ಸ್ಯಾಂಡಲ್‌‌ವುಡ್‌‌ಗೆ ಎಂಟ್ರಿ ಕೊಟ್ಟ ಕರಾವಳಿ ಬೆಡಗಿ ರಚನಾ ರೈ

•   Mon, Aug 02 2021 03:52:25 PM



• ಮಂಗಳೂರು, ಆ.02 (DaijiworldNews/HR): ಶ್ರೀಧಾ ಬ್ಯಾನರ್‌ನ ಅಡಿ ನಿರ್ಮಾಣಗೊಳ್ಳುತ್ತಿರುವ ಶರತ್ ನಿರ್ದೇಶನದ 'ಚಿಕನ್  ಪುಳಿಯೋಗರೆ' ಎಂಬ ಕನ್ನಡ ಸಿನಿಮಾದ ಮೂಲಕ ಪುತ್ತೂರಿನ ಬೆಡಗಿ ರಚನಾ ರೈ ನಾಯಕಿ ನಟಿಯಾಗಿ ಸ್ಯಾಂಡಲ್‌‌ವುಡ್‌‌ಗೆ ಎಂಟ್ರಿ ಕೊಟ್ಟಿದ್ದಾರೆ.

  

  

  

  ಖಾಸಗಿ ವಾಹಿನಿಯಲ್ಲಿ ಪ್ರಸಾರಗೊಳ್ಳುವ ಕನ್ನಡತಿ ಎಂಬ ಧಾರವಾಹಿಯ ನಾಯಕ ಕಿರಣ್ ರಾಜ್ ಈ ಸಿನಿಮಾದಲ್ಲಿ ನಾಯಕ ನಟನಾಗಿ ಅಭಿನಯಿಸಿದ್ದು, ಈಗಾಗಲೇ 'ಚಿಕನ್  ಪುಳಿಯೋಗರೆ' ಸಿನಿಮಾದ ಟೀಸರ್ ಬಿಡುಗಡೆಗೊಂಡಿದ್ದು ಲಕ್ಷಕ್ಕೂ ಅಧಿಕ ವೀಕ್ಷಣೆಯನ್ನು ಪಡೆದಿದೆ.

  ತನ್ನ ಕಿರಿಯ ವಯಸ್ಸಿನಿಂದಲೇ ನಟನೆಯತ್ತ ಒಲವು ತೋರಿದ್ದ ರಚನಾ ರೈ ತನ್ನ ಶಾಲಾ ಹಂತದಲ್ಲಿಯೇ ಕಿರು ಚಿತ್ರದಲ್ಲಿ ನಟಿಸಿದ್ದು, ಬಳಿಕ ಅನೇಕ ಆಲ್ಬಂ ಸಾಂಗ್‌ನಲ್ಲಿಯೂ ಕಾಣಿಸಿಕೊಂಡಿದ್ದಾರೆ.

  ರಚನಾ ರೈ ಶಾಲಾ ಮತ್ತು ಪಿಯುಸಿ ಶಿಕ್ಷಣವನ್ನು ಎಸ್.ಡಿ.ಎಂ ಉಜಿರೆಯಲ್ಲಿ ಹಾಗೂ ಪುತ್ತೂರಿನ ವಿವೇಕಾನಂದ ಕಾಲೇಜಿನಲ್ಲಿ ಪತ್ರಿಕೋದ್ಯಮದಲ್ಲಿ ಪದವಿ ಶಿಕ್ಷಣವನ್ನು ಪಡೆದಿದ್ದಾರೆ.