ಬೋಜರಾಜ್ ಎಂ.ಬಿ.ಬಿ.ಎಸ್ ತುಳು ಸಿನಿಮಾ ಫೆ.11ರಂದು ಬಿಡುಗಡೆ

•   Sun, Dec 12 2021 05:35:50 PM



• ಮಂಗಳೂರು, ಡಿ.12 (DaijiworldNews/HR): ದರ್ಬಾರ್ ಸಿನೆಮಾಸ್ ಬ್ಯಾನರಿನಲ್ಲಿ ರಫೀಕ್ ದರ್ಬಾರ್ ನಿರ್ಮಿಸಿ, ಪರ್ವೇಜ್ ಬೆಳ್ಳಾರೆ ,ಶರಣ್ ರಾಜ್ ಕಾಸರಗೋಡು ಸಹ ನಿರ್ಮಾಣದ ಇಸ್ಮಾಯಿಲ್ ಮೂಡುಶೆಡ್ಡೆ ನಿರ್ದೇಶನದ ಬಹು ನಿರೀಕ್ಷಿತ ಹಾಸ್ಯ ಪ್ರದಾನ ತುಳು ಚಿತ್ರ ಬೋಜರಾಜ್ ಎಂ.ಬಿ.ಬಿ.ಎಸ್ ಸಿನಿಮಾ ಫೆಬ್ರವರಿ 11ರಂದು ಬಿಡುಗಡೆಯಾಗಲಿದೆ.

  ಬೋಜರಾಜ್ ವಾಮಂಜೂರು ಮೊದಲ ಬಾರಿಗೆ ಪೂರ್ಣ ಪ್ರಮಾಣದ ನಾಯಕನಾಗಿ ಅಭಿನಯಿಸುವ ಈ ಚಿತ್ರದಲ್ಲಿ ದೇವದಾಸ್ ಕಾಪಿಕಾಡ್, ಅರವಿಂದ್ ಬೋಳಾರ್, ವಿಜಯಕುಮಾರ್ ಕೊಡಿಯಾಲ್ ಬೈಲ್,ಸಾಯಿಕೃಷ್ಣಕುಡ್ಲ, ಉಮೇಶ್ ಮಿಜಾರ್, ರವಿ ರಾಮಕುಂಜ,ಪ್ರಾಣ್ ಶೆಟ್ಟಿ,ಶರಣ್ ರಾಜ್ ,ರೊನ್ಸ್ ಲಂಡನ್, ಮೊದಲಾದವರ ದೊಡ್ಡ ತಾರಾಗಣವಿದೆ.

  ಇನ್ನು ಈ ಸಿನಿಮಾದಲ್ಲಿ ಶೀತಲ್ ನಾಯಕ್ ಮತ್ತು ನವ್ಯ ಪೂಜಾರಿ ನಾಯಕಿಯರಾಗಿದ್ದು, ಇದರಲ್ಲಿ ಒಟ್ಟು ಮೂರು ಹಾಡುಗಳಿದ್ದು ಗರು ಬಾಯಾರು ಮತ್ತು ರಾಜೇಶ್ ಭಟ್ ಮೂಡುಬಿದ್ರೆ ಸಂಗೀತ ನೀಡಿದ್ದಾರೆ ಶಾಹಾಜನ್ ಮತ್ತು ಉದಯ ಬಳ್ಳಾಲ್ ಛಾಯಾಗ್ರಹಣ ಈ ಚಿತ್ರಕ್ಕಿದೆ.

  ಈ ಸಿನಿಮಾದ ಆಡಿಯೋ ಹೆಸರಾಂತ ಸಂಸ್ಥೆ ಅಶ್ವಿನಿ ಆಡಿಯೋದ ಎ ಆರ್ ಸಿ ಕನ್ನಡ ಮ್ಯೂಸಿಕ್ ಬಿಡುಗಡೆ ಮಾಡಿದೆ.