ಮದುವೆಗೆ 1 ಲಕ್ಷ ರೂಪಾಯಿ ವೆಚ್ಚದ ಗೋರಂಟಿ ಹಾಕಿಕೊಳ್ಳಲಿದ್ದಾರಂತೆ ನಟಿ ಕತ್ರಿನಾ ಕೈಫ್ !

•   Sat, Nov 27 2021 04:19:19 PM



• ಮುಂಬೈ, ನ. 27 (DaijiworldNews/HR): ನಟಿ ಕತ್ರಿನಾ ಕೈಫ್ ಹಾಗೂ ವಿಕ್ಕಿ ಕೌಶಲ್ ಅವರ ಮದುವೆ ಶಾಸ್ತ್ರಗಳು ಪ್ರಾರಂಭವಾಗಿದ್ದು, ಕತ್ರಿನಾ ಅವರು ಮೆಹಂದಿ ಕಾರ್ಯಕ್ರಮಕ್ಕೆ ಬಳಸುತ್ತಿರುವ ಗೋರಂಟಿ ಬೆಲೆ ಇದೀಗ ಸಖತ್ ಸುದ್ದಿ ಮಾಡುತ್ತಿದೆ.

  ವಧು-ವರರಿಗೆ ಜೋಧ್‍ಪುರದ ಪಾಲಿ ಜಿಲ್ಲೆಯ ಸೋಜತ್ ಮೆಹೆಂದಿ ಎಂಬ ವಿಶೇಷ ರೀತಿಯ ಗೋರಂಟಿ ಬಳಸಲಾಗುತ್ತಿದ್ದು, ಸೋಜತ್‍ನ ಮೆಹಂದಿ ಮಾರಾಟಗಾರರ ಪ್ರಕಾರ, ಕತ್ರಿನಾ ಅವರ ಮದುವೆಗೆ ಮೆಹಂದಿ ತಯಾರಿಗೆ ಸುಮಾರು 50,000 ರಿಂದ 1 ಲಕ್ಷ ರೂಪಾಯಿ ವೆಚ್ಚವಾಗುತ್ತದೆ ಎನ್ನುವ ಸುದ್ದಿ ಬಾಲಿವುಡ್ ಅಂಗಳಲ್ಲಿ ಹರಿದಾಡುತ್ತಿದೆ.

  ಇನ್ನು ಡಿಸೆಂಬರ್ 12ರಿಂದ 17ರ ಅವಧಿಯಲ್ಲಿ ರಾಜಸ್ಥಾನದ ಹೋಟೆಲೊಂದರಲ್ಲಿ ಕತ್ರಿನಾ ಹಾಗೂ ವಿಕ್ಕಿ ವಿವಾಹ ನಡೆಯಲಿದೆ.

  ರಾಜಸ್ಥಾನದಲ್ಲಿ ತಮ್ಮ ವಿವಾಹದ ಆಚರಣೆಗಳಿಗೆ ಮುನ್ನ ವಿಕ್ಕಿ ಮತ್ತು ಕತ್ರಿನಾ ಮುಂದಿನ ವಾರ ಮುಂಬೈನಲ್ಲಿ ಮದುವೆಯಾಗಲಿದ್ದಾರೆ ಎಂದು ವರದಿಯಾಗಿದೆ.