ರೆಟ್ರೋ ಕಾಲದ ಕಥೆಗೆ ಆಧುನಿಕತೆಯ ಟಚ್​ ಕೊಟ್ಟ ​'ಡೇರ್​ಡೆವಿಲ್​ ಮುಸ್ತಾಫಾ' ಟೀಸರ್

•   Fri, Sep 10 2021 04:30:41 PM



• ಬೆಂಗಳೂರು, ಸ.10 (DaijiworldNews/HR) : ಹೊಸ ಕನ್ನಡ ಸಾಹಿತ್ಯ ಲೋಕದಲ್ಲಿ ತಮ್ಮದೇ ಛಾಪು ಮೂಡಿಸಿದ ತೇಜಸ್ವಿಯವರ ಹುಟ್ಟುಹಬ್ಬದ ಪ್ರಯುಕ್ತ 'ಡೇರ್​ಡೆವಿಲ್​ ಮುಸ್ತಾಫಾ' ಸಿನಿಮಾದ ಟೀಸರ್​ ಬಿಡುಗಡೆ ಆಗಿದೆ.

  

  ತೇಜಸ್ವಿ ಅವರು ಬರೆದ ಡೇರ್​ಡೆವಿಲ್​ ಮುಸ್ತಾಫಾ ಹೆಸರಿನ ಸಣ್ಣ ಕಥೆ ಆಧರಿಸಿ ಈ ಚಿತ್ರ ಸಿದ್ಧವಾಗುತ್ತಿದ್ದು, ಇದರ ಟೀಸರ್​ಗೆ ಸಿನಿಪ್ರಿಯರಿಂದ ಮೆಚ್ಚುಗೆ ಸಿಗುತ್ತಿದೆ. ರೆಟ್ರೋ ಕಾಲದ ಕಥೆಗೆ ಆಧುನಿಕತೆಯ ಟಚ್​ ನೀಡುವ ರೀತಿಯಲ್ಲಿ ಈ ಟೀಸರ್​ ತಯಾರಾಗಿದೆ ಎನ್ನಲಾಗಿದೆ.

  ಈ ಸಿನಿಮಾವನ್ನು ಶಶಾಂಕ್​ ಸೋಗಾಲ್​ ನಿರ್ದೇಶನ ಮಾಡುತ್ತಿದ್ದು, ಸಾಹಿತ್ಯವನ್ನು ನಿರ್ದೇಶಕರೇ ರಚಿಸಿದ್ದು, ಅದಕ್ಕೆ ಅಚ್ಚುಕಟ್ಟಾಗಿ ನವನೀತ್​ ಶಾಮ್​ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಗ್ರಾಫಿಕ್ಸ್​ ಮತ್ತು ಆ್ಯನಿಮೇಷನ್​ ಜವಾಬ್ದಾರಿಯನ್ನು ವಿಶಾಲ್​ ನಿಭಾಯಿಸಿದ್ದಾರೆ. ಎಲ್ಲರ ಟೀಮ್​ ವರ್ಕ್​ ಫಲವಾಗಿ ‘ಡೇರ್​ಡೆವಿಲ್​’ ಮುಸ್ತಾಫಾ ಟೀಸರ್​ ಆಕರ್ಷಕವಾಗಿ ಮೂಡಿಬಂದಿದೆ.

  ಇನ್ನು ಪುನೀತ್ ರಾಜ್​ಕುಮಾರ್​ ಅವರ ಪಿಆರ್​ಕೆ ಆಡಿಯೋ ಮೂಲಕ ಟೀಸರ್​ ಬಿಡುಗಡೆ ಆಗಿದ್ದು ಸಖತ್ ಸದ್ದು ಮಾಡುತ್ತಿದೆ.

  ಈ ಸಿನಿಮಾದಲ್ಲಿ ಆದಿತ್ಯ ಆಶ್ರೀ, ಅಭಯ್​, ಸುಪ್ರೀತ್​ ಭಾರದ್ವಜ್​, ಆಶಿತ್​, ಶ್ರೀವತ್ಸ, ಪ್ರೇರಣಾ, ಎಂಎಸ್​ ಉಮೇಶ್​, ಮಂಡ್ಯ ರಮೇಶ್​, ಮೈಸೂರು ಆನಂದ್​, ಸುಂದರ್​ ವೀಣಾ, ಹರಿಣಿ, ನಾಗಭೂಷಣ, ಪೂರ್ಣಚಂದ್ರ ಮೈಸೂರು, ವಿಜಯ್​ ಶೋಭರಾಜ್​, ಚೈತ್ರಾ ಶೆಟ್ಟಿ, ಕಾರ್ತಿಕ್​ ಪತ್ತಾರ್​, ಕೃಷ್ಣೇಗೌಡ, ಮಹಾದೇವ ನಟಿಸಿದ್ದಾರೆ.