ಬಿಗ್‌ಬಾಸ್‌ ಮನೆಗೆ ಎಂಟ್ರಿ ಕೊಡಲಿದ್ದಾರೆ ರಿಯಾ ಚಕ್ರವರ್ತಿ?

•   Thu, Sep 30 2021 05:13:57 PM



• ಮುಂಬೈ, ಸೆ.30 (DaijiworldNews/PY): ಈ ವಾರದ ಆರಂಭದಲ್ಲಿ ನಟಿ ರಿಯಾ ಚಕ್ರವರ್ತಿ ಅಂಧೇರಿ ಸ್ಟುಡಿಯೋದಲ್ಲಿ ಕಾಣಿಸಿಕೊಂಡಿದ್ದು, ಅವರು ಬಿಗ್‌ ಬಾಸ್‌ 15ರಲ್ಲಿ ಕಾಣಿಸಿಕೊಳ್ಳಬಹುದು ಎನ್ನುವ ಬಗ್ಗೆ ಸುದ್ದಿ ಜೋರಾಗಿದೆ.

  

  ನಟ ಸುಶಾಂತ್‌ ಸಿಂಗ್‌ ರಜಪೂತ್‌‌‌‌ನ ಇಬ್ಬರು ಮಾಜಿ ಗೆಳತಿಯರಾದ ಅಂಕಿತಾ ಲೋಖಂಡೆ ಹಾಗೂ ರಿಯಾ ಚಕ್ರವರ್ತಿ ಬಿಗ್‌ಬಾಸ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವ ಬಗ್ಗೆ ಸುದ್ದಿ ವೈರಲ್‌ ಆಗಿತ್ತು.

  ಸೋಮವಾರ ಮಾಜಿ ಬಿಗ್‌ ಬಾಸ್‌‌ ಸ್ಪರ್ಧಿ ಡಾಲ್‌‌‌ಜಿಯತ್‌ ಕೌರ್‌‌ ಅಂಧೇರಿ ಸ್ಟುಡಿಯೋದಲ್ಲಿ ಕಾಣಿಸಿಕೊಂಡ ಬಳಿಕ ಬಿಗ್‌ಬಾಸ್‌ನಲ್ಲಿ ರಿಯಾ ಚಕ್ರವರ್ತಿ ಕಾಣಿಸಿಕೊಳದಳುವ ಬಗ್ಗೆ ಇನ್ನೂ ಚರ್ಚೆ ಜೋರಾಗಿದೆ.

  ಬಿಗ್‌ ಬಾಸ್‌ ಶೋನಲ್ಲಿ ಭಾಗವಹಿಸುವುದಕ್ಕಾಗಿ ಚೆಹ್ರೆ ನಟಿಗೆ ವಾರಕ್ಕೆ 35 ಲಕ್ಷ ರೂ. ಗಳನ್ನು ನೀಡಲಾಗಿದೆ ಎಂದು ಹೇಳಲಾಗಿದೆ. ಆದರೆ, ಯಾವುದನ್ನೂ ದೃಢಪಡಿಸಲಾಗಿಲ್ಲ.

  ಬಿಗ್‌ ಬಾಸ್‌ 13ರ ವಿಜೇತರಾದ ನಟ ಸಿದ್ದಾರ್ಥ್‌ ಶುಕ್ಲಾ ಅವರು ಕಾರ್ಯಕ್ರಮದಲ್ಲಿ ಎರಡು ಭಾಗವಹಿಸಿ ವಾಸ್ತವ್ಯ ಮಾಡಿದ್ದಕ್ಕೆ ಸುಮಾರು 30-40 ಲಕ್ಷ ರೂ. ಗಳನ್ನು ಪಡೆದಿದ್ದಾರೆ ಎಂದು ವರದಿಯಾಗಿದೆ.

  ಅಕ್ಟೋಬರ್‌ 2ರಂದು ಬಿಗ್‌ಬಾಸ್‌ನ 15ನೇ ಸೀಸನ್‌‌ ಪ್ರಾರಂಭವಾಗಲಿದ್ದು, ಶಮಿತಾ ಶೆಟ್ಟಿ, ನಿಶಾಂತ್‌ ಭಟ್‌‌, ಡೊನಾಲ್‌ ಬಿಶ್ತ್‌‌ ಹಾಗೂ ಪ್ರತೀಕ್‌ ಸೆಹಜ್ಪಾಲ್‌ ಹಾಗೂ ಕೆಲವರ ಹೆಸರುಗಳನ್ನ ಈಗಾಗಲೇ ದೃಢಪಡಿಸಲಾಗಿದೆ. ಸ್ಪರ್ಧಿಗಳ ಸಂಪೂರ್ಣ ಪಟ್ಟಿ ಇನ್ನೂ ಬಹಿರಂಗವಾಗಿಲ್ಲ.