ನಟಿ ಶೃತಿ ಹುಟ್ಟುಹಬ್ಬಕ್ಕೆ 'ಭಜರಂಗಿ 2' ಸಿನಿಮಾದ ಖಡಕ್​ ಲುಕ್​ನ ಪೋಸ್ಟರ್​ ರೀಲಿಸ್

•   Sat, Sep 18 2021 04:51:01 PM



• ಬೆಂಗಳೂರು, ಸ. 18 (DaijiworldNews/HR): 90ರ ದಶಕದಿಂದ ಇಂದಿನವರೆಗೂ ಸ್ಯಾಂಡಲ್‌ವುಡ್‌ನಲ್ಲಿ ಸಕ್ರಿಯರಾಗಿರುವ ಹಿರಿಯ ನಟಿ ಶ್ರುತಿ ಅವರು ಅನೇಕ ಸೂಪರ್​ ಹಿಟ್​ ಸಿನಿಮಾಗಳನ್ನು ನೀಡಿದ್ದು, ಇದೀಗ 'ಭಜರಂಗಿ 2' ಸಿನಿಮಾದಲ್ಲಿ ಅವರಿಗೆ ಖಡಕ್​ ಲುಕ್​ ನೀಡಲಾಗಿದ್ದು, ಅದರ ಫಸ್ಟ್​ಲುಕ್​ ಬಿಡುಗಡೆ ಆಗಿದೆ.

  

  ಶ್ರುತಿ ಅವರು ಈ ಹಿಂದೆ ಕಾಣಿಸಿಕೊಳ್ಳದ ರೀತಿಯಲ್ಲಿ 'ಭಜರಂಗಿ 2' ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಒಂದು ಕ್ಷಣ ಅವರ ಪಾತ್ರದ ಗೆಟಪ್​ ನೋಡಿದರೆ ಭಯ ಹುಟ್ಟಿಸುವಂತಿದೆ.

  ಮೈ ತುಂಬ ಬಗೆಬಗೆಯ ಆಭರಣಗಳನ್ನು ಧರಿಸಿ, ಕೈಯಲ್ಲಿ ಚುಟ್ಟ ಹಿಡಿದು, ಖಡಕ್​ ಆಗಿ ಶ್ರುತಿ ಪೋಸ್​ ನೀಡಿದ್ದು, ಶಿವರಾಜ್​ ಕುಮಾರ್​ ನಾಯಕತ್ವದ ಈ ಚಿತ್ರದಲ್ಲಿ ಶ್ರುತಿ ಪಾತ್ರ ಹೇಗೆ ಮೂಡಿಬಂದಿರಬಹುದು ಎಂಬುದನ್ನು ನೋಡಲು ಅಭಿಮಾನಿಗಳು ಕಾಯುತ್ತಿದ್ದಾರೆ.

  ಇನ್ನು ಈ ಸಿನಿಮಾವನ್ನು ಎ. ಹರ್ಷ ನಿರ್ದೇಶನ ಮಾಡಿದ್ದು, ಜಯಣ್ಣ-ಭೋಗೇಂದ್ರ ನಿರ್ಮಾಣ ಮಾಡಿದ್ದಾರೆ. ಅರ್ಜುನ್​ ಜನ್ಯ ಸಂಗೀತ ನೀಡಿದ್ದಾರೆ. ಈಗಾಗಲೇ ಪೋಸ್ಟರ್​ ಮತ್ತು ಟೀಸರ್​ಗಳ ಮೂಲಕ ಚಿತ್ರದ ಮೇಲೆ ಭಾರಿ ನಿರೀಕ್ಷೆ ಮೂಡುವಂತಾಗಿದೆ.