ಕೊಡಗಿನಿಂದ ಮುಂಬೈಗೆ ಹಾರಿ ಹೊಸ ಅಪಾರ್ಟ್​ಮೆಂಟ್‌ ಖರೀದಿಸಿದ ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ

•   Sat, Jun 26 2021 04:26:11 PM



• ಬೆಂಗಳೂರು, ಜೂ. 26(DaijiworldNews/HR): ಬಹು ಬೇಡಿಕೆಯ ನಟಿ ರಶ್ಮಿಕಾ ಮಂದಣ್ಣ ಟಾಲಿವುಡ್, ಬಾಲಿವುಡ್ ಗಳಲ್ಲಿ ಅಭಿನಯಿಸುತ್ತಿದ್ದು, ​ ಇದೀಗ ಬಾಲಿವುಡ್​ ಚಿತ್ರಗಳಲ್ಲಿ ನಟಿಸುತ್ತಿರುವುದರಿಂದ ಮುಂಬೈನಲ್ಲಿ ಹೊಸ ಅಪಾರ್ಟ್​ಮೆಂಟ್​ ಖರೀದಿಸಿದ್ದಾರೆ ಎನ್ನಲಾಗಿದೆ.

  

  ಕೊರೊನಾ ಲಾಕ್‌ಡೌನ್ ಸಡಿಲಿಕೆಯ ಬಳಿಕ ಮತ್ತೆ ಸಿನಿಮಾ ಚಟುವಟಿಕೆಗಳು ಆರಂಭವಾಗಿದ್ದು, ರಶ್ಮಿಕಾ ಅವರು ಮುಂಬೈನಲ್ಲಿ ತಮ್ಮ ಹೊಸ ಅಪಾರ್ಟ್​ಮೆಂಟ್​ಗೆ ಶಿಫ್ಟ್​ ಆಗಿದ್ದಾರೆ. ಈ ಬಗ್ಗೆ ಅವರು ತಮ್ಮ ಇನ್​ಸ್ಟಾಗ್ರಾಮ್​ ಸ್ಟೋರಿ ಮೂಲಕ ಮಾಹಿತಿ ನೀಡಿದ್ದಾರೆ.

  ಇನ್ನು "ಇವತ್ತು ತುಂಬ ಕೆಲಸ ಆಯಿತು. ಕಡೆಗೂ ನಾನು ಅಪಾರ್ಟ್​ಮೆಂಟ್​ಗೆ ಶಿಫ್ಟ್​ ಆದೆ. ತುಂಬ ವಸ್ತುಗಳನ್ನು ಖರೀದಿಸಬೇಕಿತ್ತು. ಅದು ಇನ್ನೂ ಮುಗಿದಿಲ್ಲ. ಅದು ಎಂದಿಗೂ ಮುಗಿಯುವಂಥದ್ದು ಕೂಡ ಅಲ್ಲ. ಔರಾ (ಅವರ ಪ್ರೀತಿಯ ಶ್ವಾನ) ಇಡೀ ದಿನ ಹೊರಗೆ ಇದ್ದಳು. ನನ್ನ ಇಬ್ಬರು ಸ್ನೇಹಿತರನ್ನು ಭೇಟಿಯಾಗಬೇಕಿತ್ತು. ಅಪಾರ್ಟ್​ಮೆಂಟ್​ ಸಜ್ಜುಗೊಳಿಸಬೇಕಿತ್ತು. ನನ್ನ ಅಸಿಸ್ಟೆಂಟ್​ ನನಗೆ ಸಹಾಯ ಮಾಡಿದ. ನನಗೆ ಮತ್ತು ಔರಾಗೆ ತುಂಬ ಸುಸ್ತಾಗಿತ್ತು" ಎಂದು ರಶ್ಮಿಕಾ ಬರೆದುಕೊಂಡಿದ್ದರು.

  ಬಾಲಿವುಡ್‌ನಲ್ಲಿ ರಶ್ಮಿಕಾ ನಟಿಸುತ್ತಿರುವ ಮೊದಲ ಸಿನಿಮಾದ ಹೆಸರು 'ಮಿಷನ್​ ಮಜ್ನು' ಆ ಚಿತ್ರದಲ್ಲಿ​ ನಟ ಸಿದ್ಧಾರ್ಥ್​ ಮಲ್ಹೋತ್ರಾಗೆ ಜೋಡಿಯಾಗಿದ್ದಾರೆ. ಎರಡನೇ ಚಿತ್ರ 'ಗುಡ್​ಬೈ'ನಲ್ಲಿ ಅಮಿತಾಭ್​ ಹಾಗೂ ರಶ್ಮಿಕಾ ಅಪ್ಪ-ಮಗಳ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.