ನಟನಾಗಲು ಆಸಕ್ತಿ ತೊರದ ಆರ್ಯನ್‌ - ಶಾರುಖ್‌ ಖಾನ್‌ ಪುತ್ರನ ಸ್ಟೋರಿ!

•   Mon, Oct 04 2021 04:12:16 PM



• ಮುಂಬೈ, ಅ.04 (DaijiworldNews/HR): ಬಾಲಿವುಡ್‌ನಲ್ಲಿ ಡ್ರಗ್ಸ್ ಪ್ರಕರಣ ಮತ್ತೆ ಸದ್ದು ಮಾಡಿದ್ದು, ಐಷಾರಾಮಿ ಹಡಗಿನಲ್ಲಿ ನಡೆಯುತ್ತಿದ್ದ ರೇವ್‌ ಪಾರ್ಟಿನಲ್ಲಿ ಪಾಲ್ಗೊಂಡಿದ್ದ ಬಾಲಿವುಡ್‌ ನಟ ಶಾರುಖ್‌ ಖಾನ್‌ ಅವರ ಪುತ್ರ ಆರ್ಯನ್‌ ಖಾನ್‌ ಸೇರಿದಂತೆ 8 ಜನರನ್ನು ಎನ್‌ಸಿಬಿ ಬಂಧಿಸಿದ್ದಾರೆ.

  

  ನಟ ಶಾರುಖ್‌ ಖಾನ್‌ ಹಾಗೂ ಗೌರಿ ಖಾನ್‌ ಅವರ ಪುತ್ರ ಆರ್ಯನ್‌ ಖಾನ್‌ (24)ಗೆ ತನ್ನ ತಂದೆ ದೊಡ್ಡ ನಟನಾದರೂ ತನಗೆ ನಟನೆಯಲ್ಲಿ ಆಸಕ್ತಿ ಇಲ್ಲ. ನಿರ್ದೇಕನಾಗಲು ಇಷ್ಟಎಂದು ಹೇಳಿದ್ದ.

  ಲಂಡನ್‌ನ ಸೆವೆನ್‌ ಓಕ್ಸ್‌ ಶಾಲೆಯಲ್ಲಿ ತನ್ನ ಪ್ರೌಢ ಶಿಕ್ಷಣವನ್ನು ಮುಗಿಸಿದ್ದ ಆರ್ಯನ್‌ ಖಾನ್‌ ದಕ್ಷಿಣ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದಲ್ಲಿ ಪದವಿ ಪಡೆದಿದ್ದ.

  ಇನ್ನು ಶಾರುಖ್‌ ಖ್ಯಾತ ನಟನಾಗಿದ್ದರೂ ಆರ್ಯನ್‌ ತನಗೆ ನಟನಾಗಲು ಇಷ್ಟವಿಲ್ಲ ಎಂದು ಆರ್ಯನ್‌ ಹೇಳಿದ್ದು, ಈ ವಿಷಯವನ್ನು ಸಂದರ್ಶನದ ವೇಳೆ ಬಹಿರಂಗ ಪಡಿಸಿದ್ದ ಶಾರುಖ್‌, "ನನ್ನ ಮಗ ನೋಡಲು ಸುಂದರವಾಗಿದ್ದಾನೆ ಆದರೆ ಆತನಿಗೆ ನಟನಾಗುವ ಹಂಬಲವಿಲ್ಲ. ಅವನೊಬ್ಬ ಒಳ್ಳೆಯ ಬರಹಗಾರ ಆಗಬಹುದು" ಎಂದಿದ್ದರು.