ಮದುವೆಯ ಬಳಿಕ ಕುಟುಂಬದೊಂದಿಗೆ ಮೊದಲ ಹೋಳಿ ಆಚರಿಸಿದ ಕತ್ರಿನಾ-ವಿಕ್ಕಿ ದಂಪತಿ

•   Fri, Mar 18 2022 03:24:42 PM



• ಹೈದರಾಬಾದ್, ಮಾ 18 (DaijiworldNews/DB): ಬಾಲಿವುಡ್ ಜೋಡಿ ಕತ್ರಿನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ದಂಪತಿಗೆ ಮದುವೆಯಾದ ಬಳಿಕ ಇದು ಮೊದಲನೇ ಹೋಳಿ ಹಬ್ಬವಾಗಿದ್ದು, ಅದ್ಧೂರಿಯಾಗಿ ಆಚರಣೆ ಮಾಡಿದ್ದಾರೆ.

  ತಮ್ಮ ಮನೆಯಲ್ಲಿ ಆಚರಿಸಿದ ಸಡಗರದ ಹೋಳಿ ಹಬ್ಬದ ಫೋಟೋವನ್ನು ಇನ್ ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿರುವ ಕತ್ರಿನಾ, ಅಭಿಮಾನಿಗಳಿಗೆ ಹೋಳಿ ಹಬ್ಬದ ಶುಭಾಶಯ ತಿಳಿಸಿದ್ದಾರೆ. ಅತ್ತೆ, ಪತಿ ಮತ್ತು ಕುಟುಂಬದವರೊಂದಿಗೆ ಸೇರಿ ಮೊದಲ ಹೋಳಿ ಆಚರಿಸಿದ ಖುಷಿಯನ್ನು ಅವರು ಸಾಮಾಜಿಕ ತಾಣದಲ್ಲಿ ಪ್ರಕಟಿಸಿದ ಬಳಿಕ ಈ ಫೋಟೋ ವೈರಲ್ ಆಗಿದ್ದು, ಕತ್ರಿನಾ ಹೊಸ ಕುಟುಂಬದ ಖುಷಿ ನೋಡಿ ಅಭಿಮಾನಿಗಳೂ ಫುಲ್ ಖುಷ್ ಆಗಿದ್ದಾರೆ.

  ಗುರುವಾರ ರಾತ್ರಿಯಷ್ಟೇ ಅಪೂರ್ವ ಮೆಹ್ತಾ ಅವರ ಹುಟ್ಟುಹಬ್ಬದ ಸಮಾರಂಭದಲ್ಲಿ ಕಾಣಿಸಿಕೊಂಡಿದ್ದ ಕತ್ರಿನಾ -ವಿಕ್ಕಿ ದಂಪತಿ ಶುಕ್ರವಾರ ಹೋಳಿ ಆಚರಣೆ ಮಾಡಿದ್ದಾರೆ.

  ಕತ್ರಿನಾ ಸಾಮಾಜಿಕ ಜಾಲತಾಣದಲ್ಲಿ ಹೋಳಿ ಆಚರಣೆಯ ಎರಡು ಚಿತ್ರಗಳನ್ನು ಹಂಚಿಕೊಂಡಿದ್ದು, ವಿಕ್ಕಿ ಅವರ ಪೋಷಕರಾದ ಶಾಮ್ ಮತ್ತು ವೀಣಾ ಕೌಶಲ್ ಹಾಗೂ ವಿಕ್ಕಿ ಕಿರಿಯ ಸಹೋದರ ಸನ್ನಿ ಕೌಶಲ್ ಕೂಡ ಹಬ್ಬದಲ್ಲಿ ಭಾಗಿಯಾಗಿದ್ದಾರೆ. ವಿಕ್ಕಿ ಕೂಡ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಈ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ.