'ಮಗನೇ ಮಹಿಷ' ತುಳು ಸಿನಿಮಾದ ಫಸ್ಟ್ ಲುಕ್ ಬಿಡುಗಡೆ

•   Sun, Feb 27 2022 04:52:25 PM



• ಮಂಗಳೂರು, ಫೆ 27 (DaijiworldNews/HR): ವೀರೇಂದ್ರ ಶೆಟ್ಟಿ ನಿರ್ದೇಶನದ ಬಹುನಿರೀಕ್ಷಿತ 'ಮಗನೇ ಮಹಿಷ' ತುಳು ಸಿನಿಮಾದ ಫಸ್ಟ್ ಲುಕ್ ಬಿಡುಗಡೆಯಾಗಿದೆ.

  ವೀರೇಂದ್ರ ಶೆಟ್ಟಿ ನಿರ್ದೇಶನದ 'ಮಗನೇ ಮಹಿಷ' ಸಿನಿಮಾವು ಕಾಮಿಡಿ ಚಿತ್ರವಾಗಿದ್ದು, ಇಂದು ಫಸ್ಟ್ ಲುಕ್ ಬಿಡುಗಡೆಯಾಗಿದ್ದು ಮೆಚ್ಚುಗೆ ವ್ಯಕ್ತವಾಗಿದೆ.

  ನಿರ್ದೇಶಕ ವೀರೇಂದ್ರ ಶೆಟ್ಟಿ ಅವರು ಚಾಲಿಪೋಲಿಲು ಸಿನಿಮಾದ ಮೂಲಕ ಮನೆ ಮಾತಾಗಿದ್ದು, ಇದೀಗ ಅವರ ಎರಡನೇ ತುಳು ಸಿನಿಮಾ 'ಮಗನೇ ಮಹಿಷ ಕೂಡ ಬ್ಲಾಕ್ ಬಸ್ಟರ್ ಆಗುವ ನೀರಿಕ್ಷೆ ಇದೆ.

  ಇನ್ನು 'ಮಗನೇ ಮಹಿಷ' ಸಿನಿಮಾದ ಚಿತ್ರೀಕರಣ ಮಂಗಳೂರಿನಾದ್ಯಂತ ನಡೆದಿದ್ದು, ಇದರಲ್ಲಿ ದೇವದಾಸ್ ಕಾಪಿಕಾಡ್, ಅರವಿಂದ್ ಬೋಳಾರ್, ನವೀನ್ ಡಿ ಪಡೀಲ್ ಮತ್ತು ಭೋಜರಾಜ್ ವಾಮಂಜೂರು ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.

  ವೀರೇಂದ್ರ ಶೆಟ್ಟಿ ನಿರ್ದೇಶನದ ಜೊತೆಗೆ ‘ಮಗನೇ ಮಹಿಷ’ ಚಿತ್ರಕ್ಕೆ ಕಥೆ, ಸಂಭಾಷಣೆಯನ್ನೂ ಬರೆದಿದ್ದಾರೆ.