ಪೃಥ್ವಿ ಅಂಬರ್‌-ಮಾನ್ವಿತಾ ಕಾಮತ್‌ ಜೋಡಿಯ 'ಹ್ಯಾಪಿಲಿ ಮ್ಯಾರೀಡ್‌' ಚಿತ್ರ ತೆರೆಗೆ

•   Thu, Sep 02 2021 04:39:27 PM



• ಬೆಂಗಳೂರು, ಸ. 02 (DaijiworldNews/HR): ನಟ ಪೃಥ್ವಿ ಅಂಬರ್‌ ಹಾಗೂ ನಟಿ ಮಾನ್ವಿತಾ ಕಾಮತ್‌ ಸಿನಿಮಾದಲ್ಲಿ ಮೊದಲ ಬಾರಿಗೆ ಜೋಡಿಯಾಗಿ ಕಾಣಿಸಿಕೊಳ್ಳುತ್ತಿದ್ದು, ಈ ಸಿನಿಮಾಗೆ 'ಹ್ಯಾಪಿಲಿ ಮ್ಯಾರೀಡ್‌' ಎಂದು ಹೆಸರಿಡಲಾಗಿದೆ.

  

  ನಿರ್ದೇಶಕ ಅರುಣ್‌ ಕುಮಾರ್‌. ಎಂ ಮತ್ತು ಸಬು ಅಲೋಷಿಯಸ್‌ ಜಂಟಿಯಾಗಿ ನಿರ್ದೇಶನ ಮಾಡುತ್ತಿರುವ 'ಹ್ಯಾಪಿಲಿ ಮ್ಯಾರೀಡ್‌' ಚಿತ್ರಕ್ಕೆ 'ಫ್ರೈಡೇ ಫಿಲಂಸ್‌' ಬ್ಯಾನರ್‌ನಲ್ಲಿ ಲೋಹಿತ್‌ ಹೆಚ್‌. ಬಂಡವಾಳ ಹೂಡಿ ನಿರ್ಮಿಸುತ್ತಿದ್ದಾರೆ.

  ಇನ್ನು 'ಸಿಲ್ವರ್‌ಟ್ರೈಲ್‌ ಇಂಟರ್‌ನ್ಯಾಶನಲ್‌’ ಮತ್ತು 'ಟಿನಿ ಹ್ಯಾಂಡ್ಸ್‌ ಪ್ರೊಡಕ್ಷನ್ಸ್‌' ಬ್ಯಾನರ್‌ ಸಹಯೋಗದೊಂದಿಗೆ ನಿರ್ಮಾಣವಾಗುತ್ತಿರುವ ಈ ಸಿನಿಮಾಗೆ ಬಿ. ಜಿ ಅರುಣ್‌, ಜೋಸ್‌ಕುಟ್ಟಿ ಮದತ್ತಿಲ್‌ ಮತ್ತು ರಂಜಿತ್‌ ಮನಂಬರಕ್ಕಟ್‌ ಅವರದ್ದು ಕೂಡ ನಿರ್ಮಾಣವಿದೆ.

  ಲವ್‌ಕಂ ಫ್ಯಾಮಿಲಿ ಥ್ರಿಲ್ಲರ್‌ ಶೈಲಿಯಲ್ಲಿ 'ಹ್ಯಾಪಿಲಿ ಮ್ಯಾರೀಡ್‌' ಚಿತ್ರ ತೆರೆಗೆ ಬರುತ್ತಿದ್ದು, ಮನುಷ್ಯನಲ್ಲಿರುವ ಒಳಿತು-ಕೆಡುಕುಗಳನ್ನು ತೆರೆದಿಡುತ್ತಾ ಸಾಗುತ್ತದೆ.

  ಈ ಸಿನಿಮಾದಲ್ಲಿ ಪೃಥ್ವಿ ಅಂಬಾರ್‌ ಹಾಗೂ ಮಾನ್ವಿತಾ ಕಾಮತ್‌ ಅವರೊಂದಿಗೆ ಧರ್ಮಣ್ಣ ಕಡೂರ್‌, ಶ್ರೀಜಿತ್‌ ರವಿ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ.