ಸಿನಿ ಪ್ರೀಯರ ಮುಂದೆ ಬರಲು ಸಜ್ಜಾದ ರಾಜ್ ಸೌಂಡ್ಸ್ & ಲೈಟ್ಸ್

•   Mon, Feb 07 2022 04:06:56 PM



• ಮಂಗಳೂರು, ಫೆ 07 (DaijiworldNews/KP): ರಾಹುಲ್ ಅಮೀನ್ ನಿರ್ದೇಶನದ ತುಳು ಸಿನಿಮಾ 'ರಾಜ್ ಸೌಂಡ್ಸ್ & ಲೈಟ್ಸ್' ಮೇ 20, 2022 ರಂದು ಸಿನಿ ಪ್ರೀಯರ ಮುಂದೆ ಬರಲು ಸಜ್ಜಾಗಿದೆ.

  ಚಲನಚಿತ್ರವು ಈ ಹಿಂದೆ ಫೆಬ್ರವರಿಯಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿತ್ತು, ಆದರೆ ಕಾರಣಾಂತರಗಳಿಂದ ಬಿಡುಗಡೆ ದಿನಾಂಕವನ್ನು ಮುಂದೂಡಲಾಗಿತ್ತು. ಸದ್ಯ ಚಿತ್ರ ತಂಡವು ಸಿನಿ ಪ್ರೇಕ್ಷಕರಿಗೆ ಸಿಹಿ ಸುದ್ದಿ ತಿಳಿಸಿದೆ.
  ಚಿತ್ರ ಬಿಡುಗಡೆಗೂ ಮುನ್ನವೇ ಜನರಲ್ಲಿ ಸಾಕಷ್ಟು ನಿರೀಕ್ಷೆ ಮೂಡಿಸಿದ್ದು, ಈಗಾಗಲೆ ಎಲ್ಲಾ ನಟರ ಮೋಷನ್ ಪೋಸ್ಟರ್ ಬಿಡುಗಡೆಯಾಗಿದ್ದು, ಜನರಿಂದ ಅಭೂತಪೂರ್ವ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

  ಇನ್ನು ಒಂದು ಮೊಟ್ಟೆಯ ಕಥೆ ಖ್ಯಾತಿಯ ನಿರ್ಮಾಪಕರು ಮೂರು ವರ್ಷಗಳ ನಂತರ 'ರಾಜ್ ಸೌಂಡ್ಸ್ & ಲೈಟ್ಸ್' ಎಂಬ ಹಾಸ್ಯ ಮತ್ತು ಕೌಟುಂಬಿಕ ಮನರಂಜನೆಯ ಸಿನಿಮಾದ ಮೂಲಕ ಮರಳಿದ್ದಾರೆ. ವೈಭವ್ ಫ್ಲಿಕ್ಸ್ ಸಹಯೋಗದೊಂದಿಗೆ ಮ್ಯಾಂಗೋ ಪಿಕಲ್ ಎಂಟರ್ಟೈನ್ಮೆಂಟ್ ಅಡಿಯಲ್ಲಿ ಈ ಸಿನಿಮಾ ನಿರ್ಮಾಣವಾಗಿದೆ.

  ರಾಜ್ ಸೌಂಡ್ಸ್ & ಲೈಟ್ಸ್‌‌ ಚಿತ್ರವನ್ನು ಆನಂದ್ ಎನ್ ನಿರ್ದೇಶಿಸಿದ್ದು, ಬಿ ಅಶೋಕ್ ಕುಮಾರ್, ಸೀತಾರಾಮ್ ಶೆಟ್ಟಿ, ಅಜಯ್ ಬಾಳಿಗಾ, ಸುಹಾನ್ ಪ್ರಸಾದ್, ಪವನ್ ಕುಮಾರ್, ನಿತಿನ್ ರಾಜ್ ಶೆಟ್ಟಿ ಮತ್ತು ಅರ್ಪಿತ್ ಅಡ್ಯಾರ್ ಸಹ ನಿರ್ಮಾಪಕರಾಗಿದ್ದು, ನಿರ್ದೇಶನದ ಜೊತೆಗೆ ವಿಜೆ ವಿನೀತ್ ಜೊತೆಗೆ ರಾಹುಲ್ ಅಮೀನ್ ಕಥೆ ಕೂಡ ಬರೆದಿದ್ದಾರೆ.

  ವಿಜೆ ವಿನೀತ್, ಕರಿಷ್ಮಾ ಅಮೀನ್ ಮತ್ತು ಯಶಾ ರವಿಶಂಕರ್ ಈ ಚಿತ್ರದಲ್ಲಿ ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿದ್ದು, ತುಳುನಾಡ ಮಾಣಿಕ್ಯ ಅರವಿಂದ ಬೋಳಾರ್, ಖ್ಯಾತ ಹಾಸ್ಯ ನಟರಾದ ನವೀನ್ ಡಿ ಪಡೀಲ್, ಬೋಜರಾಜ್ ವಾಮಂಜೂರು ಅವರ ಕಾಮಿಡಿ ಜಲಕ್‌ ಕೂಡ ಸಿನಿ ಪ್ರಿಯರಿಗೆ ನೋಡ ಸಿಗಲಿದೆ, ಇನ್ನು ಚೈತ್ರಾ ಶೆಟ್ಟಿ, ಸತೀಶ್ ಬಂದಳೆ, ಉಮೇಶ್ ಮಿಜಾರ್, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ರೂಪ ವರ್ಕಾಡಿ, ಮೆರ್ವಿನ್ ಶಿರ್ವ, ನಮಿತ್ ಕುಳೂರು, ರವಿ ರಾಮಕುಂಜ ಮುಂತಾದವರು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.

  ಗಿರ್ಗಿಟ್ ಖ್ಯಾತಿಯ ಪ್ರಸನ್ನ ಶೆಟ್ಟಿ ಬೈಲೂರು ಸಂಭಾಷಣೆ ಬರೆದಿದ್ದು, ಸಿನಿಮಾದ ದೃಶ್ಯಗಳನ್ನು ಪಡ್ಡಾಯಿ ಖ್ಯಾತಿಯ ಪ್ರಸಾದ್ ಪಿ ಸೆರೆಹಿಡಿದಿದ್ದು ಇವರಿಗೆ ಜೇಕಬ್ ಜಾನ್ಸನ್ ಸಹಕರಿಸಿದ್ದಾರೆ.ಚಿತ್ರದ ಎಲ್ಲ ಹಾಡುಗಳನ್ನು ಸೃಜನ್ ಕುಮಾರ್ ಥೋನ್ಸೆ ಸಂಯೋಜಿಸಿದ್ದಾರೆ ಮತ್ತು ಪ್ಲ್ಯಾಂಗಲ್ ಸ್ಟುಡಿಯೋ ಸಂಕಲನ ಮಾಡಿದ್ದಾರೆ. ಚಿತ್ರದ ಸಾಹಸ ಮಾಯ ದೃಶ್ಯಗಳನ್ನು ಚೇತನ್ ಡಿಸೋಜಾ ನಿರ್ದೇಶಿಸಿದ್ದು, ಚಿತ್ರದ ಎಲ್ಲ ಹಾಡುಗಳು ನವೀನ್ ಶೆಟ್ಟಿ, ಆರ್ಯನ್ಸ್ ನೃತ್ಯ ತಂಡದೊಂದಿಗೆ ಅದ್ಭುತವಾಗಿ ಮೂಡಿಬಂದಿದೆ.