ಮೊನ್ನೆ ರಶ್ಮಿಕಾ, ನಿನ್ನೆ ಸಮಂತಾ - ವರುಣ್‌ ಧವನ್‌ ಕಾಲೆಳೆದ ನೆಟ್ಟಿಗರು

•   Sat, Mar 12 2022 05:27:41 PM



• ಮುಂಬೈ, ಮಾ 12 (DaijiworldNews/HR): ಬಾಲಿವುಡ್‌ ಯುವ ನಟ ವರುಣ್‌ ಧವನ್‌ ನಟಿಯರೊಂದಿಗೆ ಕಾಣಿಸಿಕೊಂಡಿರುವುದು ಸಾಮಾಜಿಕ ಮಾಧ್ಯಮಗಳಲ್ಲಿ ಚರ್ಚೆಗೆ ಗ್ರಾಸವಾಗಿದ್ದು, ಮುಂಬೈ ಬೀಚ್‌ನಲ್ಲಿ ರಶ್ಮಿಕಾ ಮಂದಣ್ಣನೊಂದಿಗೆ ಹಾಗೂ ಹೊಟೇಲ್‌ವೊಂದರಲ್ಲಿ ಸಮಂತಾರೊಂದಿಗೆ ವರುಣ್‌ ಕಾಣಿಸಿಕೊಂಡಿದ್ದು ಫೋಟೊಗಳು ಸಖತ್ ವೈರಲ್‌ ಆಗಿದೆ.

  ನಟ ವರುಣ್‌ ಧವನ್‌ ಅವರು ಮುಂಬೈನ ಕಡಲ ತೀರದಲ್ಲಿ ರಶ್ಮಿಕಾ ಜತೆ ಕಾಣಿಸಿಕೊಂಡಿದ್ದು, ತಮಿಳಿನ 'ಬೀಸ್ಟ್‌' ಸಿನಿಮಾ ಹಾಡಿಗೆ ಹೆಜ್ಜೆ ಹಾಕಿದ್ದರು. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ.

  ಇನ್ನು ರಶ್ಮಿಕಾ ಮತ್ತು ವರುಣ್‌ ಜಾಹೀರಾತಿನಲ್ಲಿ ನಟಿಸುತ್ತಿದ್ದು ಇದರ ಶೂಟಿಂಗ್‌ಗಾಗಿ ಅವರು ಮುಂಬೈ ಬೀಚ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ ಎಂದು ವರುಣ್‌ ಧವನ್‌ ಮ್ಯಾನೇಜರ್‌ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.

  ಇದೀಗ ಸಮಂತಾ ಜೊತೆ ಹೊಟೇಲ್‌ವೊಂದರಲ್ಲಿ ವರುಣ್‌ ಕಾಣಿಸಿಕೊಂಡಿದ್ದು, ಆ ಚಿತ್ರಗಳು ಕೂಡ ಸಾಕಷ್ಟು ವೈರಲ್‌ ಆಗಿದ್ದವು.

  ಇನ್ನು ವರುಣ್‌ ಮತ್ತು ಸಮಂತಾ 'ಸಿಟಾಡೆಲ್' ವೆಬ್‌ ಸಿರೀಸ್‌ನಲ್ಲಿ ನಟಿಸುತ್ತಿದ್ದು ಅದರ ಶೂಟಿಂಗ್‌ಗಾಗಿ ಹೊಟೇಲ್‌ಗೆ ಹೋಗಿದ್ದರು ಎಂದು ಸಿಟಾಡೆಲ್‌ ತಂಡ ಮಾಹಿತಿ ನೀಡಿದೆ.