ವಿರಾಟ್ ಕೊಹ್ಲಿ ಪುತ್ರಿ ವಮಿಕಾಳ ಮುಖ ರಿವೀಲ್​ ಮಾಡಿದ ಸ್ಟಾರ್ ಸ್ಟೋರ್ಟ್ಸ್

•   Mon, Jan 24 2022 10:12:43 AM



• ಕೇಪ್ ಟೌನ್‌, ಜ 24 (DaijiworldNews/MS): ಜನವರಿ 23 ರಂದು ಕೇಪ್ ಟೌನ್‌ನಲ್ಲಿ ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವೆ ನಡೆದ ಏಕದಿನ ಸರಣಿಯ ಕೊನೆಯ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಪುತ್ರಿ ವಾಮಿಕಾ ಸ್ಕ್ರೀನ್ ಮೇಲೆ ಕಾಣಿಸಿಕೊಂಡರು.

  ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಅವರ ಪುತ್ರಿ ವಾಮಿಕಾ ಹುಟ್ಟಿದಾಗಿನಿಂದಲೂ ಆಕೆಯನ್ನು ಲಕ್ಷಾಂತರ ಜನರು ಆರಾಧಿಸಿದ್ದಾರೆ. ಆದಾಗ್ಯೂ, ಸ್ಟಾರ್ ದಂಪತಿಗಳು ತಮ್ಮ ಮಗಳನ್ನು ಕ್ಯಾಮಾರಾ ಕಣ್ಣಿನಿಂದ ದೂರವಿಟ್ಟಿದ್ದರು, ತಮ್ಮ ಮಗಳ ವಿಷಯಕ್ಕೆ ಬಂದಾಗ ಮಗುವಿಗೆ ಖಾಸಗಿತನವನ್ನು ನೀಡುವಂತೆ ಮಾಧ್ಯಮಗಳಿಗೆ ವಿನಂತಿಸಿದ್ದಾರೆ.

  ಆದರೆ, ಇಂದು ಕೇಪ್‌ಟೌನ್‌ನಲ್ಲಿ ನಡೆದ ಭಾರತ-ದಕ್ಷಿಣ ಆಫ್ರಿಕಾ ನಡುವಿನ ಏಕದಿನ ಪಂದ್ಯವನ್ನು ವೀಕ್ಷಿಸಲು ಬಂದಿದ್ದ ಈ ಪುಟಾಣಿ ಕ್ಯಾಮರಾಮನ್‌ನಿಂದ ಕ್ಲಿಕ್ಕಿಸಿಕೊಂಡಿದ್ದಾಳೆ. ಪಂದ್ಯದ ಕ್ಲಿಪ್‌ಗಳಲ್ಲಿ, ವಾಮಿಕ ಗುಲಾಬಿ ಬಣ್ಣದ ಫ್ರಾಕ್‌ನಲ್ಲಿ ತನ್ನ ತಾಯಿಯ ಕೈಯಲ್ಲಿ ಕುಳಿತಿರುವುದನ್ನು ಕಾಣಬಹುದಾಗಿದೆ. ಅನುಷ್ಕಾ ಕಪ್ಪು ಬಣ್ಣದ ಬಟ್ಟೆ ಹಾಗೂ ಸ್ಲಿಂಗ್ ಬ್ಯಾಗ್ ಧರಿಸಿದ್ದರು.

  ವಮಿಕಾ ಅವರ ಈ ಕೆಲವು ಸೆಕೆಂಡ್‌ಗಳ ವಿಡಿಯೋ ಹೊರಬೀಳುತ್ತಿದ್ದಂತೆಯೇ ವಿರಾಟ್-ಅನುಷ್ಕಾ ಮಗಳ ಮೊದಲ ನೋಟ ನೋಡಲು ಅಭಿಮಾನಿಗಳಲ್ಲಿ ಇದ್ದ ಕಾತುರ ಕೊನೆಗೊಂಡಿದೆ. ಕೆಲವರು ವಾಮಿಕಾ ಕಾಣಿಸಿಕೊಂಡಿರುವುದರ ಬಗ್ಗೆ ಸಂತೋಷಪಟ್ಟರೆ, ಇನ್ನೂ ಕೆಲವರು ಮಗುವಿನ ಗೌಪ್ಯತೆಯನ್ನು ಬಹಿರಂಗಗೊಳಿಸಿದ್ದಕ್ಕೆ ತೀವ್ರವಾಗಿ ಖಂಡಿಸಿದ್ದಾರೆ.

  View this post on Instagram

  A post shared by Viral Bhayani (@viralbhayani)