ಶಿಲ್ಪಾ ಕಂಡರೆ ಅಭಿಮಾನಿಗಳಿಗೂ ಅಚ್ಚುಮೆಚ್ಚು. ಸ್ಮೃತಿ ಖನ್ನಾ ಅವರ ಪುತ್ರಿಯ ಹುಟ್ಟುಹಬ್ಬಕ್ಕೆ ಮಗಳು ಸಮಿಷಾ ಜೊತೆ ತೆರಳಿದ್ದ ಶಿಲ್ಪಾ ಶೆಟ್ಟಿ ಕಾರ್ಯಕ್ರಮದಿಂದ ಹಿಂತಿರುಗುವಾಗ ಹಲವಾರು ಮಂದಿ ಅಭಿಮಾನಿಗಳು ಸೇರಿದ್ದರು. ಈ ವೇಳೆ ವಿಶ್ ಮಾಡುವುದು, ಸೆಲ್ಫೀ ತೆಗೆದುಕೊಳ್ಳುವುದೆಲ್ಲಾ ನಡೆಯಿತು. ಬಳಿಕ ಶಿಲ್ಪಾ ಮಗಳೊಂದಿಗೆ ಕಾರು ಹತ್ತುವಾಗ ಅಲ್ಲೇ ಇದ್ದ ಅಭಿಮಾನಿಯೊಬ್ಬ ಶಿಲ್ಪಾ ಜೊತೆಗೇ ಕಾರು ಏರಿದ್ದಾನೆ. ಇದರಿಂದ ಶಿಲ್ಪಾ ಶೆಟ್ಟಿ ಸಹಿತ ಸ್ಥಳದಲ್ಲಿದ್ದವರೆಲ್ಲರಿಗೂ ಶಾಕ್ ಆಗಿದೆ.

  ವ್ಯಕ್ತಿ ಕಾರು ಏರಿದ್ದರಿಂದ ಅಸಮಾಧಾನಗೊಂಡ ಶಿಲ್ಪಾ ಶೆಟ್ಟಿ ಏನು ಮಾಡುತ್ತಿದ್ದೀಯ ಎಂದು ಗದರಿದ್ದಾರೆ. ಇದರಿಂದ ಆತಂಕಗೊಂಡ ಅಭಿಮಾನಿ ತತ್‌ಕ್ಷಣ ಕಾರಿನಿಂದ ಇಳಿದು ಹೋಗಿದ್ದಾನೆ. ಈತನ ಹುಚ್ಚು ಅಭಿಮಾನವನ್ನು ಯಾರೋ ವೀಡಿಯೋ ಮಾಡಿದ್ದು, ಸದ್ಯ ಎಲ್ಲೆಡೆ ವೈರಲ್ ಆಗುತ್ತಿದೆ.

  ಅಭಿಮಾನಿಗಳ ಅತಿರೇಕದ ಅಭಿಮಾನ ಕೆಲವೊಮ್ಮೆ ಸೆಲೆಬ್ರಿಟಿಗಳು ಅಸಮಾಧಾನಕ್ಕೆ ಕಾರಣವಾಗುವುದು ನಡೆಯುತ್ತಲೇ ಇರುತ್ತದೆ. ಈ ಹಿಂದೆ ಸಲ್ಮಾನ್‌ಖಾನ್, ಜಾನ್ ಅಬ್ರಹಾಂ ಕೂಡಾ ಅಭಿಮಾನಿಗಳ ಇಂತಹ ದುರ್ವರ್ತನೆಗಳಿಗೆ ಆಕ್ರೋಶಿತರಾಗಿದ್ದದ್ದು ಇಲ್ಲಿ ಉಲ್ಲೇಖನೀಯ.