ಬೋಜರಾಜ್ ಎಂ.ಬಿ.ಬಿಎಸ್ ತುಳು ಸಿನಿಮಾದ ಆಡಿಯೋ ಬಿಡುಗಡೆ

•   Wed, Nov 24 2021 04:29:46 PM



• ಮಂಗಳೂರು, ನ 24 (DaijiworldNews/MS): ದರ್ಬಾರ್ ಸಿನೆಮಾಸ್ ಬ್ಯಾನರಿನಲ್ಲಿ ರಫೀಕ್ ದರ್ಬಾರ್ ನಿರ್ಮಿಸಿ, ಪರ್ವೇಜ್ ಬೆಳ್ಳಾರೆ ,ಶರಣ್ ರಾಜ್ ಕಾಸರಗೋಡು ಸಹ ನಿರ್ಮಾಣದ ಇಸ್ಮಾಯಿಲ್ ಮೂಡುಶೆಡ್ಡೆ ನಿರ್ದೇಶನದ ಬಹು ನಿರೀಕ್ಷಿತ ಹಾಸ್ಯ ಪ್ರದಾನ ತುಳು ಚಿತ್ರ ಬೋಜರಾಜ್ ಎಂ.ಬಿ.ಬಿ.ಎಸ್ ಚಿತ್ರದ ಆಡಿಯೋ ಬಿಡುಗಡೆ ಕಾರ್ಯಕ್ರಮ ಮಂಗಳೂರಿನ ಕೊಡಿಯಾಲ್ ಬೈಲ್ ಭಗವತಿ ದೇವಸ್ಥಾನ ದ ಅಡಿಟೋರಿಯಂ ನಲ್ಲಿ ನಡೆಯಿತು.

  ಹಿರಿಯ ಚಿತ್ರ ನಿರ್ಮಾಪಕ ಡಾ.ಸಂಜೀವ ದಂಡಕೇರಿ ಕಾರ್ಯಕ್ರಮ ಉದ್ಘಾಟಿಸಿದರು ಡಾ.ಎಂ ಮೋಹನ್ ಆಳ್ವ ರವರು ಕಾರ್ಯಕ್ರಮ ದ ಅಧ್ಯಕ್ಷತೆ ವಹಿಸಿದ್ದರು, ಕರಾವಳಿ ಕಾಲೇಜು ಸಮೂಹ ಸಂಸ್ಥೆಯ ಎಸ್ .ಗಣೇಶ್ ರಾವ್ ಆಡಿಯೋ ಬಿಡುಗಡೆಗೊಳಿಸಿದರು. ಪದ್ಮಶ್ರೀ ಹರೇಕಳ ಹಾಜಬ್ಬ ರನ್ನು ಈ ಕಾರ್ಯಕ್ರಮ ದಲ್ಲಿ ಸನ್ಮಾನಿಸಲಾಯಿತು. ಡಾ.ಅಬೂಬಕ್ಕರ್ ಸಿದ್ದೀಕ್, ವಿಜಯಕುಮಾರ್ ಕೊಡಿಯಾಲ್ ಬೈಲ್,ಡಾ.ಸತೀಶ್ ಕಲ್ಲಿಮಾರ್,ಡಾ.ದೀಪ್ತಿ ,ಬೋಜರಾಜ್ ವಾಮಂಜೂರು, ರಹಿಮ್ ಉಚ್ಚಿಲ್, ಸುದೇಶ್ ಕುಮಾರ್,ಶ್ರೀಪತಿ ಭಟ್,ಭಾಸ್ಕರ್ ದೇವಸ್ಯ,ಮೊದಲಾದ ಗಣ್ಯರು ಭಾಗವಹಿಸಿದರು.

  ಬೋಜರಾಜ್ ವಾಮಂಜೂರು ಮೊದಲ ಬಾರಿಗೆ ಪೂರ್ಣ ಪ್ರಮಾಣದ ನಾಯಕನಾಗಿ ಅಭಿನಯಿಸುವ ಈ ಚಿತ್ರದಲ್ಲಿ ದೇವದಾಸ್ ಕಾಪಿಕಾಡ್, ಅರವಿಂದ್ ಬೋಳಾರ್, ವಿಜಯಕುಮಾರ್ ಕೊಡಿಯಾಲ್ ಬೈಲ್,ಸಾಯಿಕೃಷ್ಣಕುಡ್ಲ, ಉಮೇಶ್ ಮಿಜಾರ್, ರವಿ ರಾಮಕುಂಜ,ಪ್ರಾಣ್ ಶೆಟ್ಟಿ,ಶರಣ್ ರಾಜ್ ,ರೊನ್ಸ್ ಲಂಡನ್, ಮೊದಲಾದವರ ದೊಡ್ಡ ತಾರಾಗಣ ವಿದೆ.ಶೀತಲ್ ನಾಯಕ್ ಮತ್ತು ನವ್ಯ ಪೂಜಾರಿ ನಾಯಕಿಯರಾಗಿದ್ದಾರೆ ಚಿತ್ರದಲ್ಲಿ ಒಟ್ಟು ಮೂರು ಹಾಡುಗಳಿದ್ದು ಗರು ಬಾಯಾರು ಮತ್ತು ರಾಜೇಶ್ ಭಟ್ ಮೂಡುಬಿದ್ರೆ ಸಂಗೀತ ನೀಡಿದ್ದಾರೆ ಶಾಹಾಜನ್ ಮತ್ತು ಉದಯ ಬಳ್ಳಾಲ್ ಛಾಯಾಗ್ರಹಣ ಈ ಚಿತ್ರಕ್ಕಿದೆ. ಚಿತ್ರದ ಆಡಿಯೋ ಹೆಸರಾಂತ ಸಂಸ್ಥೆ ಅಶ್ವಿನಿ ಆಡಿಯೋ ದ ಎ ಆರ್ ಸಿ ಕನ್ನಡ ಮ್ಯೂಸಿಕ್ ಬಿಡುಗಡೆ ಮಾಡಿದೆ.