ಹಾಕಿಯಲ್ಲಿ ಭಾರತಕ್ಕೆ ಕಂಚು - 'ಇದು ನಿಜವಾದ ಚಕ್‌ದೇ' ಎಂದು ಸಂಭ್ರಮಿಸಿದ ಬಾಲಿವುಡ್‌ ತಾರೆಯರು

•   Thu, Aug 05 2021 04:52:11 PM



• ಮುಂಬೈ, ಆ 05 (DaijiworldNews/PY): ಟೋಕಿಯೊ ಒಲಿಂಪಿಕ್ಸ್‌ನ ಹಾಕಿ ಪಂದ್ಯದಲ್ಲಿ ಪುರುಷರ ವಿಭಾಗದ ಭಾರತ ತಂಡ ಕಂಚು ಗೆದ್ದಿದ್ದಕ್ಕಾಗಿ ಬಾಲಿವುಡ್‌‌ ತಾರೆಯರು ಸಂಭ್ರಮಿಸಿದ್ದು, "ಇದು ನಿಜವಾದ ಚಕ್‌ದೇ" ಎಂದಿದ್ದಾರೆ.

  

  ಸಾಮಾಜಿಕ ಜಾಲತಾಣದಲ್ಲಿ ಭಾರತೀಯ ಕ್ರೀಡಾಪಟುಗಳಿಗೆ ಶಾರುಖ್‌ ಖಾನ್‌, ಅಕ್ಷಯ್‌‌ ಕುಮಾರ್‌, ತಾಪ್ಸಿ ಸೇರಿದಂತೆ ಹಲವಾರು ಮಂದಿ ಅಭಿನಂದನೆ ತಿಳಿಸಿದ್ದು, ಗೆಲುವನ್ನು ಸಂಭ್ರಮಿಸಿದ್ದಾರೆ.

  ಈ ಬಗ್ಗೆ ಟ್ವೀಟ್‌ನಲ್ಲಿ ಬರೆದುಕೊಂಡಿರುವ ತಾಪ್ಸಿ ಪನ್ನು, "ಇದು ಕಂಚು!!!!!!" ಎಂದಿದ್ದಾರೆ.

  "ಇತಿಹಾಸ ಬರೆದಿರುವ ಟೀಂ ಇಂಡಿಯಾಕ್ಕೆ ಅಭಿನಂದನೆಗಳು. 41 ವರ್ಷಗಳ ಬಳಿಕ ಒಲಿಂಪಿಕ್‌ ಪದಕ! ಯಾವ ಪಂದ್ಯ, ಎಂತಹ ಪುನರಾಗಮನ!" ಎಂದು ಟ್ವೀಟ್‌ನಲ್ಲಿ ಬಾಲಿವುಡ್‌ ನಟರು ಬರೆದುಕೊಂಡಿದ್ದಾರೆ.

  ನಟ ಅನಿಲ್‌ ಕಪೂರ್‌ ಅವರು ತಂಡ ಗೆಲುವನ್ನು ಶ್ಲಾಘಿಸಿದ್ದಾರೆ. ನಟ ರಾಹುಲ್‌‌‌ ಬೋಸ್‌ ಇನ್‌ಸ್ಟಾಗ್ರಾಂನಲ್ಲಿ ಭಾರತದ ಗೆಲುವಿನ ಪಂದ್ಯದ ವಿಡಿಯೋವೊಂದನ್ನು ಹಂಚಿಕೊಂಡಿದ್ದು, "ಭಾರತ, ನೀನು ಸುಂದರಿ" ಎಂದಿದ್ದಾರೆ.

  "ಈ ಕ್ಷಣವು ಇತಿಹಾಸದಲ್ಲಿ ಉಳಿಯುತ್ತದೆ" ಎಂದು ನಟಿ ತಮನ್ನಾ ಭಾಟಿಯಾ ತಿಳಿಸಿದ್ದಾರೆ.

  "ಒಲಿಂಪಿಕ್ಸ್‌ 2020ರಲ್ಲಿ ಕಂಚಿನ ಪದಕ ಗೆದ್ದ ಭಾರತೀಯರ ಪುರುಷರ ಹಾಕಿ ತಂಡಕ್ಕೆ ಅಭಿನಂದನೆಗಳು" ಎಂದು ಚಲನಚಿತ್ರ ನಿರ್ಮಾಪಕ ಮಧುರ್ ಭಂಡಾರ್ಕರ್ ಅವರು ಹೇಳಿದ್ದಾರೆ.

  "ಇದು ತುಂಬಾ ಮುದ್ದಾಗಿದೆ! ಟೀ ಇಂಡಿಯಾ ಸುಮಾರು ಅರ್ಥ ದಶಕದ ಬಳಿಕ ಹಾಕಿಯಲ್ಲಿ ಕಂಚು ಗೆದ್ದಿದೆ. ಅಭಿನಂದನೆಗಳು. ಆಟಗಾರರೇ ಮುಂದುವರಿಯಿರಿ" ಎಂದು ನಟ ಅಮಿರಾ ದಸ್ತೂರ್ ಟ್ವೀಟ್‌ನಲ್ಲಿ ಬರೆದುಕೊಂಡಿದ್ದಾರೆ.
  
  ಭಾರತದ ಹಾಕಿ ತಂಡ ಸುಮಾರು 41 ವರ್ಷಗಳ ನಂತರ ಒಲಿಂಪಿಕ್ಸ್‌ನಲ್ಲಿ ಪದಕ ಗಳಿಸಿದೆ.

  And it’s a bronze !!!!!!! 💪🏾 https://t.co/xaZp4Mvwkl

  — taapsee pannu (@taapsee) August 5, 2021

  Wow!! Indian Men’s Hockey Team Congratulations. Resilience and skill at its peak. What an exciting match.

  — Shah Rukh Khan (@iamsrk) August 5, 2021