Entertainment
ಸನ್ನಿ ಲಿಯೋನ್‌ ಮನೆಯಲ್ಲಿ ಜಿರಳೆ ಕಾಟ - ದಂಪತಿಗಳನ್ನು ನೋಡಿ ನಕ್ಕ ನೆಟ್ಟಿಗರು
- Wed, Aug 04 2021 04:45:56 PM
-
ಮುಂಬೈ, ಆ 04 (DaijiworldNews/PY): ಬಾಲಿವುಡ್‌ ನಟಿ ಸನ್ನಿ ಲಿಯೋನ್‌ ಅವರಿಗೆ ಮನೆಯಲ್ಲಿ ಜಿರಳೆ ಕಾಟವಂತೆ. ದಂಪತಿಗಳಿಬ್ಬರು ಜಿರಳೆಯನ್ನು ಹೊರಗೆ ಹಾಕಲು ಯತ್ನಿಸುತ್ತಿರುವ ವಿಡಿಯೋ ಈಗ ವೈರಲ್‌ ಆಗಿದ್ದು, ಸನ್ನಿ ಲಿಯೋನ್‌ ಅವರ ಹಾಸ್ಯ ಪ್ರಜ್ಞೆಗೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇನ್‌ಸ್ಟಾಗ್ರಾಂನಲ್ಲಿ ವಿಡಿಯೋ ಶೇರ್‌ ಮಾಡಿರುವ ಸನ್ನಿ ಲಿಯೋನ್‌, ವುಮೆನ್‌ vs ವೈಲ್ಡ್ ಎಂದು ಶೀರ್ಷಿಕೆಯೊಂದನ್ನು ನೀಡಿದ್ದು, ವಿಡಿಯೋ ಕೊನೆಯಲ್ಲಿ ವೆಬರ್‌ ಅವಾಂತರ ನೋಡಿ ಎಂದು ತಮ್ಮ ಪತಿ ಡೇನಿಯಲ್‌ ಅವರ ಕಾಲೆಳೆದಿದ್ದಾರೆ. ಈ ವಿಡಿಯೋ ಚಿತ್ರೀಕರಣದಲ್ಲಿ ಯಾವ ಕೀಟಕ್ಕೂ ಹಾನಿಯುಂಟು ಮಾಡಲಿಲ್ಲ. ಜಿರಳೆ ನಮಗಿಂತ ಚುರುಕಾಗಿತ್ತು. ಹಾಗಾಗಿ ಜಿರಳೆ ನಮಗೆ ಸಿಕ್ಕಿಲ್ಲ ಎಂದಿದ್ದಾರೆ.
ವಿಡಿಯೋದಲ್ಲಿ ಹಾರು ಜಿರಳೆಯೊಂದನ್ನು ಅಟ್ಟಿಸಿಕೊಂಡು ಹೋಗಿದ್ದು, ಜಿರಳೆಯನ್ನು ಮನೆಯಿಂದ ಹೊರಹಾಕಲು ಬಹಳ ಪ್ರಯತ್ನಪಟ್ಟಿದ್ದಾರೆ. ಸನ್ನಿ ಅವರಿಂದ ಈ ಕೆಲಸ ಸಾಧ್ಯವಾಗದೇ ಇದದ್‌ಆಗ ಅವರ ಪತಿ ಡೇನಿಯಲ್‌ ವೆಬರ್‌ ಸಹಾಯಕ್ಕೆ ಬಂದಿದ್ದಾರೆ. ಇನ್ನೇನು ಜಿರಳೆ ಸಿಕ್ಕಿತು ಎನ್ನುವಷ್ಟರಲ್ಲ ಜಿರಳೆ ತಪ್ಪಿಸಿಕೊಂಡಿದ್ದು, ಜಿರಳೆಯನ್ನು ಬಡಿಯಲು ವೆಬರ್‌ ತಮ್ಮ ಅಂಗಿಯನ್ನೂ ತೆಗೆದು ಅದರ ಮೂಲಕ ಹಿಡಿಯಲು ಯತ್ನಿಸಿದ್ದಾರೆ. ಆದರೆ, ಜಿರಳೆ ತಪ್ಪಿಸಿಕೊಂಡಿದೆ.
ಸನ್ನಿ ಲಿಯೋನ್‌ ಅವರು ಇತ್ತೀಚೆಗೆ ಹೊಸ ಮನೆಗೆ ಪ್ರವೇಶ ಮಾಡಿದ್ದು, ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಅವರು ಮಾಹಿತಿ ಹಂಚಿಕೊಂಡಿದ್ದರು. ಛೇ, ಸನ್ನಿ ಅವರ ಹೊಸ ಮನೆಯಲ್ಲೂ ಜಿರಳೆ ಕಾಟವೇ? ಎಂದು ನೆಟ್ಟಿಗರು ಕಮೆಂಟ್‌ ಮಾಡುತ್ತಿದ್ದಾರೆ.
ಚಾನಲ್ ಫಾಲೋ ಮಾಡಿ
