Entertainment
ಮತ್ತೆ ಜೊತೆಯಾಗಿ ಕಾಣಿಸಿಕೊಂಡರೇ ಶುಭಮನ್ - ಸಾರಾ ತೆಂಡೂಲ್ಕರ್?
- Mon, Jan 10 2022 05:58:33 PM
-
ಗೋವಾ, ಜ, 10 (DaijiworldNews/AN): ಖ್ಯಾತ ಕ್ರಿಕೆಟಿಗ ಸಚಿನ್‌ ತೆಂಡುಲ್ಕರ್‌ರವರ ಪುತ್ರಿ ಸಾರಾ ತೆಂಡೂಲ್ಕರ್‌ರವರು ಕ್ರಿಕೆಟಿಗ ಶುಭ್ಮನ್ ಗಿಲ್ ರವರೊಂದಿಗೆ ಗೋವಾದಲ್ಲಿ ಡೇಟಿಂಗ್ ನಡೆಸುತ್ತಿದ್ದಾರೆ ಎಂಬ ಸುದ್ದಿ ವೈರಲ್ ಆಗುತ್ತಿದ್ದಂತೆ ಇತ್ತ ಅವರ ಫೊಟೋಗಳು ಸಹ ವೈರಲ್ ಆಗುತ್ತಿವೆ.
ಶುಭ್ಮನ್ ಮತ್ತು ಸಾರಾ ತೆಂಡೂಲ್ಕರ್ ಡೇಟಿಂಗ್ ನಡೆಸುತ್ತಿರಬಹುದೆಂಬ ಸುದ್ದಿಗೆ ಈಗ ಇನ್ನಷ್ಟು ಸಾಕ್ಷಿಗಳು ಸಿಕ್ಕಿವೆ. ನೋಡುಗರು ಸಾರಾ ಮತ್ತು ಶುಭ್ಮನ್ ಗಿಲ್ ಫೋಟೋವನ್ನು ಮ್ಯಾಚ್‌ ಮಾಡಿ ನೋಡಿದಾಗ ಇಬ್ಬರು ಒಂದೇ ಜಾಗದಲ್ಲಿ ಫೋಟೋ ತೆಗೆದಿರಬಹುದು ಎಂಬ ಸಂಶಯಗಳು ಮೂಡುತ್ತಿವೆ.
ಸಾರಾ ಅವರು ಗೋವಾ ಪ್ರವಾಸದ ಫೋಟೋಗಳನ್ನು ಇತ್ತೀಚೆಗೆ, ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದರು. ಅಲ್ಲಿಯೇ ಸ್ನೇಹಿತರೊಂದಿಗೆ ಹೊಸ ವರ್ಷವನ್ನು ಆಚರಿಸಿದ್ದರು.
ಸಾರಾ ಗೋವಾದಲ್ಲಿ ಕಾರಿನಲ್ಲಿ ಕುಳಿತಿರುವ ಫೋಟೋವೊಂದನ್ನು ಹಂಚಿಕೊಂಡಿದ್ದು, ಈ ಫೊಟೋದಲ್ಲಿ ಅವರು ಕಾರಿನಲ್ಲಿ ಕುಳಿತು ಬೀಚ್‌ನಲ್ಲಿ ಸೂರ್ಯಾಸ್ತವನ್ನು ಆನಂದಿಸುತ್ತಿರುವುದನ್ನು ಕಾಣಬಹುದಾಗಿದ್ದು, ಈ ಮಹೀಂದ್ರಾ ಥಾರ್ ಅನ್ನು ಕಳೆದ ವರ್ಷ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಅವರ ಅತ್ಯುತ್ತಮ ಪ್ರದರ್ಶನಕ್ಕಾಗಿ ಆನಂದ್ ಮಹೀಂದ್ರ ಅವರು ಶುಭ್ಮನ್ ಗಿಲ್‌ಗೆ ಉಡುಗೊರೆಯಾಗಿ ನೀಡಿದ್ದರು.
ಇವರಿಬ್ಬರೂ ಈವರೆಗೆ ಇವರ ಸಂಬಂಧದ ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಆದರೆ ಇನ್ಸ್‌ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳುತ್ತಿರುವ ಕೆಲವು ಪೋಸ್ಟ್‌ಗಳಿಗೆ ಕಮೆಂಟ್‌ಗಳನ್ನು ಹಾಕುತ್ತಿರುತ್ತಾರೆ.
ಚಾನಲ್ ಫಾಲೋ ಮಾಡಿ
