Entertainment
ರಾಖಿ ಸಾವಂತ್‌ಗೆ ಕಚ್ಚಿದ ನಾಯಿ - 'ಈಗ ನಾನು ನಾಯಿಯನ್ನು ಕಚ್ಚುತ್ತೇನೆ' ಎಂದ ನಟಿ
- Thu, Aug 26 2021 04:14:05 PM
-
ಮುಂಬೈ, ಆ 26 (DaijiworldNews/PY): ಸೋಶಿಯಲ್‌ ಮೀಡಿಯಾದಲ್ಲಿ ಸದಾ ಸದ್ದು ಮಾಡುವ ನಟಿ ರಾಖಿ ಸಾವಂತ್‌ ತಮಗೆ ನಾಯಿ ಕಚ್ಚಿದೆ ಎಂದು ಹೇಳಿಕೊಂಡಿದ್ದಾರೆ. ರಾಖಿ ಸಾವಂತ್‌ ಅವರ ಹಿಂದೆ ನಾಯಿ ಬರುತ್ತಿರುವ ವಿಡಿಯೋ ಕೂಡಾ ವೈರಲ್‌ ಆಗಿದೆ.
ರಾಖಿ ಸಾವಂತ್‌ ಅವರು ಬಿಗ್‌ಬಾಸ್‌ನ ಓಟಿಟಿ ಶೋ ಗೆ ವಿಶೇಷ ಅತಿಥಿಯಾಗಿ ಆಗಮಿಸಿದ್ದರು. ಈ ಸಂದರ್ಭ ದೊಡ್ಡದಾದ ಗೌನ್‌ ಧರಿಸಿ ವ್ಯಾನಿಟಿ ವ್ಯಾನ್‌ನಿಂದ ಹೊರಬಂದ ರಾಖಿ ಅವರ ಹಿಂದೆ ನಾಯಿ ಬರುತ್ತಿತ್ತು. ಈ ವೇಳೆ ಅವರು ಅಯ್ಯೋ ನಾಯಿ ಕಚ್ಚಬಹುದು ಅದನ್ನು ಓಡಿ ಎಂದು ಹೇಳುತ್ತಿರುವುದು ವಿಡಿಯೋದಲ್ಲಿ ಕಾಣಬಹುದು. ನಂತರ ರಾಖಿ ಸಾವಂತ್‌ ಅವರು ಸುರಕ್ಷಿತವಾಗಿ ಸ್ಟುಡಿಯೋಗೆ ತಲುಪಿದ್ದಾರೆ.
ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, "ನನ್ನ ಕಾಲಿಗೆ ನಾಯಿ ಕಚ್ಚಿದೆ. ಅರೆ ನನಗೆ ಏನಾಗುತ್ತಿದೆ. ಕೊರೊನಾಕ್ಕಾಗಿ ಇಂಜೆಕ್ಷನ್‌, ಕೆಲವೊಮ್ಮೆ ಡಿ3, ಇಮ್ಯುನಿಟಿ. ಇದೀಗ ನಾಯಿ ಕಚ್ಚಿದ್ದಕ್ಕಾಗಿ ಇಂಜೆಕ್ಷನ್‌. ನಾಯಿ ಕಚ್ಚಿದ ಕಾರಣ ಇಂಜೆಕ್ಷನ್‌ ತೆಗೆದುಕೊಳ್ಳಬೇಕಿದೆ. ಆ ನಾಯಿಯನ್ನು ಈಗ ನಾನು ಕಚ್ಚುತ್ತೇನೆ" ಎಂದು ಹೇಳಿದ್ದಾರೆ.
ಚಾನಲ್ ಫಾಲೋ ಮಾಡಿ
