5 ಭಾಷೆಯಲ್ಲಿ ಮೊದಲ ದಿನವೇ '777 ಚಾರ್ಲಿ' ಸಿನಿಮಾದ ಟೀಸರ್​ ​1.5 ಕೋಟಿ ಜನರಿಂದ ವೀಕ್ಷಣೆ

•   Mon, Jun 07 2021 06:41:09 PM



• ಬೆಂಗಳೂರು, ಜೂ.07 (DaijiworldNews/HR): ಕಿರಣ್​ರಾಜ್​ ನಿರ್ದೇಶನದ, ನಟ ರಕ್ಷಿತ್​ ಶೆಟ್ಟಿ ಅಭಿನಯದ '777 ಚಾರ್ಲಿ' ಸಿನಿಮಾದ ಟೀಸರ್​ ಕನ್ನಡ ಮಾತ್ರವಲ್ಲದೆ ತೆಲುಗು, ತಮಿಳು, ಮಲಯಾಳಂ ಮತ್ತು ಹಿಂದಿಯಲ್ಲೂ ಈ ಚಿತ್ರ ತೆರೆಕಾಣಲಿದ್ದು, ಈ ಎಲ್ಲ ಭಾಷೆಯಲ್ಲೂ ಟೀಸರ್​ ರಿಲೀಸ್​ ಮಾಡಲಾಗಿದ್ದು, ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ.

  

  ರಕ್ಷಿತ್​ ಶೆಟ್ಟಿ ಒಡೆತನದ ಪರಮ್​ವಾ ಸ್ಟುಡಿಯೋಸ್​ ಯೂಟ್ಯೂಬ್​ ಚಾನೆಲ್​ನಲ್ಲಿ '777 ಚಾರ್ಲಿ' ಚಿತ್ರದ ಟೀಸರ್​ ಬಿಡುಗಡೆಯಾಗಿ ಕೇವಲ 24 ಗಂಟೆಯೊಳಗೆ ಕೋಟಿ​ಗಟ್ಟಲೆ ವೀವ್ಸ್​ ಪಡೆಯುವಲ್ಲಿ ಈ ಟೀಸರ್​ ಯಶಸ್ವಿ ಆಗಿದೆ.

  ಇನ್ನು ಕನ್ನಡದಲ್ಲಿ 4.1 ಮಿಲಿಯನ್​ (41 ಲಕ್ಷ), ಮಲಯಾಳಂ ಹಾಗೂ ತೆಲುಗಿನಲ್ಲಿ ತಲಾ 2.9 ಮಿಲಿಯನ್​ (ಎರಡೂ ಸೇರಿ 58 ಲಕ್ಷ), ತಮಿಳಿನಲ್ಲಿ 2.8 ಮಿಲಿಯನ್​ (28 ಲಕ್ಷ) ಹಾಗೂ ಹಿಂದಿಯಲ್ಲಿ 2.3 ಮಿಲಿಯನ್​ (23 ಲಕ್ಷ) ಬಾರಿ ಟೀಸರ್​ ವೀಕ್ಷಣೆ ಕಂಡಿದೆ.

  '777 ಚಾರ್ಲಿ' ಟೀಸರ್​ ಎಲ್ಲ ಭಾಷೆಯನ್ನೂ ಸೇರಿಸಿದರೆ ಒಂದು ದಿನದೊಳಗೆ 15 ಮಿಲಿಯನ್​ ವೀವ್ಸ್​ ಸಿಕ್ಕಂತಾಗಿದ್ದು, 1.5 ಕೋಟಿ ಜನರು ಈ ಟೀಸರ್​ ನೋಡಿದ್ದಾರೆ.

  ಇನ್ನು ಎರಡನೇ ದಿನವೂ ಯೂಟ್ಯೂಬ್​ನಲ್ಲಿ ಚಾರ್ಲಿಯ ಟೀಸರ್ ನೋಡುತ್ತಿರುವವರ ಸಂಖ್ಯೆ ಹೆಚ್ಚಾಗಿದ್ದು, ಅಭಿಮಾನಿಗಳಿಗೆ ಮಾತ್ರವಲ್ಲದೆ ಸೆಲೆಬ್ರಿಟಿಗಳಿಗೂ ಕೂಡ ಈ ಟೀಸರ್​ ಇಷ್ಟ ಪಟ್ಟಿದ್ದಾರೆ.