ಆರ್‌ಆರ್‌ಆರ್ ಟ್ರೈಲರ್ ಬಿಡುಗಡೆ - ಮತ್ತೆ ರಾರಾಜಿಸಿದ ರಾಜಮೌಳಿ ಸಿನಿಮಾದ ಅದ್ದೂರಿತನ

•   Thu, Dec 09 2021 05:30:50 PM



• ಬೆಂಗಳೂರು, ಡಿ.09 (DaijiworldNews/PY): ನಿರ್ದೇಶಕ ಎ‌ಸ್ ಎಸ್‌ ರಾಜಮೌಳಿ ನಿರ್ದೇಶನದ ಬಹುನಿರೀಕ್ಷಿತ ಪ್ಯಾನ್‌‌ ಇಂಡಿಯಾ ಸಿನಿಮಾ ಆರ್‌ಆರ್‌ಆರ್‍ ಟ್ರೈಲರ್ ಗುರುವಾರ ಬಿಡುಗಡೆಯಾಗಿದೆ.

  ಆಯ್ದ ಚಿತ್ರಮಂದಿರಗಳಲ್ಲಿ ಇಂದು ಬೆಳಗ್ಗೆ 10.30 ಕ್ಕೆ ಸಿನಿಮಾದ ಟ್ರೈಲರ್ ಬಿಡುಗಡೆಯಾಗಿದ್ದು ಬಳಿಕ 11 ಗಂಟೆಗೆ ಯೂಟ್ಯೂಬ್‌ನಲ್ಲಿ ಟ್ರೈಲರ್ ಬಿಡುಗಡೆಯಾಗಿ ಅಭಿಮಾನಿಗಳಿಗೆ ಚಿತ್ರದ ಬಗ್ಗೆ ಕುತೂಹಲಕ್ಕೆರಳಿಸುವಂತೆ ಮಾಡಿದೆ.

  ಟ್ರೆಂಡಿಂಗ್‌ನಲ್ಲಿರುವ ಆರ್‌ಆರ್‌ಆರ್‌ ಟ್ರೈಲರ್ 3 ನಿಮಿಷ 10 ಸೆಕೆಂಡ್‌‌ ಇದ್ದು, ಕಥೆ ಹೇಗಿರುತ್ತದೆ ಎನ್ನುವುದನ್ನು ರಾಜಮೌಳಿ ಬಿಟ್ಟುಕೊಟ್ಟಿಲ್ಲ.

  ಆರ್‌ಆರ್‌ಆರ್‌ 2022ರ ಜನವರಿ 7ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಈ ಚಿತ್ರವನ್ನು ಡಿವಿವಿ ಎಂಟರ್‌ಟೈನ್‌ಮೆಂಟ್ಸ್ ಸಂಸ್ಥೆಯು 400 ಕೋಟಿ ರೂ. ನಲ್ಲಿ ನಿರ್ಮಿಸುತ್ತಿದ್ದು, ಇಬ್ಬರು ಸ್ವಾತಂತ್ರ್ಯ ಹೋರಾಟಗಾರರಾದ ಅಲ್ಲೂರಿ ಸೀತಾರಾಮರಾಜು ಹಾಗೂ ಕೋಮರಂ ಭೀಮ್‌ ಅವರ ಜೀವನ ಕಥೆಯನ್ನು ಆಧರಿಸಿದೆ.

  ಆರ್‌ಆರ್‌ ಆರ್‌ ಚಿತ್ರದಲ್ಲಿ ರಾಮ್‌ಚರಣ್‌‌‌ ಅವರು ಸೀತಾರಾಮರಾಜು ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು, ಕೋಮರಂ ಭೀಮ್ ಪಾತ್ರದಲ್ಲಿ ಎನ್‌ಟಿಆರ್ ಜೂನಿಯರ್ ಕಾಣಿಸಿಕೊಳ್ಳಲಿದ್ದಾರೆ.

  ಇನ್ನು ಬಾಲಿವುಡ್‌ ನಟರಾದ ಅಜಯ್‌ ದೇವಗನ್‌ ಹಾಗೂ ಆಲಿಯಾ ಭಟ್‌ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.