ಮಂಚವನ್ನು ಮದುವೆಯಾಗಲು ಪತಿಗೆ ಸಲಹೆ ನೀಡಿದ ಮೀರಾ ರಜಪೂತ್

•   Fri, Mar 25 2022 07:01:11 PM



• ಮುಂಬೈ,, ಮಾ 25 (DaijiworldNews/DB): ಬಾಲಿವುಡ್ ತಾರಾ ದಂಪತಿ ಶಾಹಿದ್ ಕಪೂರ್ ಮತ್ತು ಮೀರಾ ರಜಪೂತ್ ಅವರು ಸಾಮಾಜಿಕ ತಾಣಗಳಲ್ಲಿ ಪರಸ್ಪರ ಕಾಲೆಳೆದುಕೊಳ್ಳುವುದು ಸಾಮಾನ್ಯ. ಆದರೆ ಈ ಬಾರಿ ಮೀರಾ ಅವರು ಶಾಹೀದ್ ಗೆ ಮಂಚವನ್ನೇ ಮದುವೆಯಾಗಲು ಸಲಹೆ ಕೊಟ್ಟಿದ್ದಾರೆ!

  ಹೌದು. ಶಾಹೀದ್ ಅವರು ಮಂಚವನ್ನೇ ಮದುವೆಯಾಗಲಿ ಎಂದು ಮೀರಾ ಶಾಹೀದ್ ಕಾಲೆಳೆದಿದ್ದಾರೆ. ಈ ಹಿಂದೆ ದಂಪತಿ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ಸಂದರ್ಭದಲ್ಲಿ ಮೀರಾ ಸಿಕ್ಕಾಪಟ್ಟೆ ಫೋನ್ ನಲ್ಲಿ ಬ್ಯುಸಿಯಾಗಿದ್ದರಂತೆ. ಜಾಲಿ ರೈಡ್ ಸಂದರ್ಭದಲ್ಲಿಯೂ ಪತ್ನಿ ಫೋನ್ ನಲ್ಲೇ ಬ್ಯುಸಿಯಾಗಿರುವುದು ಪತಿಗೆ ಸ್ವಲ್ಪ ಹುಸಿ ಕೋಪಕ್ಕೆ ಕಾರಣವಾಗಿತ್ತು. ಈ ಬಾರಿ ಪತ್ನಿಯ ಕಾಲೆಳೆಯಲೇ ಬೇಕೆಂದು ನಿರ್ಧರಿಸಿದ್ದ ಶಾಹೀದ್, ಮೀರಾಗೆ ಗೊತ್ತಿಲ್ಲದಂತೆ ವೀಡಿಯೋ ಮಾಡಿ ಅದನ್ನು ಸಾಮಾಜಿಕ ತಾಣದಲ್ಲಿ ಹರಿಯಬಿಟ್ಟಿದ್ದರು. ಅಲ್ಲದೆ, ಮೀರಾ ಮೊಬೈಲ್ ಫೋನನ್ನೇ ಮದುವೆಯಾಗಿದ್ದಾರೆ ಎಂದು ಅಡಿ ಬರಹ ಹಾಕಿದ್ದರು.

  ಇದಕ್ಕೆ ಟಾಂಗ್ ಕೊಡುವ ಸಲುವಾಗಿ ಮೀರಾ ಅವರು ಶಾಹೀದ್ ಮಂಚವನ್ನೇ ಮದುವೆಯಾಗಲಿ ಎಂದಿದ್ದಾರೆ. ಆದರೆ, ಮಂಚಕ್ಕೂ, ಶಾಹೀದ್ ಗೂ ಏನು ಸಂಬಂಧ? ಮೀರಾ ಯಾಕೆ ಹೀಗೆ ಹೇಳಿದ್ದಾರೆ ಎಂಬುದು ಮಾತ್ರ ತಿಳಿದು ಬಂದಿಲ್ಲ. ಶಾಹೀದ್ ಮಲಗುವುದನ್ನೇ ಹೆಚ್ಚು ಇಷ್ಟಪಡುತ್ತಿರಬಹುದೇ, ಸದಾ ಮಂಚಕ್ಕೆ ಅಂಟಿಕೊಂಡು ನಿದ್ರಿಸುತ್ತಿರಬಹುದೇ ಎಂದೆಲ್ಲ ಅಭಿಮಾನಿಗಳು, ನೆಟ್ಟಿಗರು ಪ್ರಶ್ನಿಸುತ್ತಿದ್ದಾರೆ. ಆದರೆ ನಿಜವಾದ ಕಾರಣ ಏನೆಂಬುದನ್ನು ಮೀರಾ ಅವರೇ ತಿಳಿಸಬೇಕಷ್ಟೇ.

  View this post on Instagram

  A post shared by Shahid Kapoor (@shahidkapoor)