ಶೀಘ್ರವೇ ಸೆಟ್ಟೇರಲಿದೆ 'ಬಿರ್ದ್‌ದ ಕಂಬುಲ' ಸಿನಿಮಾ

•   Thu, Aug 12 2021 05:01:50 PM



• ಮಂಗಳೂರು, ಆ 12 (DaijiworldNews/PY): ಖ್ಯಾತ ನಿರ್ದೇಶಕ ಎಸ್‌ ವಿ ಬಾಬು ರಾಜೇಂದ್ರ ಸಿಂಗ್‌‌‌‌ ಅವರ ನಿರ್ದೇಶನದಲ್ಲಿ ತುಳುನಾಡಿನ ಆಚಾರ, ವಿಚಾರ, ಸಂಪ್ರದಾಯಗಳು ಒಳಗೊಂಡ ಯುವ ಉದ್ಯಮಿ ಅರುಣ್‌ ರೈ ತೋಡಾರ್‌ ಅವರ ಎ.ಆರ್‌ ಪ್ರೊಡಕ್ಷನ್‌‌‌ ನಿರ್ಮಾಣದಲ್ಲಿ 'ಬಿರ್ದ್‌ದ ಕಂಬುಲ' ಸಿನಿಮಾ ಶೀಘ್ರವೇ ಸೆಟ್ಟೇರಲಿದೆ.

  

  ಈ ಬಗ್ಗೆ ಮಂಗಳವಾರ ನಗರದಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, "ಕರಾವಳಿ ಫಿಲ್ಮ್‌‌ ಸಿಟಿ ಮಾಡುವ ಎಲ್ಲಾ ಅವಕಾಶಗಳಿವೆ. ಸಿನಿಮಾ ಕಂಬಳದ ಕಡಂಬರೆಂದೇ ಖ್ಯಾತರಾದ ಗುಣಪಾಲ ಕಡಂಬರ ಅವರ ಮಾರ್ಗದರ್ಶನದಲ್ಲಿ ನಿರ್ಮಾಣವಾಗಲಿದೆ. ಚಿತ್ರಕ್ಕೆ ತುಳು ರಂಗಭೂಮಿಯ ವಿಜಯ್‌ ಕುಮಾರ್‌‌‌ ಕೊಡಿಯಾಲಬೈಲು ಅವರು ಸಂಭಾಷಣೆ ಬರೆಯಲಿದ್ದಾರೆ. ಸಿನಿಮಾವನ್ನು ತಮಿಳು ಸೇರಿದಂತೆ ತೆಲುಗು, ಹಿಂದಿ ಭಾಷೆಗೆ ಡಬ್ಬಿಂಗ್‌ ಮಾಡುವ ಉದ್ದೇಶವಿದೆ" ಎಂದು ಹೇಳಿದ್ದಾರೆ.

  "ಶೀರ್ಷಿಕೆಯನ್ನು ಶ್ರೀ ಕ್ಷೇತ್ರ ಸುಬ್ರಹ್ಮಣ್ಯದಲ್ಲಿ ಸಚಿವ ಅಂಗಾರ ಅವರು ಬಿಡುಗಡೆ ಮಾಡಿದ್ದು, ಸಿನಿಮಾದ ಚಿತ್ರೀಕರಣವು ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ ವಿರೇಂದ್ರ ಹೆಗ್ಗಡೆ ಅವರ ಆಶೀರ್ವಾದದೊಂದಿಗೆ ಪ್ರಾರಂಭವಾಗಲಿದೆ. ಚಿತ್ರೀಕರಣ ಡಿಸೆಂಬರ್‌ನಲ್ಲಿ ಪೂಣಗೊಳ್ಳುವ ನಿರೀಕ್ಷೆ ಇದೆ. ಖ್ಯಾತ ನಟ-ನಟಿಯರ ಸಮ್ಮಿಲನದೊಂದಿಗೆ ತುಳು, ಕನ್ನಡ ರಂಗಭೂಮಿಯ ಕಲಾವಿದರನ್ನು ಬಳಸಿ ಸಿನಿಮಾ ಮಾಡುವ ಆಶಯ ನಮ್ಮದು" ಎಂದು ತಿಳಿಸಿದ್ದಾರೆ.