'ತಲೈವಿಯ ಪಾತ್ರಕ್ಕೆ ನನ್ನ ಆಯ್ಕೆ ಮಾಡಿ ನಿರ್ದೇಶಕರು ತಪ್ಪು ಮಾಡಿದ್ದಾರೆ ಎಂದು ಅನಿಸಿತ್ತು' - ಕಂಗನಾ

•   Wed, Sep 08 2021 04:25:52 PM



• ಮುಂಬೈ, ಸ. 08 (DaijiworldNews/HR): ಸೆಪ್ಟೆಂಬರ್ 10 ಬಾಲಿವುಡ್ ನಟಿ ಕಂಗನಾ ರಣಾವತ್​ ನಟನೆಯ ‘ತಲೈವಿ’ ಸಿನಿಮಾ ಬಿಡುಗಡೆ​ ಆಗುತ್ತಿದ್ದು, ಈ ಸಿನಿಮಾ ಜಯಲಲಿತಾ ಬಯೋಪಿಕ್​ ಎನ್ನುವ ಕಾರಣಕ್ಕೆ ಬಹಳ ಮಹತ್ವ ಪಡೆದುಕೊಂಡಿದ್ದು, ಸಿನಿಮಾ ರಿಲೀಸ್​ಗೆ ದಿನಗಳು ಹತ್ತಿರವಾಗುತ್ತಿದ್ದಂತೆ ಕಂಗನಾ ಅಚ್ಚರಿಯ ಹೇಳಿಕೆ ನೀಡಿದ್ದಾರೆ.

  

  ಈಗಾಗಲೇ ರಿಲೀಸ್​ ಆಗಿರುವ ಸಿನಿಮಾದ ಪೋಸ್ಟರ್​, ಟ್ರೇಲರ್​ ಚಿತ್ರದ ಬಗ್ಗೆ ಸಾಕಷ್ಟು ನಿರೀಕ್ಷೆ ಹುಟ್ಟುಹಾಕಿದ್ದು, ಜಯಲಲಿತಾ ಪಾತ್ರವನ್ನು ಕಂಗನಾ ನಿರ್ವಹಿಸಿದ್ದಾರೆ. ಸಿನಿಮಾದಲ್ಲಿ ಜಯಲಲಿತಾ ರೀತಿಯಲ್ಲೇ ಕಂಗನಾ ಕಾಣುತ್ತಿದ್ದು, ಆರಂಭದಲ್ಲಿ ಕಂಗನಾಗೆ ಈ ನಂಬಿಕೆ ಇರಲಿಲ್ಲ. ನಿರ್ದೇಶಕರು ತಪ್ಪು ಮಾಡಿದರು ಎಂದು ಅವರಿಗೆ ಅನಿಸಿತ್ತು.

  ಇನ್ನು ತಲೈವಿಯ ಪಾತ್ರಕ್ಕೆ ನನ್ನ ಆಯ್ಕೆ ಮಾಡಿ ನಿರ್ದೇಶಕರು ತಪ್ಪು ಮಾಡಿದರು ಎಂದು ನನಗೆ ಅನ್ನಿಸಿದ್ದು, ನಾನು ಈ ಪಾತ್ರಕ್ಕೆ ಸೂಕ್ತಳಲ್ಲ ಎಂದೇ ಭಾವಿಸಿದ್ದೆ. ನಾನು ಜಯಲಲಿತಾ ರೀತಿಯಲ್ಲಿ ಕಾಣದಿದ್ದರೆ ತಮಿಳುನಾಡಿನ ಜನ ನನ್ನ ವಿರುದ್ಧ ಧಂಗೆ ಏಳುತ್ತಾರೆ ಎಂಬ ಎನ್ನುವ ಭಯದಲ್ಲಿಯೂ ಇದ್ದೆ" ಎಂದಿದ್ದಾರೆ ಕಂಗನಾ.

  ಈ ಸಿನಿಮಾದಲ್ಲಿ ಎಂ.ಜಿ.ಆರ್​. ಪಾತ್ರದಲ್ಲಿ ಅರವಿಂದ್​ ಸ್ವಾಮಿ ನಟಿಸಿದ್ದು, ಕರುಣಾನಿಧಿ ಪಾತ್ರದಲ್ಲಿ ಪ್ರಕಾಶ್ ರಾಜ್​ ಬಣ್ಣ ಹಚ್ಚಿದ್ದಾರೆ.