Entertainment
ಬೀಚ್‌ನಲ್ಲಿ ಮಜಾ ಮಾಡಿದ ನಟಿ ಜಾಹ್ನವಿ ಕಪೂರ್ - ಜೊತೆಗಿರುವ ಹುಡುಗ ಯಾರೆಂಬುದು ನೆಟ್ಟಿಗರ ಪ್ರಶ್ನೆ
- Thu, Jun 17 2021 05:58:23 PM
-
ಮುಂಬೈ, ಜೂ.17 (DaijiworldNews/HR): ಬಾಲಿವುಡ್‌ ನಟಿ ಜಾಹ್ನವಿ ಕಪೂರ್ ಲಾಕ್‌ಡೌನ್‌ನಿಂದಾಗಿ ಕಳೆದ ಕೆಲವು ದಿನಗಳಿಂದ ಮನೆಯಲ್ಲೇ ಇದ್ದು, ಇದೀಗ ತಾವು ಬೀಚ್‌ನಲ್ಲಿ ಕಳೆದ ಸಂತಸದ ಕ್ಷಣಗಳ ಫೋಟೋಗಳನ್ನು ತನ್ನ ಇನ್ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಸೂರ್ಯಾಸ್ತದ ವೇಳೆ ನಟಿ ಜಾಹ್ನವಿ ಕಪೂರ್ ಬೀಚ್‌ನಲ್ಲಿ ಕ್ಲಿಕ್ ಮಾಡಿಕೊಂಡಿರುವ ಫೋಟೋಗಳು ನೆಟ್ಟಿಗರ ಕಣ್ಣು ಕುಕ್ಕುವಂತಿದೆ.
ಬೀಚ್ ಔಟಿಂಗ್‌ಗಾಗಿ ನಟಿ ಜಾಹ್ನವಿ ಕಪೂರ್ ಸುಮಾರು 4 ಸಾವಿರ ರೂಪಾಯಿ ಮೌಲ್ಯದ ಬಿಕಿನಿ ಟಾಪ್ ಹಾಗೂ ಲೆಪರ್ಡ್ ಪ್ರಿಂಟ್ ಬಾಟಂ ಧರಿಸಿದ್ದರು ಎನ್ನಲಾಗಿದೆ.
ಇನ್ನು ಬೀಚ್ ಔಟಿಂಗ್‌ಗೆ ನಟಿ ಜಾಹ್ನವಿ ಕಪೂರ್ ಜೊತೆಗೆ ಓರ್ವ ಯುವಕನೂ ಇದ್ದು, ಆತನ ಕೈಹಿಡಿದು ಅಲೆಗಳ ಬಳಿ ನಟಿ ಜಾಹ್ನವಿ ಕಪೂರ್ ಓಡುತ್ತಿರುವ ಫೋಟೋ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ನಟಿಯೊಂದಿಗಿದ್ದ ಯುವಕನ ಹೆಸರು ಒರ್ಹಾನ್ ಎನ್ನಲಾಗಿದ್ದು, ಈತ ಮತ್ತು ಜಾಹ್ನವಿ ಕಪೂರ್ ಆತ್ಮೀಯ ಸ್ನೇಹಿತರಂತೆ. ಜಾಹ್ನವಿ ಕಪೂರ್ ಅವರ ಇನ್ಸ್ಟಾಗ್ರಾಮ್ ಪೋಸ್ಟ್‌ಗೆ ಗೆಳೆಯ ಒರ್ಹಾನ್ ಕೂಡ ಕಾಮೆಂಟ್ ಮಾಡಿದ್ದಾನೆ. ''ನಾವಿಬ್ಬರು ಪ್ರತಿದಿನ ಮಾತನಾಡಿದರೂ ನಿನ್ನನ್ನ ಮಿಸ್ ಮಾಡಿಕೊಳ್ಳುತ್ತೇನೆ'' ಎಂದು ಒರ್ಹಾನ್ ಕಾಮೆಂಟ್ ಹಾಕಿದ್ದಾನೆ.
ಇನ್ನು ಈ ಫೋಟೋಗಳನ್ನು ನೋಡಿ ಜಾಹ್ನವಿ ಕಪೂರ್ ಮತ್ತು ಒರ್ಹಾನ್ ಪ್ರೀತಿ ಮಾಡ್ತಿದ್ದಾರಾ ಎಂದು ನೆಟ್ಟಿಗರು ಪ್ರಶ್ನೆ ಮಾಡಿದ್ದಾರೆ.
ಚಾನಲ್ ಫಾಲೋ ಮಾಡಿ
