ಸ್ಟಾರ್ ಗಿರಿಗೂ ಕ್ಯಾರೇ ಎನ್ನದೇ ಸಲ್ಮಾನ್ ತಡೆದ ಅಧಿಕಾರಿ - ನೆಟ್ಟಿಗರಿಂದ ಶಹಭಾಷ್

•   Fri, Aug 20 2021 10:50:20 AM



• ಮುಂಬೈ, ಆ 20 (DaijiworldNews/MS): ಸಲ್ಲು ಭಾಯ್ ಅಂದ್ರೆ ಸುಮ್ಮನೇನಾ ತನ್ನದೇ ಸ್ಟಾರ್ ಗಿರಿ ಬೆಳೆಸಿಕೊಂಡ ನಟ. ಹೀಗಾಗಿ ಬಾಲಿವುಡ್ ಸೂಪರ್‌ಸ್ಟಾರ್ ಸಲ್ಮಾನ್ ಖಾನ್ ಎಲ್ಲೇ ಹೋದ್ರೂ ಅಭಿಮಾನಿಗಳು ಅವರ ಸುತ್ತಮುತ್ತ ಮುತ್ತಿಕೊಳ್ಳುತ್ತಾರೆ. ಸದ್ಯ ಟೈಗರ್ 3 ಚಿತ್ರದಲ್ಲಿ ತೊಡಗಿಸಿಕೊಂಡಿರುವ ಸಲ್ಮಾನ್ ಇದರ ಚಿತ್ರೀಕರಣಕ್ಕಾಗಿ ಶುಕ್ರವಾರ ರಷ್ಯಾಕ್ಕೆ ತೆರಳಿದ್ದಾರೆ. ಇಂದು ಬೆಳಗ್ಗೆ ಮುಂಬೈ ವಿಮಾನ ನಿಲ್ದಾಣದಲ್ಲಿರಷ್ಯಾಕ್ಕೆ ತೆರಳುವ ವೇಳೆ ಸಲ್ಮಾನ್ ಖಾನ್ ಅವರೊಂದಿಗೆ ಸಿಐಎಸ್‌ಎಫ್ ಅಧಿಕಾರಿಯೊಬ್ಬರು ಅವರೊಂದಿಗೆ ವರ್ತಿಸಿದ ರೀತಿ ಸಾಮಾಜಿಕ ಮಾಧ್ಯಮದಲ್ಲಿ ಎಲ್ಲ ಪ್ರೀತಿಯನ್ನು ಗೆಲ್ಲುತ್ತಿದೆ.

  

  ಸಲ್ಮಾನ್ ಖಾನ್ ರ ಸ್ಟಾರ್‌ಡಮ್ ಎಂತವರನ್ನಾದರೂ ಅಳುಕುವಂತೆ ಮಾಡಬಹುದು. ಆದರೆ ನಟ ಏರ್‌ಪೋರ್ಟ್‌ಗೆ ಹೋಗುತ್ತಿದ್ದಾಗ, ಸಿಐಎಸ್‌ಎಫ್ ಅಧಿಕಾರಿಯು ಕಡ್ಡಾಯ ಭದ್ರತಾ ತಪಾಸಣೆಗಾಗಿ ಅವರನ್ನು ತಡೆದಿದ್ದಾರೆ.

  ಪಾಪಾರಾಜಿಗಳು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ವಿಡಿಯೋದಲ್ಲಿ , ನಟ ಸಲ್ಮಾನ್ ಖಾನ್ ಗೂ ಬಿಡದೆ ಸಿಐಎಸ್‌ಎಫ್ ಅಧಿಕಾರಿ ಕಡ್ದಾಯ ತಪಾಸಣೆಗೊಳಪಡಿಸಿದ್ದು ಕಾಣಬಹುದಾಗಿದೆ. ಸದ್ಯ ಈ ದೃಶ್ಯಾವಳಿ ವೈರಲ್ ಆಗುತ್ತಿದೆ. ವಿಮಾನ ನಿಲ್ದಾಣದಲ್ಲಿ ಸಲ್ಮಾನ್ ಉಪಸ್ಥಿತಿಯಿಂದ ಗದ್ದಲಗಳಾದರೂ , ಕೇಂದ್ರ ಕೈಗಾರಿಕಾ ಭದ್ರತಾ ಪಡೆ ಅಧಿಕಾರಿಯು ಅದನ್ನು ಗಣನೆಗೆ ತೆಗೆದುಕೊಳ್ಳದೆ , ಅಥವಾ ಅಧಿಕಾರಿ ಸಲ್ಮಾನ್‌ನ ಸ್ಟಾರ್ ಗಿರಿಗೆ ಬಗ್ಗೆ ಚಿಂತಿಸದೆ ತನ್ನ ಕರ್ತವ್ಯವನ್ನು ಸಮರ್ಪಕವಾಗಿ ನಿರ್ವಹಿಸಿದ್ದಾರೆ.

  ನೆಟ್ಟಿಗರು ಸಿಐಎಸ್‌ಎಫ್ ಅಧಿಕಾರಿಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದು ಅವರಲ್ಲಿ ಕೆಲವರು, ಅಧಿಕಾರಿಯನ್ನು ನಿಜವಾದ 'ಸ್ಟಾರ್' ಎಂದು ಕರೆದಿದ್ಡಾರೆ.

  View this post on Instagram

  A post shared by Viral Bhayani (@viralbhayani)