ವೀಕೆಂಡ್‌ನಲ್ಲಿ ಮಕ್ಕಳೊಂದಿಗೆ ಶಿಲ್ಪಾ ಶೆಟ್ಟಿ ಸುತ್ತಾಟ - ರಾಜ್‌ ಕುಂದ್ರಾ ಮಿಸ್ಸಿಂಗ್‌

•   Sun, Oct 24 2021 04:48:51 PM



• ಮುಂಬೈ, ಅ.24 (DaijiworldNews/PY): ಬಾಲಿವುಡ್‌ ನಟಿ ಶಿಲ್ಪಾ ಶೆಟ್ಟಿ ವೀಕೆಂಡ್‌ನಲ್ಲಿ ತಮ್ಮ ಮಕ್ಕಳಾದ ವಿಯಾನ್‌, ಸಮೀಷಾ ಹಾಗೂ ತಾಯಿ ಸುನಂದಾ ಶೆಟ್ಟಿ ಅವರೊಂದಿಗೆ ಆಲಿಬಾಗ್‌ಗೆ ಹೋಗಿದ್ದು, ಈ ವೇಳೆ ರಾಜ್‌ ಕುಂದ್ರಾ ಅವರು ಕಾಣಿಸದೇ ಇರುವುದರ ಬಗ್ಗೆ ಅಭಿಮಾನಿಗಳು ಪ್ರಶ್ನಿಸಿದ್ದಾರೆ.

  

  ಶಿಲ್ಪಾ ಶೆಟ್ಟಿ ಅವರು ತೆರಳುವಾಗ ನಗುಮೊಗದಿಂದಲೇ ಕ್ಯಾಮಾರಾಕ್ಕೆ ಪೋಸ್‌ ನೀಡಿದ್ದಾರೆ.

  ಶಿಲ್ಪಾ ಶೆಟ್ಟಿ ಅವರು ನೀಲಿ ಬಣ್ಣದ ಶರ್ಟ್‌, ಗುಲಾಬಿ ಬಣ್ಣದ ಫ್ರಾಕ್‌‌ ಧರಿಸಿದ ಸಮೀಷಾಳನ್ನು ತಮ್ಮ ಸೊಂಟದ ಮೇಲೆ ಹೊತ್ತಿದ್ದರು. ವಿಯಾನ್‌ ಬಿಳಿ ಬಣ್ಣದ ಟಿ-ಶರ್ಟ್‌, ನೀಲಿ ಶಾರ್ಟ್ಸ್‌‌ನಲ್ಲಿ ಕಾಣಿಸಿಕೊಂಡಿದ್ದಾರೆ.

  ಅಶ್ಲೀಲ ಸಿನಿಮಾ ನಿರ್ಮಾಣ ಹಾಗೂ ಹಂಚಿಕೆ ಪ್ರಕಣದ ಪ್ರಮುಖ ಆರೋಪಿಯಾಗಿರುವ ರಾಜ್‌ ಕುಂದ್ರಾ ಅವರು ಜೈಲು ಸೇರಿದ್ದರು. ಸದ್ಯ ಅವರು ಜಾಮೀನಿನ ಮೇಲೆ ಬಿಡುಗಡೆಯಾಗಿದ್ದಾರೆ. ಆದರೆ, ಈವರೆಗೆ ರಾಜ್‌ ಕುಂದ್ರಾ ಅವರು ಹೊರಗೆಲ್ಲೂ ಕಾಣಿಸಿಕೊಳ್ಳುತ್ತಿಲ್ಲ.

  ಶಿಲ್ಪಾ ಶೆಟ್ಟಿ ಅವರು ಇತ್ತೀಚೆಗೆ ಸೋಶಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡ ಹಬ್ಬಗಳ ಆಚರಣೆಯ ಫೋಟೋಗಳಲ್ಲಿಯೂ ಕೂಡಾ ರಾಜ್‌ ಕುಂದ್ರಾ ಅವರು ಕಾಣಿಸಿಕೊಂಡಿಲ್ಲ.

  ಕುಟುಂಬದೊಂದಿಗೆ ರಾಜ್‌ ಕುಂದ್ರಾ ಅವರು ಉದ್ದೇಶಪೂರ್ವಕವಾಗಿ ಸುದ್ದಿಯಾಗಿರುವುದರಿಂದ ದೂರವಿದ್ದಾರೋ ಅಥವಾ ಬೇರೆ ಕಾರಣದಿಂದ ದೂರ ಇದ್ದಾರೋ ಎನ್ನುವ ಬಗ್ಗೆ ಅಭಿಮಾನಿಗಳಿಗೆ ಇನ್ನೂ ಸ್ಪಷ್ಟವಾಗಿಲ್ಲ.