Entertainment
ಸೈಮಾ 2021: ದಿಯಾ ಚಿತ್ರಕ್ಕಾಗಿ ಅತ್ಯುತ್ತಮ ಚೊಚ್ಚಲ ನಟ ಪ್ರಶಸ್ತಿ ಪಡೆದ ಪೃಥ್ವಿ ಅಂಬರ್‌
- Mon, Sep 20 2021 06:04:09 PM
-
ಹೈದರಾಬಾದ್‌, ಸೆ.20 (DaijiworldNews/PY): ಪ್ರತಿಷ್ಠಿತ ದಕ್ಷಿಣ ಭಾರತೀಯ ಅಂತರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ (ಸೈಮಾ) ಪ್ರದಾನ ಸಮಾರಂಭ ನಡೆದಿದ್ದು, ದಿಯಾ ಚಿತ್ರದಲ್ಲಿನ ನಟನೆಗಾಗಿ ಕೋಸ್ಟಲ್‌ವುಡ್‌ ಹಾಗೂ ಸ್ಯಾಂಡಲ್‌ವುಡ್‌ ನಟ ಪೃಥ್ವಿ ಅಂಬರ್‌ ಅವರು ಅತ್ಯುತ್ತಮ ನಟ (ಚೊಚ್ಚಲ ಸಿನಿಮಾ) ಪ್ರಶಸ್ತಿ ಪಡೆದುಕೊಂಡಿದ್ದಾರೆ.
ದಿಯಾ 2020ರಲ್ಲಿ ಬಿಡುಗಡೆಯಾದ ಸಿನಿಮಾವಾಗಿದ್ದು, ಕೆ.ಎಸ್‌ ಅಶೊಖ್‌ ನಿರ್ದೇಶಿಸಿದ್ದಾರೆ. ಶ್ರೀ ಕೃಷ್ಣ ಸ್ವರ್ಣಲತಾ ಪ್ರೊಡಕ್ಷನ್ಸ್ ಬ್ಯಾನರ್ ಅಡಿಯಲ್ಲಿ ಡಿ ಕೃಷ್ಣ ಚೈತನ್ಯ ನಿರ್ಮಿಸಿದ್ದಾರೆ.
ದಿಯಾ ಸಿನಿಮಾದಲ್ಲಿ ದೀಕ್ಷಿತ್‌ ಶೆಟ್ಟಿ ಹಾಗೂ ಖುಷಿ ರವಿ ಜೊತೆ ಪೃಥ್ವಿ ಅಂಬರ್‌ ನಾಯಕನಾಗಿ ನಟಿಸಿದ್ದಾರೆ. ದಿಯಾ ಹಿಂದಿ ರಿಮೇಕ್‌ನಲ್ಲೂ ಕೂಡಾ ಪೃಥ್ವಿ ಅವರು ನಟಿಸಿದ್ದಾರೆ. ತೆಲುಗಿನಲ್ಲಿ ಈ ಸಿನಿಮಾ ರೀಮೇಕ್‌ ಮಾಡಲಾಗಿದೆ.
ಪೃಥ್ವಿ ಅಂಬರ್‌ ಅವರು, ಪಿಲಿಬೈಲ್‌ ಯಮುನಕ್ಕಾ, ಎನ್ನಾ ಹಾಗೂ ಇತ್ತೀಚೆಗೆ ಬಿಡುಗಡೆಯಾದ ಇಂಗ್ಲಿಷ್‌ ತುಳು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ದಿಯಾ ಸಿನಿಮಾ ಮೂಲಕ ಸಿನಿ ಪ್ರೇಕ್ಷಕರ ಮನಗೆದ್ದ ಪೃಥ್ವಿ ಅಂಬರ್‌ ಅವರಿಗೆ ಸಾಲು ಸಾಲು ಚಿತ್ರಗಳ ಆಫರ್‌ ಬರುತ್ತಿವೆ.
ದಾಯ್ಜಿವಲ್ಡ್ ಜೊತೆ ಮಾತನಾಡಿದ ಪೃಥ್ವಿ ಅಂಬರ್‌, "ನನಗೆ ತುಂಭಾ ಖುಷಿಯಾಗಿದೆ. ದಿಯಾ ಚಿತ್ರದ ನಟನೆಗಾಗಿ ನನಗೆ ಅತ್ಯುತ್ತಮ ಚೊಚ್ಚಲ ನಟ ಪ್ರಶಸ್ತಿ ಬಂದಿದ್ದು ಸೋಜಿಗವೆನಿಸಿದೆ. ಓರ್ವ ನಟನಿಗೆ ಚೊಚ್ಚಲ ಪ್ರಶಸ್ತಿ ಯಾವಾಗಲೂ ವಿಶೇಷವಾದದ್ದು. ಅಂತಿಮವಾಗಿ ದಿಯಾ ಚಿತ್ರದ ನಟನೆಗಾಗಿ ನನಗೆ ಈ ಪ್ರಶಸ್ತಿ ಲಭಿಸಿದೆ. ಪ್ರಸ್ತುತ ನಾನು ಆರು ಸಿನಿಮಾಗಳಲ್ಲಿ ಕೆಲಸ ಮಾಡುತ್ತಿದ್ದೇನೆ" ಎಂದಿದ್ದಾರೆ.
ಚಾನಲ್ ಫಾಲೋ ಮಾಡಿ
