ನಟಿ ಕತ್ರಿನಾ ಕೈಫ್ ಹಾಗೂ ವಿಕ್ಕಿ ಕೌಶಲ್‌ಗೆ ಸಲ್ಮಾನ್ ಖಾನ್‌ರಿಂದ ಮದುವೆ ಶುಭಾಶಯ

•   Mon, Jan 31 2022 05:42:45 PM



• ಮುಂಬೈ, ಜ.31 (DaijiworldNews/KP): ಬಾಲಿವುಡ್ ನಟಿ ಕತ್ರಿನಾ ಕೈಫ್ ಹಾಗೂ ವಿಕ್ಕಿ ಕೌಶಲ್ ಅವರ ಮದುವೆಗೆ ನಟ ಸಲ್ಮಾನ್ ಖಾನ್ ಕೊನೆಗೂ ಶುಭಾಶಯ ತಿಳಿಸಿದ್ದಾರೆ.

  ಬಾಲಿವುಡ್ ನಟಿ ಕತ್ರಿನಾ ಕೈಫ್ ಹಾಗೂ ವಿಕ್ಕಿ ಕೌಶಲ್ ಅವರ ಮದುವೆ ಡಿಸೆಂಬರ್ 9ರಂದು ರಾಜಸ್ಥಾನದ ಸವಾಯಿ ಮಾಧೋಪುರದಲ್ಲಿ ಕಟ್ಟುನಿಟ್ಟಾದ ಭದ್ರತೆಯಲ್ಲಿ ಕೇವಲ ಆತ್ಮೀಯ ಸಂಬಂಧಿಕರ ಸಮ್ಮುಖದಲ್ಲಿ ಅದ್ದೂರಿಯಾಗಿ ನಡೆದಿದ್ದು. ಇವರ ಮದುವೆಗೆ ಬಾಲಿವುಡ್ ನಟ ಸಲ್ಮಾನ್ ಖಾನ್ ಕೊನೆಗೂ ಶುಭಾಶಯ ತಿಳಿಸಿದ್ದಾರೆ.

  ಭಾನುವಾರ ನಡೆದ ಬಿಗ್ ಬಾಸ್ 15ರ ಗ್ರ್ಯಾಂಡ್ ಫಿನಾಲೆ ಕಾರ್ಯಕ್ರಮದಲ್ಲಿ ನಿರೂಪಣೆ ಮಾಡುತ್ತಿದ್ದ ಸಲ್ಮಾನ್ ಖಾನ್ ಕ್ಯಾಮರಾವನ್ನು ನೋಡುತ್ತಾ ಕತ್ರಿನಾಗೆ ವಿಶ್ ಮಾಡಿದ್ದಾರೆ.

  ನಟ ಹೃತಿಕ್ ರೋಷನ್ ಅಭಿನಯಿಸಿದ್ದ ಅಗ್ನಿಪತ್ ಸಿನಿಮಾದ ವಿಶೇಷ ಸಾಂಗ್ ಚಿಕ್ಕಿನಿ ಚಮ್ಮೆಲಿ ಹಾಡಿಗೆ ಕತ್ರಿನಾ ಕೈಫ್ ಸೊಂಟ ಬಳುಕಿಸಿದ್ದು. ಇದೆ ವೇಳೆ ಕತ್ರಿನಾ ಕೈಫ್ ಜೊತೆ ವಿಶೇಷ ಹಾಡಿಗೆ ಬಿಗ್‍ಬಾಸ್ ವೇದಿಕೆಯಲ್ಲಿ ಹೆಜ್ಜೆ ಹಾಕುವಂತೆ ನಟಿ ರಾಖಿ ಸಾವಂತ್, ರುಬಿನಾ ದಿಲಾಯಿಕ್ ಸಲ್ಮಾನ್ ಖಾನ್ ಅವರಿಗೆ ಸವಾಲೊಡ್ಡಿದ್ದರು. ಈ ವೇಳೆ ಸಲ್ಮಾನ್ ಖಾನ್ ಕ್ಯಾಮೆರಾದತ್ತಾ ನೋಡುತ್ತಾ ಕತ್ರಿನಾ ಶಾದಿ ಮುಬಾರಕ್ ಹೋ ಎಂದು ಹೇಳಿದ್ದಾರೆ.