ಇನ್‌‌ಸ್ಟಾಗ್ರಾಮ್ ರಿಚ್ ಲಿಸ್ಟ್ ಸ್ಥಾನ ಪಡೆದ ವಿರಾಟ್ ಕೊಹ್ಲಿ, ನಟಿ ಪ್ರಿಯಾಂಕಾ ಚೋಪ್ರಾ

•   Fri, Jul 02 2021 03:09:38 PM



• ಮುಂಬೈ, ಜು.02 (DaijiworldNews/HR): ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಹಾಗೂ ಭಾರತೀಯ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಅವರು ಈ ವರ್ಷ ಹಾಪರ್ ಇನ್‌‌ಸ್ಟಾಗ್ರಾಮ್ ರಿಚ್ ಲಿಸ್ಟ್ ನಲ್ಲಿ ಸ್ಥಾನ ಪಡೆದಿದ್ದಾರೆ.

  

  ಪ್ರಿಯಾಂಕಾ ಚೋಪ್ರಾ ಅವರು ಇನ್‌‌ಸ್ಟಾಗ್ರಾಮ್‌‌ನಲ್ಲಿ 64 ಮಿಲಿಯನ್ ಫಾಲೋವರ್ಸ್ ಗಳನ್ನೂ ಹೊಂದಿದ್ದು, ಪ್ರಪಂಚದಲ್ಲೇ 27 ನೇ ಸ್ಥಾನದಲ್ಲಿದ್ದು, ಇವರ ಫೋಟೋ ಹಂಚಿಕೆ ಅಪ್ಲಿಕೇಶನ್‌‌ನಲ್ಲಿ ಮಾಡುವ ಪ್ರತಿಯೊಂದು ಪ್ರಚಾರ ಪೋಸ್ಟ್ ಗೆ $403,000 (ಅಂದಾಜು ರೂ.3 ಕೋಟಿ) ಪಡೆಯುತ್ತಿದ್ದಾರೆ ಎಂದು ವರದಿಯಾಗಿದೆ.

  ಇನ್ನು ಹಾಪರ್ ಇನ್‌ಸ್ಟಾಗ್ರಾಮ್‌ರಿಚ್ ಲಿಸ್ಟ್ ವಾರ್ಷಿಕವಾಗಿ ಬಿಡುಗಡೆ ಮಾಡಲಾಗುತ್ತದೆ ಮತ್ತು ಇನ್ ಸ್ಟಾಗ್ರಾಮ್ ನಲ್ಲಿ ಅವರ ಪ್ರತಿ ಪ್ರಚಾರಿತ ಪೋಸ್ಟ್ ಗಳಿಗೆ ಅವರು ಎಷ್ಟು ಶುಲ್ಕ ವಿಧಿಸುತ್ತಾರೆ ಎಂಬುದರ ಆಧಾರದ ಮೇಲೆ ಗುರುತಿಸಲಾಗುತ್ತದೆ. ಕಳೆದ ವರ್ಷ, ಪ್ರಿಯಾಂಕಾ ಪ್ರತಿ ಪೋಸ್ಟ್ ಗೆ $271,000 ಗಳಿಸುವ ಮೂಲಕ 19 ನೇ ಸ್ಥಾನದಲ್ಲಿದ್ದರು.

  ಭಾರತೀಯ ಕ್ರಿಕೆಟಿಗ ಎಂದರೆ ವಿರಾಟ್ ಕೊಹ್ಲಿ ಅವರು 19 ನೇ ಸ್ಥಾನದಲ್ಲಿದ್ದು, 125 ಮಿಲಿಯನ್ ಫಾಲೋವರ್ಸ್ ಗಳನ್ನೂ ಹೊಂದಿರುವ ಅವರಿಗೆ ಪ್ರತಿ ಪೋಸ್ಟ್ ಗೆ680,000 ಡಾಲರ್ (ಅಂದಾಜು 5 ಕೋಟಿ ರೂ.) ಪಡೆಯುತ್ತಾರೆ.

  ಇನ್ನು ಫುಟ್ಬಾಲ್ ತಾರೆ ಕ್ರಿಸ್ಟಿಯಾನೊ ರೊನಾಲ್ಡೊ ಮತ್ತೊಮ್ಮೆ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದು, ಅವರು 295 ಮಿಲಿಯನ್ ಫಾಲೋವರ್ಸ್ ಗಳನ್ನು ಹೊಂದಿದ್ದಾರೆ ಮತ್ತು ಪ್ರತಿ ಹುದ್ದೆಗೆ 1,604,000 ಡಾಲರ್ (11 ಕೋಟಿ ರೂ.) ಗಳಿಸುತ್ತಾರೆ ಎನ್ನಲಾಗಿದೆ.