ಬಾಲಿವುಡ್ ಸಿನಿಮಾದಲ್ಲಿ ನಟಿಸಲಿರುವ ಕ್ರಿಕೆಟಿಗ ಶ್ರೀಶಾಂತ್

•   Mon, Jun 14 2021 01:19:00 PM



• ಮುಂಬೈ, ಜೂ.14 (DaijiworldNews/HR): ಭಾರತದ ಮಾಜಿ ಕ್ರಿಕೆಟಿಗ ಶ್ರೀಶಾಂತ್ ಶೀಘ್ರದಲ್ಲೇ ಬಾಲಿವುಡ್‌ನ 'ಪಟ್ಟಾ' ಸಿನಿಮಾದಲ್ಲಿ ಪ್ರಮುಖ ಪಾತ್ರ ವಹಿಸಲಿದ್ದಾರೆ. ಎನ್‌ಎನ್‌ಜಿ ಫಿಲ್ಮ್ಸ್ ಬ್ಯಾನರ್ ಅಡಿಯಲ್ಲಿ ನಿರೂಪ್ ಗುಪ್ತಾ ಈ ಸಿನಿಮಾವನ್ನು ನಿರ್ಮಿಸಿದ್ದು, ಆರ್ ರಾಧಾಕೃಷ್ಣನ್ ಬರೆದು ನಿರ್ದೇಶಿಸಿದ್ದಾರೆ.

  

  'ಪಟ್ಟಾ' ಒಂದು ರಾಜಕೀಯ ಥ್ರಿಲ್ಲರ್ ಚಿತ್ರವಾಗಿದ್ದು, ಇದು ಆಕ್ಷನ್ ಮತ್ತು ಸಂಗೀತಕ್ಕೆ ಪ್ರಾಮುಖ್ಯತೆ ನೀಡುತ್ತದೆ. ಶ್ರೀಶಾಂತ್ ಅವರಲ್ಲದೆ, ಹಲವಾರು ಬಾಲಿವುಡ್ ತಾರೆಯರು ಕೂಡ ಈ ಚಿತ್ರದಲ್ಲಿ ನಟಿಸಲಿದ್ದಾರೆ.

  ಈ ಸಿನಿಮಾದ ಛಾಯಾಗ್ರಾಹಕ ಪ್ರಕಾಶ್ ಕುಟ್ಟಿಯಾಗಿದ್ದು, ಸುರೇಶ್ ಯುಆರ್‌ಎಸ್ ಸಂಪಾದಕರಾಗಿದ್ದಾರೆ. ಸುರೇಶ್ ಪೀಟರ್ಸ್ ಸಂಗೀತ ಸಂಯೋಜಿಸಿದ್ದು, ಸ್ಪಾಟ್ ಎಡಿಟಿಂಗ್ ಅನ್ನು ರತಿನ್ ರಾಧಾಕೃಷ್ಣನ್ ನಿರ್ವಹಿಸಿದ್ದಾರೆ.

  ಇನ್ನು ಶ್ರೀಧರ್ ನೃತ್ಯ ಸಂಯೋಜಕ ಮತ್ತು ಸಜಯ್ ಮಾಧವನ್ ಕಲಾ ನಿರ್ದೇಶಕರಾಗಿದ್ದಾರೆ.