'ಸೋಡಾ ಶರ್ಬತ್‌' ಸಿನಿಮಾದ ಟೈಟಲ್ ಹಾಡಿಗೆ ಹೆಜ್ಜೆ ಹಾಕಿ 10 ಸಾವಿರ ಬಹುಮಾನ ಗೆಲ್ಲಿ..!

•   Sat, Dec 25 2021 04:24:55 PM



• ಮಂಗಳೂರು, ಡಿ. 25 (DaijiworldNews/HR): ತುಳು ಚಲನಚಿತ್ರ 'ಸೋಡಾ ಶರ್ಬತ್‌' ಟೈಟಲ್ ಹಾಡಿಗೆ ಹೆಜ್ಜೆ ಹಾಕಿ 10,000 ರೂಪಾಯಿ ಬಹುಮಾನ ಗೆಲ್ಲುವ ಅದ್ಭುತ ಅವಕಾಶ ಸಿನಿ ಪ್ರಿಯರಿಗೆ ಸಿಕ್ಕಿದೆ.

  ಭಾಗವಹಿಸುವವರು ಸೋಡಾ ಶರ್ಬತ್‌ ಶೀರ್ಷಿಕೆ ಗೀತೆಗೆ 30 ಸೆಕೆಂಡ್‌ಗಳ ಡ್ಯಾನ್ಸ್ ವೀಡಿಯೊ ಮಾಡಿ ಇನ್ಟಾಗ್ರಾಮ್ ಮತ್ತು ಪೇಸ್‌ಬುಕ್‌ಗಳಲ್ಲಿ ಅಪ್‌ಲೋಡ್ ಮಾಡಬೇಕು. ಬಳಿಕ ಅಪ್‌ಲೋಡ್ ಮಾಡಿದ ಲಿಂಕ್ ಅನ್ನು +91 7795987705 ಗೆ ಕಳುಹಿಸಬೇಕು.

  ಇನ್ನು ಸೋಡಾ ಶರ್ಬತ್‌ ಸಿನಿಮಾ ಬಿಡುಗಡೆಗೂ ಮುನ್ನ ಅತಿ ಹೆಚ್ಚು ಲೈಕ್ಸ್ ಮತ್ತು ವೀಕ್ಷಣೆ ಮಾಡಿದ ವಿಡಿಯೋಗೆ 10,000 ರೂ. ನಗದು ಬಹುಮಾನ ದೊರಕಲಿದೆ.

  ಪಿಬಿಪಿ ಫಿಲ್ಮ್ಸ್ ಬ್ಯಾನರ್ ಅಡಿಯಲ್ಲಿ ಚಿತ್ರ ನಿರ್ಮಾಣವಾಗಲಿದ್ದು, ನಿರ್ದೇಶನದ ಜೊತೆಗೆ ಪ್ರದೀಪ್ ಈ ಸಿನಿಮಾಗೆ ಕಥೆ ಮತ್ತು ಚಿತ್ರಕಥೆಯನ್ನು ಬರೆದಿದ್ದಾರೆ.

  ತುಳುನಾಡ ಮಾಣಿಕ್ಯ ಖ್ಯಾತಿಯ ಅರವಿಂದ ಬೋಳಾರ್, ಖ್ಯಾತ ಹಾಸ್ಯ ನಟ ಭೋಜರಾಜ್ ವಾಮಂಜೂರು, ತೆಲಿಕೆದ ಬೊಳ್ಳಿ ಖ್ಯಾತಿಯ ದೇವದಾಸ್ ಕಾಪಿಕಾಡ್, ಉಮೇಶ್ ಮಿಜಾರ್, ಪ್ರಸನ್ನ ಬೈಲೂರು ಕೊಂಕಣಿಯ ಖ್ಯಾತ ನಟ ಮೆಲ್ಲು ವೆಲೆನ್ಸಿಯಾ, ಪ್ರೈವೆಟ್ ಚಾಲೆಂಜ್ ಖ್ಯಾತಿಯ ವಾಲ್ಟರ್ ನಂದಳಿಕೆ, ಲವೀನಾ ಫೆರ್ನಾಂಡಿಸ್, ರಂಜಿತಾ ಸೇರಿದಂತೆ ಅನೇಕ ಮಂದಿ ಈ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದು, ಮೆಲ್ವಿನ್ ಎಲ್ಪೆಲ್ ಕಾರ್ಯನಿರ್ವಾಹಕ ನಿರ್ಮಾಪಕರಾಗಿ ಹಾಗೂ ಪ್ಯಾಟ್ಸನ್ ಪೆರೀರಾ ಚಿತ್ರಕ್ಕೆ ಸಂಗೀತ ಸಂಯೋಜಿಸಿದ್ದಾರೆ. ಸಂಕಲನವನ್ನು ಗಣೇಶ್ ನೀರ್ಚಾಲ್ ಮಾಡಿದ್ದಾರೆ.

  ಡಿಸೆಂಬರ್ 31ಕ್ಕೆ ಸಿನಿಮಾ ಬಿಡುಗಡೆಯಾಗಲಿದೆ.